2 Corintios 8:6 - Zapotec Choapan

⁶ Quie lenaꞌ unabandoꞌ cule lao Tito chi bisaqueꞌ guidëꞌ useyudyinëꞌ ideyubinëꞌ leꞌe ta utupanëꞌ dumi ca dumi uzulaonëꞌ rutupanëꞌ dza naꞌ.

2 Corintios 8:6 ပူးပေါင်းရင်းမြစ်များ

Hechos 24:17

’Naꞌra como baguca zë iza rdaꞌa du yedyi quie ja benꞌ binaca benꞌ Israel, naꞌ bedyinaꞌ yedyi quiaꞌ ta huaꞌa yaca benꞌ yëchiꞌ nitaꞌ yedyi naꞌ caridad, lëzi ta udziꞌa gun quie idaoꞌ rnabëꞌra naꞌ.

Romanos 15:25

Pero naꞌa raoyen yeyaꞌa ciudad Jerusalén tzehuaꞌa lëꞌëtiꞌ dumi ta gacalën yaca benꞌ bichiro, benꞌ nao xneza Jesús nitaꞌ naꞌ.

2 Corintios 12:18

Pues nezile aonabaꞌ tu cule lao Tito chi biguidëꞌ ideyubinëꞌ leꞌe. Lëscanꞌ useꞌelaꞌ itu benꞌ bichiro saꞌlënëꞌ Tito. ¿Bi ca nale? ¿Uz̃iꞌ Tito leꞌe yëꞌ? ¿Bi ca nale? ¿Quele tali naꞌ nëꞌëdiꞌliaꞌ Tito, tuzi ca bëlëndoꞌ leꞌe, tuzi ca naca pensari quiendoꞌ?

2 Corintios 2:13

Pero biuzu guicho laxtaꞌohuaꞌ gusto nun quie ta bibedilaꞌ bichiro Tito. Lenaꞌ gudyaꞌ ja benꞌ quie Cristo nitaꞌ yedyi naꞌ aziyaꞌa. Naꞌra beyaꞌa yedyi nebaba Macedonia.

2 Corintios 8:10

Naꞌra reꞌendaꞌ iniaꞌ leꞌe ca naca pensari quiaꞌ. Baguca tu iza baozulaole dyëꞌëdi. Bële huen ptupale dumi. Bële huen bedaohuele ptupalen.

2 Corintios 8:19

Cala tuzi len ruen lëbëꞌ benꞌ huen, lëscanꞌ bdëꞌ ja benꞌ nao xneza Jesús lëbëꞌ ta saꞌlënëꞌ nëtoꞌ tzaz̃e utupandoꞌ dumi ta gacalëndoꞌ yaca los demás benꞌ nao Jesús, benꞌ bibi de quie. Lenaꞌ baruendoꞌ naꞌa cuenda huendoꞌ Cristo balaꞌana, lëscanꞌ cuenda uluꞌendoꞌ cabëꞌ racalë benꞌ nao xneza Jesús laguedyijëꞌ.

2 Corintios 8:23

Chi inaba yaca benëꞌ nuz̃i Tito, naꞌ yëbilejëꞌ naca Tito benꞌ compañero quiaꞌ, benꞌ ruelë nëꞌëdiꞌ dyin quie Diuzi ca dyin ruendoꞌ racalëndoꞌ leꞌe. Lëscanꞌ quie ichopa benꞌ saꞌlë Tito, nacajëꞌ benꞌ useꞌelaꞌ laguedyiro benꞌ nao xneza Jesús, benꞌ rapa Cristo balaꞌana.

2 Corintios 8:4

Unabayëchiꞌjëꞌ laondoꞌ ta hueꞌndoꞌ lato gacalëjëꞌ benꞌ bichiro, benꞌ nao xneza Jesús.

2 Corintios 9:5

Quie lenaꞌ biaꞌ pensari ruguinte inabaꞌ cule lao Tito len compañero quienëꞌ guidajëꞌ ideyubijëꞌ leꞌe cuenda gacalëjëꞌ leꞌe utupalëjëꞌ leꞌe dumi cabëꞌ begaꞌnro diꞌidzaꞌ dza naꞌ. Canaꞌ bade dumi puesto ta uluꞌen bedaohuele ptupalen, quele ptupalen de la fuerza.

Filipenses 4:18

Ta naca yalao babeziꞌa nëꞌëdiꞌ. Mazla ca tu ta rdzioguedaꞌ useꞌelaꞌle quiaꞌ lao naꞌa Epafrodito. Ta useꞌelaꞌle quiaꞌ nëꞌëdiꞌ nacan ca quie tu ta bëꞌle Diuzi rlaꞌn z̃ixi z̃eo, beziꞌnëꞌn yaxenëꞌn.

1 Pedro 4:10

Como benꞌ napa dyin quie Diuzi, gacalële laguedyile según ca banegun Diuzi quie quiele.