Zechariah 13:9 - Zokam International Version

⁹ Hih a thumna pen meikhuk ah ka khul ding hi. Ngun siansuah bangin ka siangsak dinga, kham bangin ka zia-et ding hi. Amaute in ka min hong lo ding uh a, ka dawng ding hi; ‘Amaute ka mite ahi uh hi,’ ka ci dinga amaute in, ‘TOPA in kote Pasian ahi hi,’ ci ding uh hi."

LAISIENGTHOU CL Bible (BSI)

⁹ Keima’n sethum suo sekhat te, mei ah ka pailut dinga, dangka sia suhsieng bangin ka susieng dinga, tualeh sana etchien bangin ka enchien ding hi. Ka min in ang han ding ua, amauh ka dawng ding hi. Ken ka mite ahi uh kachi dinga; Amauten Mangpa ka Pasian uh ahi achi chiet ding uhi.”

Zo Bible

⁹ Tam sethum pen meikuolai-ah koi-in, mi khat in ngun a siensah bangin ka siengsah ding a, kham a kize-et bangin tuate ka ze-et ding hi. Amate in ka min ei lo ding vua, amate ka dawng ding hi. “Amate pen ka mite ahi uhi,” ka ci ding hi. Amate in, “Topa in eite’ Pasien ahi hi,” a ci ding uhi.

Zechariah 13:9 ပူးပေါင်းရင်းမြစ်များ

2 Samuel 7:24

A tawntunga na aituam dingin na mi Israel-te na kipsak khin a, amaute Pasian na suak khin hi, TOPA aw.

Job 23:10

Ahi hangin amah in ka kalsuannna thei a; kei hong zia-et khit ciangin kham ka bang ding hi.

Job 28:1

"Ngun kitawhna khuk khat om in, kham siansakna mun khat om hi.

Phatna-late 144:15

Hih bang thu tawh a kituak mite thupha ngah hi-a; amaute Pasian, TOPA ahi mite thupha ngah ahi hi.

Phatna-late 43:4

Tua ciangin Pasian biakna-tau ah kei ka pai dinga, ka nuamna le ka nopsakna ahi Pasian kiangah ka pai ding hi. Keima Pasian, Pasian aw, harp-in nang kong phat ding hi.

Phatna-late 50:15

na lungkham ni-un kei hong sam un; keimah in note kong hukhia dinga, note in kei nong pahtawi ding uh hi," a ci hi.

Phatna-late 91:15

Amah in kei hong sam dinga, ka dawng ding hi; lungkham hunin amah ka ompih dinga amah hu-in ka pahtawi ding hi.

Paunakte 17:3

Sik huantuina ah ngun kizia-et in, pummei ah kham kizia-et a, TOPA in ahileh lungsim a zia-et hi.

Zailate’ Zaila 2:16

Ka sannemno kei aa hi e, kei zong ama lianem ka hi e; unok pallun a lai ah e, tuu tawh sawlbang heikhawm e.

Isaiah 43:2

Tui na ngahtan uh ciangin no tawh ka om dinga; gunte na ngahtan uh ciangin hong tai kei ding hi; meikuang lak kantanin na pai uh ciangin hong hul kei ding hi; meikuang in nang hong kang kei ding hi.

Isaiah 48:10

En in, ngun siansak na bang zo kei uh zongun note kong siangsak hi; gimna pummei-in note kong zia-et hi.

Isaiah 58:9

Tua ciangin TOPA na sam ding uh a amah’n hong dawng ding hi; huhna na ngen ding uh a, amah in: Hiah ka om hi, hong ci ding hi. "A kinengniamte hakkol paih mangsak in, khutme in mi kawk lo a, mi nat nading kampau loin

Jeremiah 24:5

"TOPA Israel Pasian thugen hih ahi hi: ‘Hih mun pana Babylon mite d gama ka puakkhiat Judah mi saltangte, hih theigah hoihte bangin ka ngaihsun hi.

Jeremiah 30:22

" ‘Tua ciangin note ka mite na hi ding uh a, keimah note’ Pasian ka hi ding hi,’ ci hi," a ci hi.

Jeremiah 31:33

"Hih in tua hun khit cianga Israel innkuante tawh ka bawl ding thukhun ahi hi," TOPA in cikhia hi. "Amaute lungsim ah ka thukham ka koih dinga, amaute lungtang tungah ka gelh ding hi. Amaute Pasian ka hi dinga, amaute ka mi hi ding uh hi.

Jeremiah 32:38

Amaute keima mi suakin keimah amaute Pasian ka hi ding hi.

Jeremiah 9:6

Khemna lakah nang d na teng a; zuau phuakin kei hong theih ding uh a nial uh hi," TOPA in cikhia hi.

Ezekiel 11:20

Tua ciangin ka thukipte zui-in, ka thukhamte kidawmin a tang ding uh hi. Amaute ka mi hi ding uh a, keimah amaute Pasian ka hi ding hi.

Ezekiel 14:11

Tua ciangin kei kiang pan Israel mite gammang nawn lo ding uh a, amaute mawhna khempeuh hangin a kininsak nawn kei ding uh hi. Amaute keima mi hi ding uh a, keimah amaute Pasian ka hi ding hi, Thupipen TOPA in cikhia hi,’ ci-in gen in," hong ci hi.

