Zephaniah 3:20 - Zokam International Version

²⁰ Tua hun ciangin nang kong khawm dinga; tua hun ciangin inn ah nang kong ciahpih ding hi. Na mailam hun a ka hoihsak ciangin note mitmuh tektekin leitung mite lakah hong pahtawi-in kong phat ding hi," TOPA in ci hi.

LAISIENGTHOU CL Bible (BSI)

²⁰ Tua hun chiengin noute ka hing, nua puilut kia ding a, Tua hun a ka hing puikhawm kia chiengin, Na mitmu ngel ua na saltanna ua kipat a, kang nua puikia hun chiengin, leitunga mizousie lah ah minthang leh, phat in ka hing umsah ding hi,” Mangpa’n achi hi.

Zo Bible

²⁰ Khum huna kang khop ciengin, inn ah kang peipi ding hi; azieh pen a ngai bangin nangma muna-ah hamphatnate kang piehkia ciengin, keima in leitung mi zosie lahah na min ka thangsah ding a, mite in kang patawisah ding hi, Topa in ci hi.

Zephaniah 3:20 ပူးပေါင်းရင်းမြစ်များ

Jeremiah 29:14

Note in kei nong mu ding uh a, na saltanna panun kong puak kik ding hi," bTOPA in cikhia hi. "Sal-a kong hawlkhiatna minamte le munte khempeuh panin kong kaikhawm kik ding hi," TOPA in cikhia a, "Sal-a kong puakkhiatna mun mah ah kong puak kik ding hi," a ci hi.

Malachi 3:12

"Tua hun ciangin na gam uh leitang hoih mahmah suak ding ahi manin minam khempeuh in note thupha ngah hong ci ding uh hi," Thahatpen TOPA in ci hi.

Isaiah 56:5

amaute tungah ka biakinnpi sung le a kawmte tungah tanute le tapate sanga a hoihzaw phawkdenna le minte ka pia ding hi. Amaute tungah a mang nawn lo ding a kip tawntung min ka pia ding hi.

Zephaniah 3:19

Tua hun ciangin nang hong nengcipte khempeuh dan ka pia dinga, khebaite hu-in a kithehthangte ka kaikhawm ding hi. Amaute omna gam peuhpeuh ah, a maizumna uh phatna le pahtawina ka suaksak ding hi.

Amos 9:14

Saltang ka mi Israel-te amau gamah ka puak kik ding hi; b amaute in a kisusiasa khuapite puah kik ding uh a, tuate ah a teng ding uh hi. Amaute in lenggui suanin tuate zu a dawn ding uh hi; huan bawl ding uh a, amau neihsa singgahte a ne ding uh hi

Joel 3:1

"Tua ni tua hun ciangin Judah le Jerusalem, a nidang hun uh ka bangsak dinga,

Ezekiel 34:16

A mangte ka zong dinga lam khialte ka kaikhawm ding hi; a liamnate ka tunsak dinga a zawngkhalte ka khoi ding hi. Ahi hangin athau a hatte ka susia ding hi. Ka tuuhonte thutangin ka cing ding hi.

Isaiah 60:15

"Hong kimudahin hong kinusia a, kuamah in khualzinna-in hong tot loh hangin a kisathei den le khang tawntunga nuamsa-in kong bawl ding hi.

Zephaniah 2:7

Judah innkuan a omlaisunte in tuate a tang ding uh hi; tualai lonona munin a zang ding uh hi. Nitak ciangin amaute Asklon-te inn sungah a lum ding uh hi. TOPA amaute Pasian in kem dinga, a mailam hun b uah angei a bangsak ding hi.

Ezekiel 39:28

Tua ciangin amaute in keimah TOPA amaute Pasian ka hilam hong thei ding uh hi; ahang in, minamte lakah amaute sal-in ka kikaihsak hangin, khat beek nusia loin amau gamah ka kaikhawm kik ding hi.

Ezekiel 37:21

amaute kiangah, ‘Hih in Thupipen TOPA gen ahi hi: Keimah in Israel mite a tunna mun uh minamte lak panin ka lakhia ding hi. A omna munmun panun amaute ka kaikhawm dinga amaute gamah ka puak kik ding hi.

