Zechariah 10:2 - Zokam International Version

² Milimte in zuau kam pau-in, khongkhaite in mangmuhna-zuau mu uh hi; amaute in amaan lopi-in mang khia uh a, a mawkna-in a hehnem uh hi. Tua ahi ciangin mite tuu bangin vakzau uh a, a cing nei lo tuu bangin amaute a kinengniam hi.

LAISIENGTHOU CL Bible (BSI)

² Milim pasienten bangmalou thu agen ua, ai san siemte’n mengmuna zuou amu ua, mang dihlou gen in, athawn in mi ahamuon uhi. Tuaziehin mite belam bangin amauh lampi chiet ah avahthangta ua, aching ding belampu aumlou ziehin abuoi uhi.

Zo Bible

² Bangzieh ahei cile teraphim in kimanna a nei lo thu gen a, aisante in zuouthu mu uhi; mangsante in a man lo mangte genin, henepna a hawmpi a pie uhi. Tua ahi ziehin tuu bangin mipite a vahmang sieng vua, tuucing a op lo ziehin gentheina a thuoh uhi.

Zechariah 10:2 ပူးပေါင်းရင်းမြစ်များ

Matthew 9:36

Amah in mihonpite a muh ciangin a cing om lo tuute bangin cimawh le lungnuam loin om uh ahi manin amaute a khuatuah hi.

Habakkuk 2:18

"Mihing khuaktawm ahi nungsang milimte in bang kimanna nei ahi hiam? Ahikeh tua milim in zuauthu hong hilh bek hi lo ahi hiam? Ahang in, a bawlpa in ama piansak muang ahi hi; amah in a pau thei lo milimte a bawl hi.

Hosea 3:4

Bang hang hiam cih leh Israel-te kumpi lo, gam-ukte lo, biakna pia lo, a siangtho suang lo, siampipuan lo, milim loin ni tampi a nungta ding uh hi.

Ezekiel 34:5

A cing om lo ahi manin kithehthang uh a, a kikhenthang uh ciangin gamsa gilo khempeuh an a suak uh hi.

Jeremiah 27:9

tua ahi ciangin, ‘Babylon kumpipa na sem kei un,’ hong ci na kamsangte uh, na aisante uh, na mangkhiate uh, na sikhasamte uh le na mangsantheite uh thu na ngai kei un.

Piancilna 31:19

Laban a tuumul met dinga a pai ciangin Rachel in a pa’ innsung pasiante a na gu hi.

Ezekiel 34:8

Thupipen TOPA in, ka nuntakna ka lo hi, ka tuute in a cing nei loin hih bangin kikaimang a, ganhing gilote khempeuh an a suahna uh le ka tuucingte in ka tuuhonte zong loin tuuhonte a kep tangun amau le amau kikem uh hi.

Micah 2:12

"Jacob aw, note khempeuh kong kaikhawm taktak ding hi; Israel a baanglaite pel loin kong kaikhawm taktak ding hi. Lonona muna tuute tuu buk sunga khum bangin amaute ka puak kik ding hi; tua mun ah mihing a dim kik ding hi.

Ezekiel 21:29

Nang tawh kisai a man lo mangmuhna le zuau ai sannate tangin a ni tunga a dan thuak ding hun a khengval ta, thahlup ding mi gilote ngawng ah kinga ding hi.

Ezekiel 21:21

Ahang in, Babylon kumpipa lampi nih kituahna lamka lai-ah khawlin ai san phot dinga: A thaltangte tawh aisanin, a milimte dongin sasin a vel ding hi.

Tamlawhna 2:14

Na kamsangte mangmuhna man loin kimanna a nei kei hi. na koltana pan hotkhiat nadingin na mawhna hong pholak kei uh hi. Nang tunga hong gente uh thusuakte lah man loin hong makaih khial vive ahi hi.

Jeremiah 51:23

nangin tuucingpa le tuuhon ka thehzak hi, nangin lokhopa le bawngtalte ka thehzaka, nangin ukpite le uliante ka thehzak hi.

Jeremiah 50:17

"Israel ahileh humpinelkaite in a delhmang, a kithehthang tuuhon ahi hi. A masapena amaute a valh Assyria kumpipa hi a; a nunung pena a guhte uh a teeptum Babylon kumpipa Nebuchadnezzar ahi hi," a ci hi.

Jeremiah 37:19

Nang tungah thu hong gena, ‘Babylon kumpipa in nang ahikeh hih gam hong sim lo ding hi,’ a ci na kamsangte koi-ah om ahi hiam?

Jeremiah 29:8

Hihi, Israel Pasian Thahatpen TOPA gen hih ahi hi: "Note laka kamsangte le aisante kikhemzosak kei un. Mang man dinga hong hanthawnna uh na ngai kei un.

Jeremiah 28:15

Tua ciangin kamsangpa Jeremiah in kamsangpa Hananiah tungah, "Hananiah aw, na ngai dih in! TOPA in nang hong sawl lo napi zuauthu a muang dingin hih minam na zol hi.

