Zephaniah 3:19 - Zokam International Version

¹⁹ Tua hun ciangin nang hong nengcipte khempeuh dan ka pia dinga, khebaite hu-in a kithehthangte ka kaikhawm ding hi. Amaute omna gam peuhpeuh ah, a maizumna uh phatna le pahtawina ka suaksak ding hi.

LAISIENGTHOU CL Bible (BSI)

¹⁹ Ngai vawi, tua hun chiengin nou hing sugentheite zousie, tungtang ken ka ngaituo ding a, Kengbaite ka hundam ding a, deldoh a umte ka puikhawm ding hi; tualeh maizumna leh zalatsah a aumna uh, gam chintengah, phatna leh minthanna ka pe ding hi.

Zo Bible

¹⁹ Khum hun ciengin ang bawlsiete zosie dan ka pie ding hi. Khelbaite hundamin, a kipampaite ka khawm ding a, a maizumna uh phatna tawh khelpiehin, leitung muncin tengah minthang ding uhi.

Zephaniah 3:19 ပူးပေါင်းရင်းမြစ်များ

Isaiah 60:14

Nang hong nengniamte’ tapate na mai-ah kunsa-in hong pai ding uh a; nang hong simmawhte khempeuh na khephungah bokin TOPA khuapi, Israel-te’ Siangtho Pa’ Zion hong ci ding uh hi.

Jeremiah 30:16

" ‘Ahi hangin no hong valhte ka valh dinga, na galte khempeuh salin kikai ding hi. No galmat-a hong nei khempeuh galmatin kinei dinga; no hong siasakte khempeuh kei mah’n ka susia ding hi.

Zephaniah 3:15

TOPA in na dan thuak ding tawh hong kipelhsak khin hi; na galte hong kilehhawlsak zo hi. TOPA Israel-te Kumpipa, note tawh omkhawm khin hi; note in kisiatna peuhmah na kihta ngei nawn kei ding uh hi.

Micah 7:10

Tua ciangin ka galte in mu ding uh a, kei tungah, "TOPA na Pasian koi-ah om hiam?" hong cite maizumin a kihum ding uh hi. Tuanu kisiatna ka mitin ka mu ding hi; tu nangawnin lam lian a buandim bangin khe tawh a kituancil ding hi.

Ezekiel 34:16

A mangte ka zong dinga lam khialte ka kaikhawm ding hi; a liamnate ka tunsak dinga a zawngkhalte ka khoi ding hi. Ahi hangin athau a hatte ka susia ding hi. Ka tuuhonte thutangin ka cing ding hi.

Isaiah 61:7

Ka mite in amau maizumna tangin a zahnih tang ding uh a, amaute mindaina tangin amau luahna nuam a sa ding uh hi; tua ciangin amau gamah a zah nih luah ding uh a, tawntung nopsakna amau aa hi ta ding hi.

Jeremiah 33:9

Tua ciangin hih khuapi in ama tunga na hoih ka bawlte a za minam khempeuh mai-ah hong minthangsak, hong lungnuamsak hong phatin hong pahtawi dinga; a tunga ka piak vangphatna le lemna hangin lau-in a ling ding uh hi,’ ci hi.

Hebrews 12:13

Khebaite kilawi loin a dam zawk nadingin, "Na khete uh ading lamphei sial un." g

Isaiah 60:18

Na gam sungah ngongtatna kiza nawn lo dinga, na gamgite ah siatna le suksiatna om loin, na kulhte Hotkhiatna ci-in, na kongpite Phatna na ci ding hi.

Ezekiel 39:26

Amaute a gam uah omin kuamah in a lauthawngsak loh hun ciangin kei tunga a bawl uh a muanhuai lohnate uh le maizumhuainate mangngilh ta ding uh hi.

Kilaakna 20:9

Amaute leitung maitang dimin pai uh a, Pasian mite giahphual, a it a khuapi a umcih uh hi. Ahi hangin van panin meikuang hong tuaksuk a, amaute kangtummang hi.

Jeremiah 46:28

Ka nasempa Jacob aw, nang hong ompih ka hi manin lau kei in," TOPA in cikhia hi. "Note kong thehthangna minamte khempeuh ka susiamang zongin, nang kong susiamang kei ding hi. Thutang bek tawh nang kong sek dinga, dan thuaksak loin lah kong khahkhong sam kei ding hi," a ci hi.

Isaiah 62:7

Jerusalem a kipsak mateng le tuanu leitung phatna a suahsak matengin amah khawlsak kei un.

Isaiah 26:11

TOPA aw, na khut sangpi in na viktoh hangin amaute in a mu kei uh hi. Na mite adingin na deihluatna musak inla amaute maizumsak in; na galte a kangtum dingin meikuangsa koih khol in.

Jeremiah 31:8

En un, leilulam panin kongpuak dinga, lei mongte panin kong kailkawm ding hi. Amaute lakah mittaw le khebaite, nupi gai lai le numei nausuak kuante kihel ding uh hi; mihon tampi hong ciah kik ding uh hi.

Ezekiel 16:27

Tua ahi ciangin na langah ka khut zanin na gamgi ka khiam ding hi; na huukluat gamtatna in a linsak Philistia tanu nang hong hua na galte tungah kong piakhia ding hi.

Ezekiel 16:57

na kiphatsak hun lai-in na sanggamnu Sodom na gen kha ngei beek kei hi. Tu nangawnin Edom a tanute a vengte khempeuh le Philistia-te tanute - na kimkota omte nang hong simmawhte khempeuh in nang hong zahpih uh hi.

Ezekiel 39:13

Tua gam mite in amaute vui ding uh a, amau adingin kei hong kiminthansak ni, a kiphawk den ni khat a suak ding hi, Thupipen TOPA in cikhia hi.

Zechariah 8:23

Thahatpen TOPA thugen hih ahi hi: "Tua ni ciangin kam khempeuh le minamte khempeuh sung pan mi sawm in Jew khat a puanmongteep panin lenkipin, ‘Nang tawh tonkhawm ni, bang hang hiam cih leh nang tawh Pasian omkhawm hi, a kicih ka za uh hi,’ ci ding uh hi," a ci hi.

Thupiakkikna 26:19

Amah in a bawlsa minamte khempeuh tung pekah a kiphatzaw, a minthangzaw, a kipahtawizaw in hong koih dinga, ama hong ciamsa bangin TOPA note Pasian mi siangtho na suak ding uh hi.

Thukhente 1:7

Tua ciangin Adoni-Bezek in, "A khutpite le a khepite a kitansak kumpi sawm sagihte in ka sabuai nuai-a anneng a tawm uh hi. Tu-in amaute ka bawlna Pasian in kei tung hong thuk kik hi," a ci hi. Amah Jerusalem ah puak uh a, tua lai-ah a si hi.

Isaiah 33:1

Hong kisusia nai lo mi susiapa aw, gimna thuak ta in! Kuama lehhek nai loh mi lehhekpa aw, gimna thuak ta in! Na suksiat nawn loh ciangin nang hong kisusia ding hi. Mi na lehhek nawn loh ciangin nang hong kilehhek ding hi!

Jeremiah 30:19

Tuate sung panin lungdamkohna late kisa dinga, lungnopna aw a ging ding hi; amaute ka pungsak dinga ka kiamsak kei ding hi; amaute ka kipahtawisak dinga, a kineu-et kei ding hi.