1 Timoteo 5:16 - Zapotec Choapan

¹⁶ Yaca benꞌ nao xneza Jesús, reyaꞌalaꞌ gacalëyaquëꞌ yaca nigula, benꞌ nati xquiuhue, benꞌ tali bazu cuinze. Quie lenaꞌ, chi nitaꞌ yaca nigula, benꞌ nati xquiuhue, pero nenitaꞌ familia quieyaquëꞌ, reyaꞌalaꞌ gacalë familia quieyaquëꞌ leyaquëꞌ. Binacan cuenda quie benꞌ nao xneza Jesús gapajëꞌ lëjëꞌ chi nenitaꞌ familia quieyaquëꞌ. Pero nacan cuenda quie benꞌ nao xneza Jesús ta gacalëjëꞌ ja nigula tali bazu cuinze.

1 Timoteo 5:16 ပူးပေါင်းရင်းမြစ်များ

1 Timoteo 5:8

Chi nitaꞌ nu benꞌ nao xneza Jesús, pero bireꞌennëꞌ gacalënëꞌ benꞌ naca diadza quienëꞌ, chi bireꞌennëꞌ gapanëꞌ familia quienëꞌ, lenaꞌ nacan mala. Nacarëꞌ mazara benꞌ mala cabëꞌ benꞌ birue quie xtiꞌidzaꞌ Diuzi.

1 Timoteo 5:9

Reyaꞌalaꞌ hueloꞌ tu lista quie yaca benꞌ aguti xquiuhue. Pero niaꞌ luëꞌ biuzuloꞌ lao yaca benꞌ binesu tzona galo iza. Lëscanaꞌ biuzuloꞌ laojëꞌ chi birlëꞌë yaca benëꞌ leyaquëꞌ dyaꞌa. Reyaꞌalaꞌ uzuloꞌ laojëꞌ chi uzulëjëꞌ tuzi xquiujëꞌ, chi psegulajëꞌ z̃iꞌijëꞌ dyëꞌëdi, chi gapachiꞌjëꞌ dyaꞌa benꞌ rdyin z̃an yuꞌu quieyaquëꞌ, chi racalëjëꞌ du guichi du laꞌadyiꞌjëꞌ benꞌ nao xneza Jesús, chi reyëchiꞌlaꞌadyiꞌnëꞌ benꞌ redzagalao. Chi bëjëꞌ canaꞌ, bëjëꞌ tadyaꞌa. Reyaꞌalaꞌ uzuloꞌ laoyaquëꞌ lao lista.