Zechariah 8:3 - Zokam International Version

³ TOPA thugen hih ahi hi: "Zion ah ka kileh dinga, Jerusalem ah ka teng ding hi. Tua ciangin Jerusalem pen Thutak Khuapi kici dinga, Thahatpen TOPA mual pen Mual Siangtho kici ding hi," a ci hi.

LAISIENGTHOU CL Bible (BSI)

³ Mangpa’n tambangin agen hi: Zion ah ka kinuale kia dinga, Jerusalem laikimtah ah ka teng dinga, Jerusalem khu thutah khopi akichi ding a, galkapte Mangpa muol khu Muol siengthou, akichi ding hi, a chi hi.

Zo Bible

³ Topa in tam bangin gen hi: Zion ah ka kilekia ding a, Jerusalem laikimah ka teng ding hi; Jerusalem pen a muonhuoi khuopi kici ding a, Vanglien Topa’ muol pen muol siengtho kici ding hi.

Zechariah 8:3 ပူးပေါင်းရင်းမြစ်များ

Phatna-late 2:6

"Ka mual siangtho Zion tungah ka Kumpipa c ka tusak khin hi." a ci hi.

Phatna-late 48:1

TOPA lian hi, eite’ Pasian khuapi sunga ama mual siangtho ah a phattakpen ahi hi.

Paikhiatna 29:45

Tua ciangin Israel-te lakah ka teng dinga amau Pasian ka hi ding hi.

Isaiah 1:21

En dih un, bangci banga a muanhuaisa khuapi numei kizuak suak zawzen ahi hiam! Khatvei lai-in thutang tawh kidim hi; ama sungah thumaanna teng a, tu-in lah tualthatte bekbek teng ta!

Isaiah 1:26

Hunlui lai bangin na thukhente uh omsakin na thudotte uh a tunglai ka bangsak ding hi. Tua teng khit ciangin nang Thumaanna Khuapi, A Muanhuai Khuapi hong kici ding hi," cikhia hi.

Isaiah 11:9

Tui in tuipi a tuam bangin TOPA theihna leitung dim ding ahi manin amaute in ka mual siangtho tungah bangmah liamsak loin a susia kei ding uh hi.

Isaiah 12:6

Note lakah Israel-te Siangtho Pa lian ahi manin, Zion mite aw, ngaihtakin awng unla lungdamna la sa un," na ci ding uh hi.

Isaiah 32:16

Sehnel-gamah thutang teng dinga, logam hoih ah thumaanna teng ding hi.

Isaiah 60:14

Nang hong nengniamte’ tapate na mai-ah kunsa-in hong pai ding uh a; nang hong simmawhte khempeuh na khephungah bokin TOPA khuapi, Israel-te’ Siangtho Pa’ Zion hong ci ding uh hi.

Isaiah 65:25

Keivom le tuuno gamta khawm dinga, humpinelkai in bawngtal bangin buhtu a ne ding hi; ahi hangin gulpi an ahileh leivui mah hi ding hi. Ka mual siangtho tung khempeuh ah amaute a kiliamsak a kisusia a om kei ding uh hi," TOPA in ci hi.

Isaiah 66:20

Tuateh amaute in minamte khempeuh tung panin TOPA tunga biakna-in Jerusalem a ka mual siangtho ah sakol tung, sakolleng tung, leng tung, laa-sakol tung le kala-oh tungah na sanggamte khempeuh uh hong puak ding uh hi," TOPA in a ci hi. "Israel-te in TOPA biakinnpi ah thukham ngeina-in a siangtho beelte in an-a biakna a puak bangun amaute in hong puak ding uh hi.

Isaiah 8:18

Hih lai-ah TOPA hong piak tate le kei ka om uh hi. Thahatpen TOPA Zion Vum a tengpa panin Israel-te sungah lim le ciamtehna kote ka hi uh hi.

Jeremiah 14:9

Bang hangin mi cimawh bang le a hon zo nawn lo galhangpa bang na hi hiam? TOPA aw, kote tawh nang na omkhawm a, na minin kote hong kilo hi; kote hong nusia kei in!

Jeremiah 26:18

Moresheth-a Micah in zong thu a gen hi; amah in Judah khempeuh tunga a genna ah, "Hih in Thahatpen TOPA gen ahi hi: " ‘Lo bangin Zion kikho dinga, Jerusalem ninkholna suakin biakinnpi mual, gamphapi lak a suak ding hi,’ ci hi. b

Jeremiah 31:23

Hih in Thahatpen TOPA Israel Pasian gen ahi hi: "Amaute saltanna b pan ka suahtaksak kik ciangin, Judah gam le a khuapite a om mite in, ‘Thumaan a tenna aw, Mual siangtho aw, TOPA in nang thupha hong pia hi, a cih kammal a zang kik ding uh hi,’ ci hi.

