Apocalipsis 4:7 - Zapotec Choapan

⁷ Naꞌra blëꞌëdaꞌ benꞌ nëro, naquëꞌ ca tu bëdyi guixiꞌ, naꞌ benꞌ urupe, naquëꞌ ca tu bëdyihuaga, naꞌ benꞌ uyune, zu laohuëꞌ ca zu lao benëꞌ, naꞌ benꞌ udape, naquëꞌ ca psia bia rzë.

Apocalipsis 4:7 ပူးပေါင်းရင်းမြစ်များ

1 Corintios 14:20

Bichaꞌ, bitzuꞌule pensari quie xcuidiꞌ. Pero uletzuꞌu pensari quie benꞌ huaca ta bihuele con ganzi. Rniaꞌ ta reyaꞌalaꞌ huele, huele ca quie xcuidiꞌ binenezi neza mala.

Apocalipsis 4:6

Zacaꞌlao ga reꞌ benꞌ naꞌ, blëꞌëdaꞌ tu ta naca ca nisadaoꞌ, pero rnaꞌn ca yaohuan yeniꞌ gula. Lëscanꞌ blëꞌëdaꞌ lao taoꞌ tu laꞌa huio, zacaꞌ ga reꞌ benꞌ naꞌ, zu tapa benꞌ naca forma ca bia guixiꞌ. Naꞌ yuꞌu yulaojëꞌ duz̃etejëꞌ xcuꞌudzujëꞌ len laojëꞌ.

Apocalipsis 6:3

Cati pchipa benꞌ naca ca quie becoꞌ z̃iꞌilaꞌ ta nerio libro naꞌ taurupe, caora naꞌ bedaꞌ cati unë benꞌ urupe, benꞌ naca quie lao tapa benꞌ naca forma ca bia guixiꞌ. Unanëꞌ nëꞌëdiꞌ: ―¡Udacara ilëꞌëloꞌ!

Apocalipsis 6:5

Naꞌra cati pchipa benꞌ naca ca quie becoꞌ z̃iꞌilaꞌ tauyune nerio libro naꞌ, caora naꞌ unë benꞌ uyune, benꞌ naca quie lao tapa benꞌ naca forma ca bia guixiꞌ. Naꞌ unanëꞌ nëꞌëdiꞌ: ―¡Udacara ilëꞌëloꞌ! Naꞌ cati unaꞌa blëꞌëdaꞌ itu caballo gaso dyia benëꞌ xcuꞌudzubaꞌ. Blëꞌëdaꞌ benꞌ dyia xcuꞌudzubaꞌ zënëꞌ tu z̃igaꞌ de onza.

Apocalipsis 6:7

Naꞌra cati pchipa benꞌ naca ca quie becoꞌ z̃iꞌilaꞌ taudape ga nerio libro naꞌ, caora naꞌ bedaꞌ unë benꞌ udape, benꞌ naca quie lao tapa benꞌ naca forma ca bia guixiꞌ. Unënëꞌ unanëꞌ nëꞌëdiꞌ: ―¡Udacara ilëꞌëloꞌ!