Apocalipsis 6:5 - Zoque Francisco León

⁵ Y entonces chitzcajpø'que't Borrego'is tu'ca'yombø sello y ma'nøjtzi tu'ca'yombø copøn nø ñømu: ―¡Minø, cøque'nøyø! Ṉgøque'nøyøjtzi y ⁿisø yøcpø caballo y caballo po'csupø'is chø'ṉaju libra tzima.

Apocalipsis 6:5 ပူးပေါင်းရင်းမြစ်များ

San Mateo 24:7

Porque gobierno'is maṉba ñøquipyaj emøcpø gobiernoji'ṉ; y aṉgui'mba'is maṉba ñøquipyaj emøcpø aṉgui'mbaji'ṉ. Maṉba it møja'ṉ yu', maṉba it yatzica'cuy, maṉba it nasamicscø aunque juti.

Apocalipsis 5:5

Entonces nøja'yøjtzi tum tzambø'nis: ―U vyo'e, cøque'nøyø. Yø'c it Jesús, más pømi'øyupø que menos møjacaṉ, ya'møcpø pøn Juda'is chacyajupø 'yune'om pø'najupø, y ya'møcpø aṉgui'mba Davijdis chacyajupø 'yune'ombøte. Je'is tyonu y por eso muspa 'yaṉvac libro y muspa chijchaj cu'yapyø sello librocøsi.

Apocalipsis 5:9

Y nømna'ṉ vyañaj jomepø vane nømbapø: Como mitz vøjpø mi mbyønete, muspa mi ndzo'ṉaj libro y muspa mi ndzijchaj syello. Porque mitz o mi ⁿyaj ca'tøji, y mi nø'mbinji'ṉ mi ⁿjyuyaj pøn para Dios. Mi ⁿjyuyaj mijtzi aunque jujta'mbø pøn eyata'm eyata'm oñajpapø, ne'ne'co cumgutya'mbø, y eyata'mbø aṉgui'mbacø'mø.

Apocalipsis 6:1

Y ⁿisøjtzi cuando Borrego'is chitzcajpø' vinbø sello y macscuy it je copøn ma'nøjtzi tum jet veju como rayu a'ṉøpyase, nømu: ―¡Minø, cøque'nøyø!