2 Corintios 7:14 - Zapotec Choapan

¹⁴ Bron huen cabëꞌ aguchaꞌ Tito, aguchaꞌnëꞌ zuaꞌ contento conlë leꞌe. Naꞌ gucan tali yugulu cabëꞌ unandoꞌ leꞌe, lëscanꞌ gucan tali yugulu cabëꞌ gudyindoꞌ Tito quiele de que zundoꞌ contento conlë leꞌe.

2 Corintios 7:14 ပူးပေါင်းရင်းမြစ်များ

San Juan 17:19

Por nun quieyaquëꞌ babdyiaꞌ cuinaꞌ lao naꞌaloꞌ cuenda udzeꞌloꞌyaquëꞌ lao naꞌaloꞌ ineziyaquëꞌ ca naca tabala quioꞌ.

2 Corintios 10:8

Laꞌacazi tazë lasa baoniaꞌ leꞌe ben Cristo yelaꞌ rnabëꞌ quiendoꞌ, biredueꞌdaꞌ iniaꞌ leꞌe canaꞌ tatula. Ben Cristo yelaꞌ rnabëꞌ quiendoꞌ ta uzioñeꞌendoꞌ leꞌe ta inaole dyëꞌëdi xnezëꞌ, cala ta udyiaguiꞌndoꞌ leꞌe.

2 Corintios 12:6

Pero chi huaꞌ cuinaꞌ benꞌ z̃e yëpaꞌ ja benëꞌ tahuen gula bëlë Diuzi nëꞌëdiꞌ guibá, lenaꞌ binacan pensari tondo, como danꞌ tali cabëꞌ guca quiaꞌ guibá yëpaꞌjëꞌ. Pero bicala yëpaꞌjëꞌ canaꞌ, como danꞌ bireꞌendaꞌ huejëꞌ pensari nacaꞌ benꞌ belaora ca tu rlëꞌëjëꞌ nacaꞌ.

2 Corintios 2:13

Pero biuzu guicho laxtaꞌohuaꞌ gusto nun quie ta bibedilaꞌ bichiro Tito. Lenaꞌ gudyaꞌ ja benꞌ quie Cristo nitaꞌ yedyi naꞌ aziyaꞌa. Naꞌra beyaꞌa yedyi nebaba Macedonia.

2 Corintios 7:13

Pero nun quie cabëꞌ bële, bële tahuen redaohuendoꞌ. Pero quele tuzi len redaohuendoꞌ, lëscanꞌ redaohuendoꞌ nun quie zu Tito gusto ca bële. Dyin quiele yugulule begaꞌn guicho laxtaꞌonëꞌ chizi.

2 Corintios 7:4

Lega redaohuedaꞌ zudyiꞌiliaꞌ leꞌe. Baꞌalaꞌcazi neruen quiero redzagalaoro, redaohuetzeguedaꞌ. Lega gusto suaꞌ conlë leꞌe.

2 Corintios 7:6

Pero reyuez̃elaꞌadyiꞌ Diuzi benꞌ raca bayëchiꞌ quie. Lenaꞌ beyuez̃elaꞌadyiꞌ Diuzi nëtoꞌ, useꞌelaꞌnëꞌ Tito bedenaꞌnëꞌ nëtoꞌ redaohuendoꞌ.

2 Corintios 8:24

Nun quie ta inezi ja benꞌ nao xneza Jesús nitaꞌ tu tu yedyi, uleluꞌejëꞌ cabëꞌ tali nedyëꞌële benꞌ bichiro benꞌ nao xneza Jesús. Lëscanꞌ uleluꞌejëꞌ napandoꞌ razón cati rëbindoꞌ benëꞌ zucazile dispuesto ta gacalële laguedyile, benꞌ nao xneza Jesús.

Filipenses 1:26

Canaꞌ gaca huen quiele yedaohuele chi guidaꞌ ideyubaꞌ leꞌe tatula.

2 Tesalonicenses 1:4

Quie lenaꞌ redaohuendoꞌ ga redupandoꞌ yëbindoꞌ yaca los demás bichiro, benꞌ nao xneza Jesús, cabiz̃i raca quiele, porque baꞌalaꞌcazi rusaca yaca benëꞌ leꞌe bizinaquezi redzagalaole, pero birdzebile birusanlaꞌadyiꞌle xneza Jesús.