Jeremiah 33:16

Tua ni ciangin Judah kihonkhia dinga, Jerusalem lungmuangtakin teng ding hi. A kisap nading min: e ‘TOPA Eite Thumaanna’ kici ding hi.

Ezekiel 48:35

"A kimkot khempeuh a gamlatna tong 18,000 a pha hi. "Tuateh tua huna kipan khuapi min: TUA LAI-AH TOPA OM HI kici ding hi," hong ci hi.

Daniel 9:16

Topa aw, amaan na nasepna khempeuh tawh a kituah hangin na khuapi, na mual siangtho Jerusalem tungah hehin thangpai kei in. Kote mawhnate le ka pate uh khialhnate hangin ka kim ka pam-ua mi khempeuh in Jerusalem le na mite hong simmawh uh hi.

Joel 3:17

"Tua ciangin keimah TOPA note Pasian, ka mual siangtho Zion ah ka ten lam na thei ding uh hi. Jerusalem siangtho dinga gamdang mite in a zo kik ngei nawn kei ding uh hi.

Joel 3:21

A sisan mawhna uh ka maisak lohte ka maisak ding hi," a ci hi. Zion ah TOPA teng hi!

Micah 4:1

Ni nunung ni ciangin mualliante lakah TOPA biakinnpi mual a lianpenin kikoih ding hi; mualneute tungah kilaamto dinga, mite in a zuan ding uh hi.

Zephaniah 3:13

Israel a baanglaite in khialhna a bawl nawn kei ding uh hi; zuauthu gen lo ding uh a, a kam uah khemna kimu nawn lo ding hi. Amaute in an ne in lum hithiat ding uh a, kuamah in a lausak nawn kei ding hi," a ci hi.

Zechariah 1:16

"Tua ahi ciangin TOPA thugen hih ahi hi, ‘Lainatna tawh Jerusalem ah ka pai kik dinga, tua lai-ah ka inn kilam kik ding hi. Tua ciangin Jerusalem tungah tehna khau a kizankhia ding hi,’ Thahatpen TOPA in cikhia hi.

Zechariah 12:6

"Tua ni ciangin Judah makaite singkua kawma meibung bang le buhtu laka meilah kuang ka bangsak ding hi. Avei atak a kima omte khempeuh hultum ding uh a, Jerusalem ahileh a om ngei-in a om hithiat ding hi.

Zechariah 14:10

Gamsung buppi, Geba pan Jerusalem leitaw-lam Rimmon dong Arabah tawh kibang ding hi. Ahi hangin Jerusalem kisangsakin a omna ngei-ah om dinga, Benjamin Kongpi a kipan Kongpi Masapen lampang Kiu Kongpi dong, Hananel Tausang panin kumpi lenggah sukna dong ahi hi.

Zechariah 8:16

Note sep ding hihte ahi hi: Khat le khat thutakin kihopih unla na thukhen zumte uh ah a maan le a hoihin thu khen un;

Zechariah 8:19

Thahatpen TOPA gen hih ahi hi: "Judah-te adingin a kha lina, a kha ngana, a kha sagihna le a kha sawmna-a antannate, lungdamna hunte le nuamna pawi suak ding hi. Tua ahi ciangin thutak le kilemna na it un," a ci hi.

John 1:14

Tua Thu, ci-le-sa suak a, eite lakah amah a teng hi. Eite in ama minthanna - Pa kiang pana hong pai thutak le hehpihna a dim Tapa d neihsun minthanna i mu khin hi.

John 14:23

Jesu in, "Mi khatpeuh in kei hong it leh ka hilhna a mang ding hi. Ka Pa in amah it dinga, ama kiangah ka pai ding uh a, amah tawh ka teng khawm ding uh hi.

2 Corinth-te 6:16

Pasian biakinnpi le milimte kikal ah bang kithukimna om ahi hiam? Ahang in, eite a nungta Pasian biakinnpi i hi hi. Pasian in: "Amaute tawh ka teng dinga amaute lakah gamtangin, amaute Pasian ka hi dinga amaute keima mi ahi ding uh hi," d

Colosse-te 2:9

Ahang in, Christ sunga Pasian-hina bucing pumpi nei-in a vekpi in om a,

Kilaakna 21:10

Amah in Kha-in hong puamangin alian asang mualtungah hong tuna, Pasian kiang vantung pan hong paisuk, Khuapi Siangtho, Jerusalem hong lak hi.

Kilaakna 21:27

Tua sungah a siang lo bangmah lut thei lo dinga, a zumhuai, zuauphuakte khatpeuh zong a lut ngei kei ding hi; ahi hangin Tuuno nuntakna laibu sunga min kigelhsate bek a lut thei ding hi.

Kilaakna 21:3

Kumpi tokhom panin aw ngaih mahmah khat ka za a, "Tu-in Pasian tenna mite tawh om khawm ta dinga, amah amaute tawh a teng khawm ding hi. Amaute ama mi hi ding uh a, Pasian mahmah amau tawh om khawmin, amaute Pasian hi ding hi.