1 Pedro 2:6 - Zapotec Choapan

⁶ Quie lenaꞌ rnën lëꞌë guichi laꞌiya quie Diuzi cani: Iseꞌelaꞌ z̃iꞌinaꞌ ciudad Sión, naquëꞌ ca quie yo belao, yo zacaꞌ taz̃e. Nutezi sudyiꞌilë lëbëꞌ, huaron dyaꞌa quienëꞌ laohuaꞌ.

1 Pedro 2:6 ပူးပေါင်းရင်းမြစ်များ

San Mateo 12:18

Benꞌ niga benꞌ rue dyin lao lazaꞌ, benꞌ uliogaꞌ, nedyëꞌëdaꞌnëꞌ redaohuedaꞌ cabëꞌ ruenëꞌ. Udziꞌa Bichi Be quiaꞌ luꞌu guicho laxtaꞌonëꞌ. Huaguixogueꞌnëꞌ yaca benꞌ nitaꞌ lao yedyi layu ca tali rchugubiꞌa quiejëꞌ.

San Marcos 12:10

Lëscanꞌ una Jesús rëbinëꞌ leyaquëꞌ: ―¿Binenaꞌle ca rnën lëꞌë guichi quie Diuzi? Cani rnën: Yo lagaꞌ ta baoruꞌun yaca benꞌ hue huecuaꞌ, lëyo naꞌ besiꞌ Diuzi bzunëꞌn ga naca belao, ga rzulao bezu.

San Lucas 20:17

Naꞌra unaꞌ Jesús leyaquëꞌ unëꞌ rëbinëꞌ leyaquëꞌ: ―Chi nacan canꞌ rnale, ¿ga huen dyin diꞌidzaꞌ yuꞌu lëꞌë guichi laꞌiya quie Diuzi rnën caniga?: Yo lagaꞌ ta baoruꞌun benꞌ hue huecuaꞌ, lëyo naꞌ beziꞌ Diuzi bzunëꞌn ga naca belao, ga rzulao besu.

San Lucas 23:35

Biz̃i yaca benꞌ nitaꞌ naꞌ, begaꞌnyaquëꞌ rnaꞌyaquëꞌ lëbëꞌ. Naꞌ lente yaca benꞌ napa dyin rutituyaquëꞌ lëbëꞌ unayaquëꞌ rëbiyaquëꞌ laguedyiyaquëꞌ: ―Gucalënëꞌ benꞌ tula, gacalëgaranëꞌ cuinnëꞌ chi tali naquëꞌ benꞌ Cristo, benꞌ useꞌelaꞌ Diuzi.

San Juan 7:38

Con nu benꞌ rale quiaꞌ, gaca quienëꞌ con ca rnë lëꞌë guichi laꞌiya quie Diuzi: “Huaca laxtaꞌoyaquëꞌ ca quie ga de yao nuꞌan yelaꞌ neban.”

Hechos 1:16

―Bichaꞌ, zanaꞌ, bisaqueꞌ te canaꞌzi diꞌidzaꞌ quie Diuzi. Reꞌen ca reꞌena gaca quie Judas laga con ca una rey David lao naꞌa Bichi Be quie Diuzi, porque bë Judas tuz̃e len yaca benꞌ bëxo Jesús, benꞌ bë lëbëꞌ preso.

Romanos 10:11

Lëꞌë guichi laꞌiya rguixogueꞌn rnan caniga: “Nu benꞌ rzudyiꞌilë lëbëꞌ, bigaca bayëchiꞌ quienëꞌ huegaꞌnnëꞌ huen.”

Efesios 1:4

Tu binecueꞌ yedyi layu ulio Diuzi raꞌo lao naꞌa Cristo ta gacaro benꞌ quienëꞌ. Lëscanꞌ ulionëꞌ raꞌo ta yez̃i dulaꞌ xquia quiero, naꞌ yeyëri guicho laxtaꞌoro lao Diuzi.

Efesios 2:20

Naca quiero ca quie tu yuꞌu besu de yo. Naca yaca benꞌ apóstol len yaca los demás benꞌ profeta ca quie ga rzulao besu. Leꞌe nacale ca quie yo rucuaꞌjëꞌ besu. Naca cuin Jesucristo ca quie yo belao rbëchiyaquëꞌ ga rzulao bezu.

2 Timoteo 3:16

Lao naꞌa Bichi Be quie Diuzi bënëꞌ mandado bzu yaca benꞌ unitaꞌ tiempote xtiꞌidzëꞌ lëꞌë guichi. Tanaꞌ nacan huen isëdiro xtiꞌidzaꞌ Diuzi cuenda naꞌtera usëdiro benꞌ tula quien, tilarojëꞌ chi bihuejëꞌ tadyaꞌa, uzioñeꞌerojëꞌ ca reꞌen Diuzi tajëꞌ huejëꞌ puro ta yuꞌu niꞌa xnezi

1 Pedro 2:4

Ulenao Cristo, benꞌ naca ca quie tu yo naban zacaꞌn taz̃e, pero uruꞌun yaca benëꞌ len tzalaꞌla. Pero Diuzi sí, beziꞌnëꞌ lëbëꞌ rlëꞌënëꞌ lëbëꞌ ca quie tu yo naban zacaꞌn taz̃e.

1 Pedro 2:8

Lëscanꞌ ga tula rnën lëꞌë guichi laꞌiya quie Diuzi cani: Naquëꞌ ca quie tu yo ruxitin yaca benëꞌ. Canaꞌ rnën lëꞌë guichi laꞌiya quie Diuzi. Pues uxitin leyaquëꞌ huabiaguiꞌjëꞌ nun quie bibëjëꞌ casa quie xtiꞌidzaꞌ Diuzi. Canaꞌ una Diuzi gaca quiejëꞌ.

2 Pedro 1:20

Reꞌendaꞌ iniaꞌ leꞌe tu diꞌidzaꞌ naca belao. Nunu saqueꞌ tzioñeꞌe diꞌidzaꞌ laꞌiya quie Diuzi según pensari quieziyaquëꞌ, dechanꞌ según cabëꞌ rna Bichi Be quie Diuzi tzioñeꞌeyaquëꞌn.

2 Pedro 3:16

Pues lëꞌë yugulu guichi bë Pablo rguixogueꞌn raꞌo cabëꞌ reyaꞌalaꞌ hue quiero xtiꞌidzaꞌ Diuzi du guicho du laꞌadyiꞌro, danꞌ bazaꞌ dza yeyudyi yedu quie yedyi layu. Pero bala diꞌidzaꞌ bzunëꞌ lëꞌë guichi nacan zëdi bitzioñeꞌeron. Quie lenaꞌ bala benꞌ binezi, benꞌ binetzioñeꞌe xtiꞌidzaꞌ Diuzi dyëꞌëdi, rueyaquëꞌ zidi uzëguichola rnëjëꞌ retzaꞌyaquëꞌ xtiꞌidzaꞌ Pablo. Hasta xtiꞌidzaꞌ Diuzi uzëguichola rnëjëꞌ retzaꞌyaquëꞌn. Nun quie ruejëꞌ canaꞌ, huayojëꞌ lao guiꞌ gabila.