Ezekiel 20:38

Note lak panin kei hong langpana kei hong lehdote ka siaksiang ding hi. Amaute tenna gam panin ka paikhiatpih hangin Israel gamah a lut kei ding uh hi. Tua ciangin note in keimah TOPA ka hilam na thei ding uh hi.

Ezekiel 36:28

Na pute uh ka piaksa gam sungah na teng ding uh hi; note keima mi na hi ding uh a, keimah note Pasian ka hi ding hi.

Ezekiel 37:27

Ka tenna mun amaute tawh a om ding hi; keimah amaute Pasian ka hi dinga, amaute ka mite hi ding uh hi.

Daniel 11:35

A pil pawlkhatte a bei hun dong kawk bang lo-a a om nadingun kisiansuahin kisiangthosak dinga, amaute a muktu ding uh hi, tua hun pen a kiciangtan hun a tun mateng hi ding hi.

Daniel 12:10

Mi tampi kisiangthosak in paubaang loin kisiansuah ding uh a, ahi zongin a gilote gilo suak ding uh hi. A gilote khat beekin tel lo ding uh a, ahi hangin a pilte in a tel ding uh hi.

Joel 2:32

Ahi hangin TOPA min a lo khempeuh kihonkhia ding hi; ahang in, TOPA gensa bangin Zion Vum le Jerusalem a, a nungta lai sunte lakah TOPA sap mite kihonkhia ding hi.

Siampi Laibu 26:12

Note lakah vakin na Pasian uh ka hi dinga, note ka mi na hi ding uh hi.

Zechariah 10:6

Judah innkuante ka thakhauhsak dinga Joseph innkuante ka honkhia ding hi. Amaute khuatuah ka hi manin a ngei uh ka bangsak kik ding hi. Keimah amaute Pasian TOPA ka hi manin ka nial ngei loh bang ka hi ding a, amaute ngetna ka dawng ding hi.

Zechariah 12:10

Tua ciangin David innkuante le Jerusalem a tengte tungah hehpihna le ngetnopna kha a ka sungkhia ding hi. Amaute in a sutletpa uh kei hong en b in a tapa neihsun kah bangin kap ding uh a, a tapa masapen hanga a dah mahmah bangin ama adingin dah ding uh hi.

Zechariah 8:8

Jerusalem a teng dingin amaute ka puak kik dinga, amaute keima mite hi-in, keimah amaute Pasian hihna tawh amaute tungah thumaanin ka muanhuai ding hi," a ci hi.

Nasepte 2:21

Tua ciangin Topa min a lote peuhmah kihonkhia ding hi,’ e a cihsa ahi hi.

Hebrews 8:10

Hih in Israel innkuante tawh, tua hun khit cianga ka thukhun ding ahi hi, Topa in cikhia hi. Ka thukhamte amaute lungsim ah ka guang dinga, amau lungtang tungah ka gelh ding hi. Amaute Pasian ka hi dinga, amaute ka mite ahi ding uh hi.

James 1:12

Zia-etna thuaka, a sikdo mi thupha ngah ahi hi. Bang hang hiam ci leh zia-etna a thuak zawh khit ciangin Pasian in amah a itte a kamciamsa nuntakna lukhu a ngah ding hi.

1 Peter 4:12

Kong it lawmte aw, na thuak uh gentheihbawlnate no tungah a lamdang pi-a tung bangin lamdang sa kei un.

Kilaakna 21:7

A gualzo mi in hihte khempeuh luahin, ama Pasian ka hi dinga, amah ka tapa ahi ding hi.

Kilaakna 8:10

Vansawltak a thumna in a pengkul mut a, meilah kuanglai tawh kibang aski lianpi khat van panin kiasuk-a, gunte, tuinakte, seh thum suah seh khat tungah a tu hi.

Kilaakna 8:11

Tua aksi min Gamsaia ahi hi. Tuite seh thum suah seh khat tuikha a suak-a, tua tuikhaa hangin mi tampi a si uh hi.

Kilaakna 8:12

Vansawltak a lina in a pengkul mut a, ni seh thum suah seh khat, kha seh thum suah seh khat le aksi seh thum suah seh khat tuate seh thum suah seh khat a mial tek nadingin a satkhia hi. Sun seh thum suah seh khat le zan seh thum suah seh khat khua a vak kei hi.

Kilaakna 8:7

Vansawltak a khatna in a pengkul mut a, sisan tawh kihel gial le mei hong omin leitung ah kibuasuk hi. Leitung seh thum suah seh khat kangtum a, sing kungte seh thum suah seh khat kang tumin lopa hing khempeuh a kangtum hi.

Kilaakna 8:8

Vansawltak a nihna in a pengkul mut a, a nak liat mahmah a pumkuan zuaizuai mualpi bang khat tuipi sungah kilawnsuk hi. Tuipi seh thum suah seh khat sisan suak-a,

Kilaakna 8:9

tuipi sunga a nungta ganhingte seh thum suah seh khat si-in, tembawpite seh thum suah seh khat a kisia hi.