Ezekiel 28:25

"‘Hih in Thupipen TOPA gen ahi hi: Minamte lakah a kithehthangna panun Israel mite ka khop ciangin minamte muhin amaute lakah ka siangthona ka lak ding hi. Tua ciangin ka nasempa Jacob tunga ka piaksa amau leitangah a teng ding uh hi.

Isaiah 66:22

"Ka bawl ding athak vante le lei thak ka mai-ah a kip den bangin, note le na suan na khakte uh min a kip ding hi," TOPA in cikhia hi.

Isaiah 61:9

Minamte lakah amaute suan le khakte kitangtheih dinga, amau suante mite lakah a kitang theih ding hi. Amaute a mu peuhmah in TOPA thupha piaksa minam ahilam a tel ding uh hi," a ci hi.

Phatna-late 35:6

TOPA vansawltak in a delh amaute lampi mialin nal ta hen.

Ezekiel 37:12

Tua ahi ciangin thu gen inla amaute tungah: Hih in Thupipen TOPA gen ahi hi: Ka mite aw, na hankhukte uh ka hong dinga tuate panin kong lakhia to ding hi; note Israel gamah kong puak kik ding hi.

Isaiah 62:12

Amaute, Mi Siangtho, TOPA Tatsate kici dinga, nang, Zonkhiat, nusiat ngei nawn loh Khuapi, hong kici ding hi.

Ezekiel 16:53

"‘Bangbang ahi zongin Sodom le a tanute le Samaria le a tanute a ngeina ka bangsak dinga, nang aa zong tuate mah ka bangsak ding hi.

Isaiah 62:7

Jerusalem a kipsak mateng le tuanu leitung phatna a suahsak matengin amah khawlsak kei un.

Isaiah 56:8

Thupipen TOPA - a kikhenthang Israel-te a kaikhawmpa in: "A kikaikhawmsa banah a omlaite amaute kiangah ka kaikhawm lai ding hi," a ci hi.

Thupiakkikna 26:18

Tua banah tuni-in TOPA in hong ciamsa bangin note ama mi, ama gou na hi uh a, a thupiak khempeuh na zuih dingun hong gen khin hi.

Thupiakkikna 26:19

Amah in a bawlsa minamte khempeuh tung pekah a kiphatzaw, a minthangzaw, a kipahtawizaw in hong koih dinga, ama hong ciamsa bangin TOPA note Pasian mi siangtho na suak ding uh hi.

Jeremiah 30:3

TOPA in kong cih inah: Ka mi Israel le Judah, a saltanna a panun ka lakhia kik dinga a pute uh neih dinga ka piaksa gamah ka tut kik hun a tung ding hi,’ TOPA in ci hi," a ci hi.

Ezekiel 39:13

Tua gam mite in amaute vui ding uh a, amau adingin kei hong kiminthansak ni, a kiphawk den ni khat a suak ding hi, Thupipen TOPA in cikhia hi.

Zechariah 8:8

Jerusalem a teng dingin amaute ka puak kik dinga, amaute keima mite hi-in, keimah amaute Pasian hihna tawh amaute tungah thumaanin ka muanhuai ding hi," a ci hi.

Jeremiah 23:3

Ka tuuhon a baanglaite ka hawlkhiatna gamte panin ka kaikhawm dinga, amaute gahpha in a khan nading uh amau lonona munah ka puak kik ding hi.

Jeremiah 33:9

Tua ciangin hih khuapi in ama tunga na hoih ka bawlte a za minam khempeuh mai-ah hong minthangsak, hong lungnuamsak hong phatin hong pahtawi dinga; a tunga ka piak vangphatna le lemna hangin lau-in a ling ding uh hi,’ ci hi.

Micah 2:12

"Jacob aw, note khempeuh kong kaikhawm taktak ding hi; Israel a baanglaite pel loin kong kaikhawm taktak ding hi. Lonona muna tuute tuu buk sunga khum bangin amaute ka puak kik ding hi; tua mun ah mihing a dim kik ding hi.

Micah 4:7

Khebaite a baanglai-in ka bawl dinga, gamlapi-a minam khauhin ka bawl ding hi. Tua ni-a kipan Zion mual tungah TOPA in a uk tawntung ding hi.

Zechariah 8:13

Judah le Israel aw, minamte lakah hamsiatna na suah khit uh bangin kong honkhia dinga, thupha khat na hi ding uh hi. Kihta kei unla, na khut uh khauhsak un," a ci hi.