Zechariah 2:9 - Zokam International Version

⁹ a silate un amaute na a luh nadingun amaute langah ka khut ka kha taktak ding hi. a Tua ciangin Thahatpen TOPA in kei hong sawl ahilam na thei ding uh hi.

LAISIENGTHOU CL Bible (BSI)

⁹ “En un, Keima’n atung uah ka khut ka thinkhum dinga, amaute asuohte ua dingin galvanlah ahi ding uhi. Tuachi’n galkapte Mangpa’n kei ahingsawl ahi, chi na thei ding uhi.

Zo Bible

⁹ Tu-in en un, keima in amate langkhatah ka khut ka lamto ding a, amate pen a silate uh’ tomgam van a suoh ding uhi. Tua ciengin Vanglien Topa in kei ei sawl lam note in na thei ding uhi.

Zechariah 2:9 ပူးပေါင်းရင်းမြစ်များ

Isaiah 10:32

Tuni mahmah in Nob ah khawl uh hi; amaute in Zion Tanu mual le Jerusalem mualneute a khuttum uh a liiksan ding uh hi.

Isaiah 11:15

TOPA in Egypt tuipi-gek kangsak ding hi; Euphrates Gun b tungah huihsa tawh a khut a van ding hi. Mite in khedapkaih tawh a kantan theih nadingun lui sagih-in a khenkham ding hi.

Isaiah 12:6

Note lakah Israel-te Siangtho Pa lian ahi manin, Zion mite aw, ngaihtakin awng unla lungdamna la sa un," na ci ding uh hi.

Isaiah 13:2

Mualdawn kui ah dialkhai khat khai inla, kongpi-ah uliante a lut nadingin otsan-in amaute khutvan un.

Isaiah 14:2

Minamte in amau gamah amaute a puak ding uh hi. Israel innkuante in minamte tang ding uh a, TOPA gam ah sila-numei le sila-pasal in a khawi ding uh hi. Amau a mante salin khawi ding uh a, amau a nengniamte a uk ding uh hi.

Isaiah 19:16

Tua ni ciangin Egypt mite numei tawh a kibang ding uh hi. Thahatpen TOPA in amaute langah a khut viikin a laptohna hangin lau-in a ling ding uh hi.

Isaiah 26:1

Tua ni ciangin Judah gamah hi la a kisa ding hi: Khuapi muanhuai khat i nei hi; Pasian in kulhte le a kanhte dingin hotkhiatna a bawl hi.

Isaiah 33:1

Hong kisusia nai lo mi susiapa aw, gimna thuak ta in! Kuama lehhek nai loh mi lehhekpa aw, gimna thuak ta in! Na suksiat nawn loh ciangin nang hong kisusia ding hi. Mi na lehhek nawn loh ciangin nang hong kilehhek ding hi!

Isaiah 33:21

Tua lai-ah TOPA in eite Thahat Pa, hi ding hi. Tua mun, gun zaipite le lui lianpite omna tawh kibang ding hi. Tuate tungah gal gunkuang kihot nawn lo dinga tembaw hat zong a pai nawn kei ding hi.

Isaiah 33:23

Na puankhai khaute uh kol ta hi: puankhai khuam khihkip zolo-in puankhaite a kizal kei hi. Tua ciangin galvanlak tampi kihawm dinga, khebaite nangawn in vanlak a puakhia ding uh hi.

Isaiah 4:5

Tua ciangin TOPA in Zion Vum tunga kikhawm mihonpite tungah sunin meikhu meii-in kaisak dinga zanin meikhuam bawlsakin amaute khempeuh vangliatna-in a kithuahpih ding hi.

Isaiah 48:16

Ka kiang hong naih unla hih thu ngai dih un: "Ka zaksak masa pena kipan a simthamin ka gen kei hi; tua hun mah in pianga, tualai ah kei ka om hi." Tua hi a tu-in Thupipen TOPA in ama Kha tawh kei hong sawl hi.

Isaiah 60:18

Na gam sungah ngongtatna kiza nawn lo dinga, na gamgite ah siatna le suksiatna om loin, na kulhte Hotkhiatna ci-in, na kongpite Phatna na ci ding hi.

Isaiah 60:19

TOPA pen a tawntunga na khuavak hi-in, Na Pasian, na minthanna hi ding ahi manin, sunin na khuavak ni hi nawn lo dinga, khapi tanna in nang hong tan nawn kei ding hi;

Jeremiah 27:7

Ama gam neih hun tan a tun matengin amah a kipan a tapa khang, a tupa khang dong minamte kumpite in a na sem ding uh a; tua ciangin minam tampite le kumpi lian tampi in amah nasemin leh neih ding uh hi.

