Hebreos 9:8 - Zapotec Choapan

⁸ Naꞌ como canaꞌ bëjëꞌ, lenaꞌ nacan ta bzioñeꞌe Bichi Be quie Diuzi raꞌo de que tu raca nezu idaoꞌ de laꞌariꞌ naca chopa cuarto, bisaqueꞌ tzuꞌu ja benëꞌ luꞌu cuarto naca laꞌiyatzegue, ta inaro bisaqueꞌ tzuꞌuro ga zu Diuzi.

Hebreos 9:8 ပူးပေါင်းရင်းမြစ်များ

San Lucas 1:80

Biz̃i xcuidiꞌ guꞌunibiꞌ labezi, gucabiꞌ biꞌ huala, yuꞌubiꞌ Bichi Be quie Diuzi. Naꞌra uzubiꞌ lao lato ga bidyia yuꞌu hasta bdyin dza uzulaobiꞌ rguixogueꞌbiꞌ yaca benꞌ Israel xtiꞌidzaꞌ Diuzi.

San Juan 10:7

Naꞌra una Jesús tatula rëbinëꞌ leyaquëꞌ: ―Tali ca rniaꞌ leꞌe, nëꞌëdiꞌ nacaꞌ ca quie ruꞌa corrale ga ruꞌu yaca becoꞌ z̃iꞌilaꞌ.

San Juan 10:9

Danꞌ nacaꞌ ca quie ruꞌa corrale, lenaꞌ con nu yaca benꞌ tzuꞌu ruꞌa corrale ganꞌ zuaꞌ, lëlëyaca benꞌ naꞌ gataꞌ yelaꞌ neban quiejëꞌ tuzioli. Huaca quieyaquëꞌ ca quie yaca becoꞌ z̃iꞌilaꞌ ruꞌu rero luꞌu corrale ga de guiz̃i yaꞌa ta gaoyacabaꞌ.

San Juan 14:6

Naꞌra una Jesús rëbinëꞌ lëbëꞌ: ―Nëꞌëdiꞌ nacaꞌ neza guibá, benꞌ rnë tali, benꞌ run yelaꞌ neban tuzioli. Tuzaꞌ nëꞌëdiꞌ nacaꞌ benꞌ uluꞌe yaca benëꞌ yedyinyaquëꞌ ga zu Diuzi.

Hechos 28:25

Naꞌra como binagaꞌnyaquëꞌ de acuerdo entre lejëꞌ, uzulaojëꞌ redzatzayaquëꞌ. Naꞌra una Pablo gudyinëꞌ leyaquëꞌ: ―Biz̃i bigalaꞌadyiꞌle diꞌidzaꞌ li unë Bichi Be quie Diuzi dza naꞌte caora useꞌelëꞌ xuzixtaꞌoro Isaías rëbinëꞌ lëbëꞌ cani:

Gálatas 3:8

Diuzi, benꞌ bë mandado bzu yaca benëꞌ xtiꞌidzëꞌ lëꞌë guichi, unezinëꞌ dza naꞌte de que sudyiꞌilë yaca benꞌ binaca benꞌ Israel lëbëꞌ. Canaꞌ gaca quieyaquëꞌ hualëꞌë Diuzi leyaquëꞌ benꞌ laxtaꞌo yëri, benꞌ hue lëbëꞌ tuz̃e. Quie lenaꞌ una Diuzi dza naꞌte gudyinëꞌ Abraham: “Huelaꞌiyaꞌ yugulu benꞌ nitaꞌ lao yedyi layu tanun quioꞌ luëꞌ.” Canaꞌ una Diuzi gudyinëꞌ Abraham.

Efesios 2:18

Dyin bë Cristo racalë Bichi Be quie Diuzi raꞌo ta huebëꞌro Xuziro Diuzi, laꞌacazi nacaro benꞌ Israel, laꞌacazi nacaro benꞌ zaꞌ yedyi tula.

Hebreos 10:15

Pues nuxelaꞌadyiꞌ Bichi Be quie Diuzi raꞌo de que nacan tali con cabëꞌ unanëꞌ, con cabëꞌ rnan lëꞌë guichi laꞌiya cani:

Hebreos 3:7

Quie lenaꞌ naca quiero cabëꞌ una Bichi Be quie Diuzi dza naꞌ. Lenaꞌ rnën lëꞌë guichi laꞌiya quie Diuzi cani: Naꞌadza, chi tali rele bi na Diuzi leꞌe,

Hebreos 9:3

Ga beyudyi tu cuarto zu tanëro, naꞌ zë itu laꞌariꞌ. Naꞌ xcuꞌudzu laꞌariꞌ naꞌ zu itu cuarto laona Lato Naca Laꞌiyatzegue.

2 Pedro 1:21

Pues yaca benꞌ naꞌ, benꞌ unitaꞌ tiempote, quele bzujëꞌ diꞌidzaꞌ lëꞌë guichi ta racazi laꞌadyiꞌjëꞌ, pero como nacajëꞌ benꞌ laꞌiya quie Diuzi, bzujëꞌ diꞌidzaꞌ lëꞌë guichi cabëꞌ mandado bë Bichi Be quie Diuzi quieyaquëꞌ.