2 Corintios 2:3 - Zapotec Choapan

³ Por nun quie lenaꞌ aoseꞌelaꞌ tu guichi laole dza naꞌte ta inezile ca naca pensari quiaꞌ, porque biguꞌundaꞌ guidaꞌ ideyubaꞌ leꞌe ta uzule nëꞌëdiꞌ bayëchiꞌ nun quie ca ruele. Ta nacalá mejor reyaꞌalaꞌ uzule nëꞌëdiꞌ gusto. Chi zuaꞌ gusto, z̃elaꞌadyiꞌriaꞌ lente leꞌe huazule gusto yugulule.

2 Corintios 2:3 ပူးပေါင်းရင်းမြစ်များ

1 Corintios 4:21

¿Cabiz̃i reꞌenle ta huaꞌ quiele bëꞌ guidaꞌ? ¿Reꞌenle huaꞌ leꞌe castigo, o reꞌenle hueliaꞌ leꞌe diꞌidzaꞌ yunꞌ, diꞌidzaꞌ z̃elaꞌadyiꞌ?

2 Corintios 1:15

Tantozi ruxelaꞌadyaꞌ baoyoñeꞌele cabëꞌ baodixoguiꞌa leꞌe, lenaꞌ biaꞌ pensari dza naꞌte guidaꞌ ideyubaꞌ leꞌe luegozi tacuenda gaca chopa lasa bedeyubaꞌ leꞌe.

2 Corintios 1:23

Pero chi binetzaꞌa ciudad Corinto cabëꞌ biaꞌ pensari dza naꞌ, rguntiaꞌ Diuzi naquëꞌ testigo quiaꞌ, cala bireꞌendaꞌ tzaꞌa. Por nun quie danꞌ reyëchiꞌlaꞌadyaꞌ leꞌe biuyaꞌa.

2 Corintios 12:11

Ca benꞌ tondo biaꞌ, pero dulaꞌ quie leꞌe biaꞌ canaꞌ, porque leꞌe reyaꞌalaꞌ inële tu cule quiaꞌ. Pues cala zacaꞌ nëꞌëdiꞌ menosra cabëꞌ nu benꞌ naole neza quie, nu benꞌrnale naca apóstol huen gula. Pero quie nëꞌëdiꞌ rnale ni lëꞌëtiꞌ gabi zacaꞌ.

2 Corintios 12:21

Rdëbidaꞌ gaca tastuꞌ quiaꞌ ca ruele cati guidaꞌ ideyubaꞌ leꞌe tatula. Rdëbidaꞌ huabedyaꞌ ca ruele chanꞌ neruele cabëꞌ dulaꞌ xquia bële tiempote. Rdëbidaꞌ chanꞌ neruele tabayatza len yaca nigula, chanꞌ nerdalële nigula binaca z̃gulale. Rdëbidaꞌ chanꞌ nenaole ca naca vicio quiele unaole dza naꞌ.

2 Corintios 13:10

Biaꞌ guichi ni useꞌelaꞌn laole tu zaguidaraꞌ ideyubaꞌ leꞌe cuenda cati suliaꞌ leꞌe biinaban inabiꞌa leꞌe ziꞌlaza conlë yelaꞌ rnabëꞌ ta pcaꞌn Cristo lao naꞌa. Bireꞌendaꞌ usanlaꞌadyiꞌle bira inaole xneza Cristo.

2 Corintios 2:9

Aoseꞌelaꞌ guichi laole dza naꞌ ta aodixoguiꞌa leꞌe cabëꞌ reyaꞌalaꞌ huele quie benꞌ naꞌ. Canaꞌ biaꞌ leꞌe prueba ta inezdaꞌ chi zule dispuesto inaole huele cabëꞌ niaꞌ.

2 Corintios 7:12

Caora useꞌelaꞌ guichi quiaꞌ laole dza naꞌ, bipseꞌelaꞌn nun quie tuzi benꞌ bë tamala, ni quele quie tuzi benꞌ begaꞌn yelaꞌ stuꞌ quie tanun quie benꞌ bë tamala, dechanꞌ useꞌelaꞌ guichi quiaꞌ laole ta inezile cabëꞌ rdëbindoꞌ raquendoꞌ quiele lao Diuzi.

2 Corintios 7:16

Lëscanꞌ redaohuedaꞌ ca ruele zudyiꞌiliaꞌ leꞌe.

2 Corintios 7:6

Pero reyuez̃elaꞌadyiꞌ Diuzi benꞌ raca bayëchiꞌ quie. Lenaꞌ beyuez̃elaꞌadyiꞌ Diuzi nëtoꞌ, useꞌelaꞌnëꞌ Tito bedenaꞌnëꞌ nëtoꞌ redaohuendoꞌ.

2 Corintios 7:8

Laꞌacazi bzuaꞌ leꞌe bayëchiꞌ nun quie guichi useꞌelaꞌ laole dza naꞌ, biraquedaꞌn ziꞌ naꞌa. Pero chi guquedaꞌn ziꞌ dza naꞌte nun quie bzuaꞌ leꞌe bayëchiꞌ tu chiꞌzi,

2 Corintios 8:22

Conlë lëjëꞌ iseꞌelaꞌndoꞌ itu benꞌ bichiro, benꞌ saꞌlë lëjëꞌ. Lëbenꞌ naꞌ dyëꞌëdi abluꞌen quienëꞌ zë lasa cabëꞌ ruenëꞌ dyin quie Diuzi du guicho du laꞌadyiꞌnëꞌ. Naꞌra maztera ruenëꞌ du guicho du laꞌadyiꞌnëꞌ naꞌa nun quie anuxelaꞌadyiꞌnëꞌ leꞌe huele cabëꞌ aguchaꞌnëꞌ huele.

Gálatas 5:10

Nuz̃elaꞌadyaꞌ gacalë Cristo leꞌe ta huele pensari ca pensari quiaꞌ. Pero hue Diuzi castigo nu benꞌ rda rutëbi guicho laxtaꞌole. Nutezi benꞌ rue canaꞌ huenëꞌ lëjëꞌ castigo.

2 Tesalonicenses 3:4

Barz̃elaꞌadyiꞌndoꞌ inaole ruele cabëꞌ psëdindoꞌ leꞌe biusanlaꞌadyiꞌlena.

Filemón 1:21

Rseꞌelaꞌ guichi ni laoloꞌ danꞌ nezdaꞌ huuꞌ cabëꞌ iniaꞌ luëꞌ hueloꞌ quiaꞌ. Pues nezdaꞌ hueloꞌ mazara cabëꞌ iniaꞌ hueloꞌ.