Zephaniah 3:13 - Zokam International Version

¹³ Israel a baanglaite in khialhna a bawl nawn kei ding uh hi; zuauthu gen lo ding uh a, a kam uah khemna kimu nawn lo ding hi. Amaute in an ne in lum hithiat ding uh a, kuamah in a lausak nawn kei ding hi," a ci hi.

LAISIENGTHOU CL Bible (BSI)

¹³ Israel mi umsunten dihtatlouna abawl sih ding ua, zuou thu agen sih ding uhi, akam uah lepchiena thu akimu sih ding hi; amaun abelamhonte uh avah ding ua, alumsah ding ua, Koiman azausah nawn sih ding hi.”

Zo Bible

¹³ Israel a omlai teng in khielna bawl nawn loin, zuouthu a gen nawn sih ding vua, a kam sung vuah zuouthu a gen lei a kimu nawn sih ding hi. Tua ciengin an ne-in a lum hit hiet ding vua, koima in amate a zausah nawn sih ding hi.

Zephaniah 3:13 ပူးပေါင်းရင်းမြစ်များ

2 Khangthute 20:30

Tuateh ama Pasian in a kim a pam panin galmuangsak ahi manin Jehoshaphat kumpi-gam a kilem hi.

Job 11:19

Kuama lausak lohin na lum hithiat dinga, mi tampi in nang hong maivil ding uh hi.

Phatna-late 119:3

Amaute in khialhna bangmah sem lo a, ama lampite a tawn uh hi.

Phatna-late 120:2

TOPA aw, zuauphuak mukte le mikhem leiite panin hong hon in.

Phatna-late 120:3

Nang mikhem leii aw, ama’n nang bang hong cih dinga bang hong cih lai ding ahi hiam?

Phatna-late 23:2

Lonona ah kei hong lumsak a, tuidam kiangah kei hong pi-in

Isaiah 17:2

Aroer khuapite kinusia dinga, ganhon giah nadingin kinusia in, tuate kuamah in a phawng kei ding hi.

Isaiah 35:8

Tua lai-ah lam lianpi om dinga, Sianthona lampi a kici ding hi. A sianglo mite in tua a tung tawn lo ding uh a; tua Lampi tawnte ading tua bang ahi ding hi; a tatsia mihaite in tua tung a tawn kei ding uh hi.

Isaiah 54:14

Thumaanna-in nang hong kikipsak dinga, ukcipna tawh na kigamla ding hi; bangmah na kihta kei ding hi. Gamlapi ah launa kikhinkhia dinga, nang kiang hong tung kei ding hi.

Isaiah 6:13

Tua gamah mi sawm-ah khat a omlai zongin a kisusia kik lai ding hi. Ahi hangin nahhi le tawsaw kungte a kiphuk khitin a bulsum a om niloh bangin tua gamah khaici siangtho bul om niloh ding hi," hong ci hi.

Isaiah 60:21

Tua ciangin na mite khempeuh thumaan ta ding uh a, amaute in tua gam a nei den ding uh hi. Ka thupina a kilat nadingin, amaute ka khuta ka sep ka suansa pana selte hi ding uh hi.

Isaiah 63:8

Amah in, "Amaute, ka mite hi takpi a, kei tunga hong khial lo ding tapate ahi uh hi," a ci hi; tua ahi ciangin amaute Honpa a suak hi.

Isaiah 65:10

Kei hong zong ka mite adingin Sharon in, tuuhon gamtatna mun suak dinga, Achor Kuam, bawnghon giahna mun a suak ding hi.

Jeremiah 23:4

Amaute donin a uk ding tuucingte ka koih dinga amaute lau nawn lo, lungkham nawn loin khat beek a mangthang nawn kei ding uh hi," TOPA in cikhia hi.

Jeremiah 30:10

"‘Tua ahi ciangin ka nasempa Jacob aw, lau kei in; Israel aw, lungsi kei in’ TOPA in cikhia hi. ‘A gamla panin nang kong honkhia dinga nangma suante a saltanna panun ka honkhia taktak ding hi. Jacob lungnuamin lungmuang kik dinga, kuamah in a lauthawngsak kei ding hi.

Jeremiah 31:33

"Hih in tua hun khit cianga Israel innkuante tawh ka bawl ding thukhun ahi hi," TOPA in cikhia hi. "Amaute lungsim ah ka thukham ka koih dinga, amaute lungtang tungah ka gelh ding hi. Amaute Pasian ka hi dinga, amaute ka mi hi ding uh hi.