Jeremiah 28:9

Ahi hangin kilemna hong tung ding hi, ci-a a genkhol kamsangpa, TOPA kamsang hi taktak ahi hiam cih ama gen banga a tun ciang bekin kithei pan hi," a ci hi.

Jeremiah 8:19

Gamlapi pana ka mite kikona ngai in: "Zion ah TOPA om nawn lo ahi hiam? A kumpipa tua lai-ah om nawn lo ahi hiam? "Bang hangin amaute in a milimte uh le kimanna a nei lo a gamdang milimte uh tawh kei hong hehsak uh ahi hiam?

Ezekiel 39:10

Amaute in gamlakah sing tom loin sing phuk a kul kei ding hi. Ahang in, galhiamte singin a cih ding uh hi. Tua ciangin amaute in amau van a laksakte’ van laksak ding uh a amau na a sutte’ na a sut ding uh hi, Thupipen TOPA in cikhia hi.

Joel 2:27

Tua ciangin Israel mite lakah kei ka om dinga keimah TOPA note Pasian ka hina le Pasian dang a om loh lam na thei ding uh hi; ka mite a maizum kik ngei nawn kei ding uh hi.

Habakkuk 2:17

Lebanon tunga na ngongtatna uh no tung hong tu dinga, gamsate na siatsakna un, note hong lausak ding hi. Ahang in, nang in mi sisan na luangsak khin hi; leitangte, khuapite le a sunga omte na susia khin zo hi.

Habakkuk 2:8

Bang hang hiam cih leh minam tampite na buluh zo hi, a kinusia lai mite in nang hong buluh ding uh hi. Ahang in, mihing sisan na luangsak khin hi; leitangte le khuapite le a sunga omte na susia khin hi.

Zephaniah 2:9

Tua ahi ciangin Israel-te Pasian Thahatpen TOPA in, "Ka nuntakna ka lo hi, Moab pen Sodom tawh kibangin, Ammon-te Gomorrah bang tektek ding uh a- a gam uh bangmah a kimang lo lopa bek pona cikhuk a suak den ding hi. A baanglai ka mite in amaute manmang ding uh hi; a omlai ka minamte in amaute gam a luah ding uh hi," a ci hi.

Zephaniah 3:15

TOPA in na dan thuak ding tawh hong kipelhsak khin hi; na galte hong kilehhawlsak zo hi. TOPA Israel-te Kumpipa, note tawh omkhawm khin hi; note in kisiatna peuhmah na kihta ngei nawn kei ding uh hi.

Zechariah 2:11

Tua ni ciangin minam tampite in TOPA pawlpih ding uh a, keima mi a suak ding uh hi. Note lakah ka teng dinga, Thahatpen TOPA in note kiangah kei hong sawl ahilam na thei ding uh hi.

Zechariah 2:8

Ahang in, Thahatpen TOPA thugen hih ahi hi: "Amah in kei hong pahtawi khina, nang hong luhgawp minamte langah kei hong sawla - nang hong khoihkha peuhmah ama mit nauta khoihkha ahi hi -

Zechariah 4:9

Zerubbabel khut in hih biakinnpi bulpi phut khin hi; ama khut mah in a zosiang ding hi. Tua ciangin Thahatpen TOPA in note tungah kei hong sawl ahilam na thei ding uh hi.

Zechariah 6:15

Gamlapi pan hong pai-in TOPA biakinnpi lam hong huh ding uha, tua ciangin Thahatpen TOPA in kei hong sawl ahilam na thei ding uh hi. TOPA note Pasian thu hanciamtaka na man uh leh hih bangin hong piang ding hi," hong ci hi.

Zechariah 9:15

Thahatpen TOPA in amaute a dal ding hi. Amaute in suang sailungtang tawh susia-in a zo ding uh hi. Amaute in dawn ding uh a zukham bangin hawkin, biakna-tau kiute-a sisan thehna e a kizang kuang-uk khat bangin a dim ding uh hi.

John 13:19

"Hih thu a pian ciangin kei amah ka hilam na up nadingun a pianma tu-in note tungah kong gen khol hi.

John 16:4

Ahun hong tun ciangin kong vauhilhsa ahilam na phawk nadingun hih thu kong gen hi. A cil-in note tawh omkhawm ka hi manin hih thu note kong hilh kei hi.