Zechariah 5:4 - Zokam International Version

⁴ Thahatpen TOPA in, ‘Tua ka sawlkhia dinga gutate inn sung le amaan lopi-a ka min tawh a kiciamte inn sungah a lut ding hi. Tua bang mite inn sungah om den dinga asing asuangin a susia khawm ding hi,’ ci hi," hong ci hi.

LAISIENGTHOU CL Bible (BSI)

⁴ Tua hamsie khu ka sawldoh ding hi, galkapte Mangpa’n achi hi; guta innsung ah alut ding a, tualeh ka min a dihloutah a kichiemte inn sungah alut ding a, a umden dinga, asing asuong pum in akatum ding,” achi hi.

Zo Bible

⁴ Vanglien Topa in a genna-ah, keima in tua laidal ka sawl zo ta a, gutate’ inn sung le a man lopi-a ka min tawh a kiciem mite’ inn sungah a lut ding hi; tua inn sungah teng den ding a, a sing a suong pumin tua inn a susie ding hi,” a ci hi.

Zechariah 5:4 ပူးပေါင်းရင်းမြစ်များ

Paunakte 3:33

TOPA in migilote’ inn hamsiat-a, a thumaante innsung thupha a pia hi.

Malachi 3:5

"Tua ciangin note kiangah thukhen dingin kong pai ding hi. Keimah in aitawi-te, numei tawh mawhte le ciampelte, nasemte thaman a khembawlte, meigongte le pa nei lote a nengniam a, pemtate thutangna a thusim lote le kei hong kihta lote langah teci pangin manlangin thu ka khen ding hi," Thahatpen TOPA in ci hi.

Job 18:15

Mei in a puanbuk tenden c a; a tenna tung tengah kaatkuang kitheh hi.

Thupiakkikna 7:26

A kihhuai na khatpeuh na inn uh tun kei un, na tut uh leh tuate tawh note suksiat dingin hong kituam koih ding hi. A kihhuai nate suksiat dingin kituam koih ahi manin mudahin kih cihtakin kih un.

Job 20:26

khuamial bikbek in ama gou dingin a ngak hi. A kizaap lo mei in amah kangtum dinga a buk sunga a om laite haltum ding hi.

Isaiah 24:6

Tua ahi ciangin hamsiatna in leitung kangtuma a tunga tengte in amau khialhna a thuak pelmawh ding uh hi. Tua ahi ciangin leitunga tengte kangtum uh a, tawmno bek a om lai hi.

Jeremiah 2:26

"Guta khat a kimat cianga a zum bangin Israel innkuan - amaute, a kumpite uh, a uliante uh, a siampite uh le a kamsangte uh a zum ding uh hi.

Hosea 4:2

Hamsiatna a, zuauna le kithahna, guktakna le angkawmna bek om a; ciangtan nei loin sisan luanna in sisanluanna a nungzuih hi.

Hosea 4:3

Hih thu hangin leitang thum b in, a tunga teng khempeuh a maimang hi; gam sunga gamsate, huih lak-a vasate le, tuipi sunga ngasate a si ding uh hi.

Amos 3:10

TOPA in, "Amaute in amaana gamtat ding thei lo uh a, a kulh muanhuaite uh mite’ na a suhte uh tawh a dim uh hi," a ci hi

Zechariah 5:3

Tua ciangin amah in, "Hih in leitung buppi-a a vak kawikawi ding hamsiatna ahi hi; laidal langkhata kigelh bangin gutate khempeuh kihawlmang dinga, adal langkhat lama kigelh bangin thumaan lo-a kiciamte a hawlmang ding uh hi.

Zechariah 8:17

na vengte uh tungah a hoih lo sawm kei unla amaan lopi a kiciam nuamsa kei un. Hihte khempeuh ka mudah hi," TOPA in cikhia hi.

Thupiakkikna 28:16

Note khuapi ah hong kihamsiat in, khuaneu ah hong kihamsiat ding hi.

Joshua 9:20

Amaute tungah hici hih ni: Amaute tunga i kiciamnasa palsat loin ei tungah thangpaihna hong tun loh nadingin amaute nungtasak ni," a ci uh hi.

Job 8:15

A pangpaan tungah a kingak hangin a kikek hi; a tungah bawm a, ahi hangin tua in a khoh kei hi.

Job 8:22

Maizumna in na galte, tuam dinga, mi gilote buk a om nawn kei ding hi," a ci hi.