2 Corintios 4:4 - Zapotec Choapan4 Nun quie birue quieyaquëꞌn, bë xanꞌ taxiꞌibiꞌ chula guichojëꞌ cuenda bitzioñeꞌejëꞌ con cabëꞌ ina diꞌidzaꞌ laꞌiya quie Diuzi, como danꞌ lëdiꞌidzaꞌ naꞌ rguixogueꞌn quie Cristo. Tuzi Cristo nacarëꞌ benꞌ balaꞌana, benꞌ naca Diuzi guquëꞌ benëꞌ, blëꞌë yaca benëꞌ lëbëꞌ. အခန်းကိုကြည့်ပါ။ |
Yelaꞌ yeladyiꞌ quieyaquëꞌ bë Diuzi leyaquëꞌ ca quie benꞌ laochula, bënëꞌ zidi luꞌu laxtaꞌoyaquëꞌ, cuenda baꞌalaꞌcazi rlëꞌëyaquëꞌ, gaca quieyaquëꞌ ca benꞌ birlëꞌë, lëscanꞌ cuenda baꞌalaꞌcazi tzuꞌu diꞌidzaꞌ luꞌu guichoyaquëꞌ, gaca quieyaquëꞌ ca benꞌ birioñeꞌe. Canaꞌ biinaoyaquëꞌ xneza Diuzi ta yeyëri laxtaꞌoyaquëꞌ.
Naꞌ iseꞌelaꞌ luëꞌ tacuenda naꞌ uzioñeꞌeloꞌ benëꞌ con cabëꞌ naca xnezaꞌ, porque rdayaquëꞌ lao lato lao chula rnaojëꞌ neza xiꞌibiꞌ quie Satanás. Abdyin hora ta tayaquëꞌ lao lato lao xniꞌ inaojëꞌ xneza Diuzi zu guibá. Canaꞌ reꞌennan tacuenda siꞌz̃e Diuzi dulaꞌ xquia quiejëꞌ gacajëꞌ tuz̃e len yaca los demás benꞌ nao xnezaꞌ, benꞌ aodibi Diuzi laxtaꞌo.” Canaꞌ una Jesús gudyinëꞌ nëꞌëdiꞌ tu neza dza naꞌ.
Pero biuyoñeꞌe benꞌ Israel, benꞌ unitaꞌ dza naꞌ. Lëscanꞌ naꞌa birioñeꞌe ja benꞌ Israel cati rulabajëꞌ lëꞌë guichi ga rguixogueꞌn quie dza begaꞌntzaꞌolë Diuzi xuzixtaꞌojëꞌ tiempote. Birioñeꞌejëꞌ nun quie nechula guichojëꞌ. Bineduba guichojëꞌ tachula, como danꞌ ruen zi inaoro xneza Cristo, naꞌ yeduban.
Quie lenaꞌ raꞌo yuguluro, como abeduba tachula guichoro, nacaro ca quie tu yaohuan rseniꞌn guiꞌ, pero guiꞌ quie yelaꞌ balaꞌana quie Cristo rseniꞌro. Canaꞌ naca quiero yedyinro gacaro mazara ca naca Cristo, porque yugu dza raca quiero runnëꞌ raꞌo yelaꞌ balaꞌana quienëꞌ. Canaꞌ rue Cristo, benꞌ naca Bichi Be quie Diuzi.
Naca Diuzi benꞌ bë mandado dza naꞌte ta galo guiꞌ useniꞌna ga naca chula. Lëscanꞌ naca Diuzi benꞌ bzioñeꞌe raꞌo ca naca quienëꞌ cuenda bira gaca guicho laxtaꞌoro ca guicho laxtaꞌo benꞌ rda lao lato lao chula. Canaꞌ bënëꞌ quiero cuenda yeyuebëꞌro ca naca yelaꞌ huaca quienëꞌ. Pues lëyelaꞌ huaca naꞌruen rseniꞌna lao Jesús raca titiꞌn.
Canaꞌ reꞌen Diuzi uzioñeꞌenëꞌ yaca benꞌ quienëꞌ cabëꞌ rguixogueꞌ diꞌidzaꞌ nagachiꞌ quienëꞌ, danꞌ diꞌidzaꞌ dyaꞌa nacan ta hue quieyaquëꞌ yaca benꞌ binaca benꞌ Israel. Pues rguixogueꞌ diꞌidzaꞌ nagachiꞌ quie Diuzi cani: Zu Cristo luꞌu guicho laxtaꞌole. Lëbëꞌ rbezale yeguidëꞌ yeziꞌnëꞌ leꞌe yeyole guibá ga naca yeniꞌ quienëꞌ.
Cabëꞌ naca Diuzi benꞌ z̃e, benꞌ laꞌiya, cabëꞌ naꞌ nacarë z̃iꞌinëꞌ benꞌ z̃e, benꞌ laꞌiya. Tuzi ca naca Diuzi lënëꞌ z̃iꞌinëꞌ. Lëz̃iꞌinëꞌ naꞌ rnabëꞌnëꞌ lao yugulu ta dyia guibá len yugulu ta de lao dyilayu conlë fuerza valor quie diꞌidzaꞌ quienëꞌ. Bëꞌ beyudyi udubanëꞌ dulaꞌ xquia quiero, canaꞌ bedyinnëꞌ yereꞌnëꞌ rnabëꞌnëꞌ zacaꞌ yebë ga zu Diuzi guibá.
Pero lëscanꞌ ta rniaꞌ leꞌe niga, nacan ca quie tu diꞌidzaꞌ cubi. Tantozi naca diꞌidzaꞌ belao, ruen dyabëꞌ iniaꞌ leꞌe tatula. Diꞌidzaꞌ li rniaꞌ niga. Rniaꞌ quie Cristo, lëscanꞌ rniaꞌ quie leꞌe. Rniaꞌ leꞌe areyudyi rda yaca benëꞌ lao lato lao chula. Barseniꞌn guiꞌ quie xtiꞌidzaꞌ Diuzi luꞌu guicho laxtaꞌo yaca benëꞌ.