Efesios 5:14 - Zapotec Choapan

¹⁴ Quie lenaꞌ rguixogueꞌn lëꞌë guichi laꞌiya quie Diuzi cani: Uletëlebë leꞌe nitaꞌle naca quiele ca quie benꞌ nitaꞌ rasi, benꞌ biyuꞌu pensari. Ulesuli leꞌe nitaꞌle naca quiele ca quie benꞌ huati, benꞌ biyuꞌu gracia. Ulesu listo, porque bazu Cristo useniꞌnëꞌ guicho laxtaꞌole. Canaꞌ rguixogueꞌn lëꞌë guichi laꞌiya.

Efesios 5:14 ပူးပေါင်းရင်းမြစ်များ

San Lucas 1:78

Tanun quie nedyëꞌë Xuziro Diuzi raꞌo reyëchiꞌlaꞌadyiꞌnëꞌ raꞌo, aoseꞌelëꞌ tu benꞌ uzioñeꞌe raꞌo desde guibá ga zuëꞌ.

San Lucas 15:24

Canaꞌ huero como danꞌ z̃iꞌinaꞌ niga anaca quiebiꞌ ca quie tu benꞌ baguti beban. Aonitibiꞌ, pero naꞌ babelaꞌbiꞌ bazulëbiꞌ raꞌo niga.” Naꞌ uzulaoyaquëꞌ rueyaquëꞌ lani.

San Juan 8:12

Unë Jesús tatula rëbinëꞌ yaca benëꞌ: ―Nacaꞌ ca quie tu guiꞌ ta useniꞌn quie yugulu benꞌ rda lao lato lao chula. Chi nu yaca benëꞌ nao nëꞌëdiꞌ, bitayaquëꞌ lao lato lao chula. Huadayaquëꞌ ga rseniꞌ xniꞌ guiꞌ, ga idzeleyaquëꞌ yelaꞌ neban tuzioli.

San Juan 9:5

Tu raca zuaꞌ lao yedyi layu, nacaꞌ ca quie guiꞌ rseniꞌn ga naca chula ta ilëꞌë yaca benëꞌ.

Hechos 13:47

Porque canaꞌ useꞌelaꞌ Diuzi nëtoꞌ unëꞌ gudyinëꞌ cani: Bzuaꞌ leꞌe ca quie tu guiꞌ z̃e tacuenda ilëꞌë yaca benꞌ tula, benꞌ binaca benꞌ Israel. Iseꞌelaꞌ leꞌe ta tzetixogueꞌle xtiꞌidzaꞌ yaca benꞌ nitaꞌ yedyi zituꞌ gula.

Romanos 6:13

Bihueꞌle lato huelële cuerpo quiele tamala. Ta reyaꞌalaꞌ huele, huelële Diuzi tuz̃e como danꞌ banaca quiele ca quie benꞌ baguti, benꞌ beban lao naꞌanëꞌ. Ta reyaꞌalaꞌ huele, hueꞌle lato huelële cuerpo quiele tadyaꞌa.

1 Corintios 15:34

Ulehue pensari inaole neza dyaꞌa. Biiquixile huele tamedian. Balale leꞌe binenezile ca naca Diuzi. Rniaꞌ leꞌe canꞌ ta yedueꞌle.

2 Corintios 4:6

Naca Diuzi benꞌ bë mandado dza naꞌte ta galo guiꞌ useniꞌna ga naca chula. Lëscanꞌ naca Diuzi benꞌ bzioñeꞌe raꞌo ca naca quienëꞌ cuenda bira gaca guicho laxtaꞌoro ca guicho laxtaꞌo benꞌ rda lao lato lao chula. Canaꞌ bënëꞌ quiero cuenda yeyuebëꞌro ca naca yelaꞌ huaca quienëꞌ. Pues lëyelaꞌ huaca naꞌruen rseniꞌna lao Jesús raca titiꞌn.

Efesios 2:1

Dza naꞌte guca quiele ca quie benꞌ huati lao Diuzi. Dyin bë dulaꞌ xquia quiele, biyuꞌule pensari bële ta rnazin quiele.

Efesios 2:5

bënëꞌ tacuenda gataꞌ yelaꞌ neban quiero tuzioli caora cati psebannëꞌ Cristo. Canaꞌ bënëꞌ quiero dza naꞌte laꞌacazi nenacaro ca benꞌ huati, neyuꞌuro pensari mala unabëꞌ dulaꞌ xquia quiero raꞌo. Yelaꞌ benꞌ huen quie Diuzi bënëꞌ ta gataꞌ yelaꞌ neban quiero tuzioli.

Colosenses 3:1

Leꞌe naca quiele ca quie benꞌ baguti babebanlë Cristo. Quie lenaꞌ huele cuenda tu ta naca quie guibá ga reꞌ Cristo zaquëꞌ yebë quie Diuzi.

1 Tesalonicenses 5:6

Bihuero ca rue benꞌ rasi, benꞌ bibi pensari yuꞌu. Pero raꞌo, reyaꞌalaꞌ suro listo, reyaꞌalaꞌ huero pensari.

2 Timoteo 1:10

Tali bluꞌe Diuzi nadyëꞌënëꞌ raꞌo, porque useꞌelaꞌnëꞌ Señor quiero Jesucristo ta yeyudyi yedu quie yelaꞌ guti quiero. Lëscanꞌ lao naꞌanëꞌ gutaꞌ yelaꞌ neban quiero tuzioli por nun quie xtiꞌidzaꞌ Diuzi.

2 Timoteo 2:26

Canaꞌ reꞌennan cuenda sujëꞌ listo yerojëꞌ luꞌu trampa ga bdzeꞌ xanꞌ taxiꞌibiꞌ lëjëꞌ nacajëꞌ preso ga hue xanꞌ taxiꞌibiꞌ ta rnazin quiena conlë lëjëꞌ.