2 Corintios 9:2 - Zapotec Choapan

² porque nezdaꞌ dyëꞌëdi zule dispuesto utupalen. Redaohuedaꞌ yëpaꞌ benꞌ bichiro, benꞌ nitaꞌ yu nebaba Macedonia, cabëꞌ desde iza aode zule dispuesto gacalële laguedyile. Quie lenaꞌ, benꞌ zëja, benꞌ Macedonia, zujëꞌ dispuesto gacalëjëꞌ laguedyijëꞌ nun quie ca ruele leꞌe racalële laguedyile.

2 Corintios 9:2 ပူးပေါင်းရင်းမြစ်များ

Hechos 18:12

Naꞌra tiempo naꞌ uzu tu benꞌ lao Galión. Naquëꞌ gobernador quie yu nebaba Acaya. Pues yaca benꞌ Israel ptupayaquëꞌ laguedyijëꞌ bëyaquëꞌ contra Pablo uquiëꞌyaquëꞌ lëbëꞌ ga reꞌ gobernador,

Hechos 24:17

’Naꞌra como baguca zë iza rdaꞌa du yedyi quie ja benꞌ binaca benꞌ Israel, naꞌ bedyinaꞌ yedyi quiaꞌ ta huaꞌa yaca benꞌ yëchiꞌ nitaꞌ yedyi naꞌ caridad, lëzi ta udziꞌa gun quie idaoꞌ rnabëꞌra naꞌ.

Romanos 15:26

Canaꞌ reꞌennan huaꞌ, como danꞌ yaca benꞌ nao xneza Jesús nitaꞌ yu nebaba Macedonia, len yaca benꞌ nao xneza Jesús nitaꞌ yedyi Acaya, baptupajëꞌ dumi ta iseꞌelaꞌyaquëꞌn quie benꞌ yëchiꞌ, benꞌ nao xneza Jesús nitaꞌ ciudad Jerusalén.

1 Corintios 16:15

Bichaꞌ, dyëꞌëdi nezile naca familia quie Estéfanas benꞌ nëro, benꞌ betzaꞌ pensari quie, barue quieyaquëꞌ diꞌidzaꞌ quie Jesús entre yaca benꞌ nitaꞌ yaca yedyi nebaba Acaya. Bayuꞌuyaquëꞌ dyin quieyaquëꞌ gacalëyaquëꞌ yaca los demás benꞌ nao xneza Jesús.

2 Corintios 1:1

Nëꞌëdiꞌ, Pablo, nacaꞌ benꞌ bdëꞌ Diuzi. Según ca reꞌennëꞌ bdëꞌnëꞌ nëꞌëdiꞌ ta tzaꞌa tzetixoguiꞌa xtiꞌidzaꞌ Jesucristo. Nëꞌëdiꞌliaꞌ benꞌ bichiro Timoteo, bëndoꞌ guichi ni ta iseꞌelaꞌndoꞌn lao leꞌe, benꞌ nao xneza Jesús, benꞌ nitaꞌ ciudad Corinto. Lëscanꞌ huaseꞌelaꞌndoꞌ guichi ni lao yugu benꞌ nao xneza Jesús, benꞌ nitaꞌ yaca yedyi nebaba Acaya.

2 Corintios 7:14

Bron huen cabëꞌ aguchaꞌ Tito, aguchaꞌnëꞌ zuaꞌ contento conlë leꞌe. Naꞌ gucan tali yugulu cabëꞌ unandoꞌ leꞌe, lëscanꞌ gucan tali yugulu cabëꞌ gudyindoꞌ Tito quiele de que zundoꞌ contento conlë leꞌe.

2 Corintios 7:4

Lega redaohuedaꞌ zudyiꞌiliaꞌ leꞌe. Baꞌalaꞌcazi neruen quiero redzagalaoro, redaohuetzeguedaꞌ. Lega gusto suaꞌ conlë leꞌe.

2 Corintios 8:10

Naꞌra reꞌendaꞌ iniaꞌ leꞌe ca naca pensari quiaꞌ. Baguca tu iza baozulaole dyëꞌëdi. Bële huen ptupale dumi. Bële huen bedaohuele ptupalen.

2 Corintios 8:11

Naꞌra useyudyile utupale dumi yedaohuele cabëꞌ bedaohuele dza naꞌ. Utupale quie quiele ca tu ta de quiele.

2 Corintios 8:19

Cala tuzi len ruen lëbëꞌ benꞌ huen, lëscanꞌ bdëꞌ ja benꞌ nao xneza Jesús lëbëꞌ ta saꞌlënëꞌ nëtoꞌ tzaz̃e utupandoꞌ dumi ta gacalëndoꞌ yaca los demás benꞌ nao Jesús, benꞌ bibi de quie. Lenaꞌ baruendoꞌ naꞌa cuenda huendoꞌ Cristo balaꞌana, lëscanꞌ cuenda uluꞌendoꞌ cabëꞌ racalë benꞌ nao xneza Jesús laguedyijëꞌ.

2 Corintios 8:24

Nun quie ta inezi ja benꞌ nao xneza Jesús nitaꞌ tu tu yedyi, uleluꞌejëꞌ cabëꞌ tali nedyëꞌële benꞌ bichiro benꞌ nao xneza Jesús. Lëscanꞌ uleluꞌejëꞌ napandoꞌ razón cati rëbindoꞌ benëꞌ zucazile dispuesto ta gacalële laguedyile, benꞌ nao xneza Jesús.

2 Corintios 8:8

Quele niaꞌ leꞌe ruaꞌ mandado ziꞌlaza huele quie dumi cabëꞌ niaꞌ. Niaꞌ leꞌe reꞌendaꞌ inezile cabëꞌ bë ja benꞌ tula, benꞌ nao xneza Jesús. Du redaohuejëꞌ ptupajëꞌ dumi. Lenaꞌ reꞌendaꞌ inezile cuenda huele tuzi ca bëjëꞌ. Lenaꞌ uluꞌen quiele tali nedyëꞌële Diuzi.

1 Tesalonicenses 1:7

Quie lenaꞌ nezi yaca benꞌ nao xneza Jesús nitaꞌ yaca ciudad nebaba Macedonia, len yaca benꞌ nao xneza Jesús nitaꞌ yaca ciudad nebaba Acaya cabëꞌ ruele, ruele tadyaꞌa.

Hebreos 10:24

Reyaꞌalaꞌ hueꞌlëro laguedyiro, benꞌ nao xneza Cristo, diꞌidzaꞌ z̃elaꞌadyiꞌ ta gacalërojëꞌ ta idyëꞌëjëꞌ benëꞌ huejëꞌ puro ta yuꞌu niꞌa xnezi.