Ezekiel 39:26

Amaute a gam uah omin kuamah in a lauthawngsak loh hun ciangin kei tunga a bawl uh a muanhuai lohnate uh le maizumhuainate mangngilh ta ding uh hi.

Joel 3:17

"Tua ciangin keimah TOPA note Pasian, ka mual siangtho Zion ah ka ten lam na thei ding uh hi. Jerusalem siangtho dinga gamdang mite in a zo kik ngei nawn kei ding uh hi.

Joel 3:21

A sisan mawhna uh ka maisak lohte ka maisak ding hi," a ci hi. Zion ah TOPA teng hi!

Siampi Laibu 26:6

Gamsung kong kilemsak dinga kuamah in hong lauthawngsak loin na lum hithiat ding uh hi. Keimah in gamsung panin gamsa gilote ka nawhkhia dinga, na gamsung uh namsau in a nawkkha kei ding hi.

Micah 4:4

Mi peuhmah ama lenggui nuai le ama theikung nuai-ah tu dinga, Thahatpen TOPA gensa ahi manin kuamah in amaute a lausak kei ding hi.

Micah 4:7

Khebaite a baanglai-in ka bawl dinga, gamlapi-a minam khauhin ka bawl ding hi. Tua ni-a kipan Zion mual tungah TOPA in a uk tawntung ding hi.

Micah 7:14

Lei hoiha lonona mun tulaka a amau le amau a teng na innluah ding na mite, nangma tuuhonte na ciangkhutin cing in. Tanglai peka bangin Bashan le Gilead ah amaute tasak in.

Zephaniah 2:7

Judah innkuan a omlaisunte in tuate a tang ding uh hi; tualai lonona munin a zang ding uh hi. Nitak ciangin amaute Asklon-te inn sungah a lum ding uh hi. TOPA amaute Pasian in kem dinga, a mailam hun b uah angei a bangsak ding hi.

Zephaniah 3:5

Tuanu sungah TOPA thumaan a, khialhna a bawl kei hi. Zingsang khat khit zingsang khat a thutangna zekkhia a, nisimin a zekkhia lo ngei kei hi. Tua hi napi thumaan lote in zumna mel a thei kei uh hi.

Zechariah 8:12

"Vantungte in daitui kiasakin ankungte hoihtakin po dinga, lengguite gahin leitang in gah a gahsak ding hi. Hih a baanglai mite tungah a luah dingun hihte khempeuh ka pia ding hi.

Zechariah 8:16

Note sep ding hihte ahi hi: Khat le khat thutakin kihopih unla na thukhen zumte uh ah a maan le a hoihin thu khen un;

Zechariah 8:3

TOPA thugen hih ahi hi: "Zion ah ka kileh dinga, Jerusalem ah ka teng ding hi. Tua ciangin Jerusalem pen Thutak Khuapi kici dinga, Thahatpen TOPA mual pen Mual Siangtho kici ding hi," a ci hi.

Matthew 13:41

Mihing Tapa in ama vansawltakte sawlkhia dinga, a gam sungah mawhna a piangsak na khempeuh le gitlohna a hihte khempeuh a botkhiasak ding hi.

John 1:47

Nathanael ama kiang zuana pai Jesu in a muh ciangin, "Hih lai-ah a sunga khialhna khat beek a om lo Israel mi taktak khat a om hi," ci-in a gen hi.

Colosse-te 3:9

Na milui hinna uh le na gamtatna teng uh na suahkhiat khit nungsangun khat le khat na kikhem kei un.

1 Peter 3:14

Ahi hangin thumaan khatpeuh hanga na thuak leh zong thupha ngah na hi hi. "Amau kihtakte na kihta kei un, b linthawn zawhin na om kei un," c

1 John 5:18

Pasian pana suak mi khatpeuh mawhna ah a zongsang kei cih i thei a, Pasian pana suakpa amah bittakin kikemcing a, gilopa in amah a lawng thei kei hi.

Kilaakna 14:5

Amaute kam panin zuauthu kimu loin kawk baang lo uh hi.

Kilaakna 21:27

Tua sungah a siang lo bangmah lut thei lo dinga, a zumhuai, zuauphuakte khatpeuh zong a lut ngei kei ding hi; ahi hangin Tuuno nuntakna laibu sunga min kigelhsate bek a lut thei ding hi.

Kilaakna 21:8

Ahi hangin a meidawite, a umlote, a tatsiate, tualthatte, numei le pasal paktatte, mi bumte, milim biate le zuauphuakte khempeuh - amaute mun ding, kaat kuang meilipi sung hi ding hi. Hih pen sihna nihna ahi hi," hong ci hi.