Jeremiah 23:17

Amaute in kei hong simmawhte tungah, ‘TOPA in: Lungnopna ngah niteh , ci hi,’ a ci den uh hi. Amaute lungsim khauhna a zui mite tungah, ‘No tungah siatna hong tung lo ding hi,’ a ci uh hi.

Jeremiah 14:22

Kimanna a nei lo minamte’ milimte in guah zusak thei ahi hiam? Vante in amau thu-in khuapi guah zusak thei ahi hiam? A zusak kei hi, nangma zuksak ahi hi; TOPA kote Pasian aw. Tua ahi ciangin hihte khempeuh nangma hihsa ahi manin nangma sungah lametna ka nei uh hi.

Jeremiah 14:13

Ahi hangin, "Ah, Thupipen TOPA, kamsangte in,’ Note in namsau mu loin kialpi na thuak kei ding uh hi. Hih munah tawntung lungnopna kong pia ding hi, cici mai uh hi," ka ci hi.

Jeremiah 10:8

Amaute, ngaihsutna nei lo mihai hi uh a; kimanna a nei lo singtawng milimte hilhsa ahi uh hi.

Jeremiah 8:11

Amaute in ka mite liamma a nasia lo bangin tuamsak uh a kilemna om lopi, "Kilemna, kilemna," a ci uh hi.

Jeremiah 6:14

Amaute in ka mite liamma a nasia lo bangin tunsak uh a, kilemna om nai lopi, ‘Kilemna, kilemna,’ a ci uh hi.

Isaiah 46:5

"Nang in kei kua tawh hong tehin ahikeh a kikimin hong seh na hi hiam? Nong tehkak theih dingin kua tawh a kibangin hong seh na hi hiam?

Isaiah 44:9

Milim bawlte khempeuh bangmah hi lo uh a, a khol uh goute in man a nei kei hi. Tuate adinga kampaute mittaw hi a; amau maizumna a thei lo uh ahi hi.

Job 21:34

"Tua ahi ciangin thu gina lo peuhin kei hong hehnem zo ding na hi uh hiam? Zuauthu longal nong dawn nading uh bangmah om nawn lo hi," a ci hi.

Job 13:4

Bangbang ahi zongin zuauthu-in nong melhbawl uh hi; note navekun kimanna nei lo zato siamte na hi uh hi.

1 Kumpite 22:17

Tua ciangin Micaiah in, "Israel khempeuh mualtungah a cing om lo tuu bangin a kithehthang ka mu a, TOPA in, ‘Hih mite pu nei lo ahi uh hi. Amaute inn ciatah lungnuamin ciah uh hen,’ ci hi," a ci hi.

Thukhente 18:14

Tua ciangin Laish thu kana a pai mi ngate in a sanggamte uh kiangah, "Hih innte laka khatah siampi puan khat, innsung pasiante a kiseek milim le a kisung milim a om lam na thei uh hiam? Tu-in na hih ding uh thei un," a ci uh hi.

Misimna 27:17

amaute mai ah paikhia in lut henla TOPA mite a cing om lo tuu tawh a kibat loh nadingin amaute makaihkhia in a lutpih ding hi hen,’ a ci hi.

Mark 6:34

Jesu lei-ah a tun ciangin mihonpi tampi a mu hi. Amah in amaute khuatuah hi, bang hang hiam cih leh amaute a cingpa om lo tuuhon tawh kibang uh hi. Tua ciangin amaute thu tampi a hilh hi.

Jeremiah 23:32

Hi taktak hi, amaan lo mang thu peuh a gente langkhatah ka pang hi," TOPA in cikhia hi. "Kei sawl le kei koih hi lo napi amaute in khiatna nei lo zuauna tawh thu hilh uh a, ka mite lam a pialpih uh hi. Amaute in hih mite tungah metna them khat zong a pia kei uh hi," TOPA in cikhia hi.

Zechariah 11:17

"Tuuhonte a taisan kimanna a nei lo tuucingpa, gimna nak thuak na nicia! A ban le a mit taklam namsau in sat ta hen! A ban zawcip henla, a mit taklam taw bikbek ta hen!" hong ci hi.

Thupiakkikna 13:2

tuateh a gensa lim le a lamdangte hong tuna, "Adang pasiante zui-in (na theih ngei loh pasiante) tuate bia ni," a cih leh

Isaiah 41:29

En in, a vekpi un a khial khin uh hi! Amaute in bangmah ahi lo na tampi a sem uh hi; a milim sunte uh huih le buaina bek ahi hi.

Isaiah 44:25

kamsang zuaute’ limte tangtungsak loin ai sante mihai a suaksakpa, mipilte theihna lawnthalin bangmah lo a suaksakpa,

Jeremiah 27:10

Na gam panun gamlapi-a a om theih nadingun zuauthu a genkhol uh hi-a, keimah in note hong delh khia-in, na mangthang ding uh hi.

Jeremiah 27:14

Note tungah, ‘Babylon kumpipa na na sem ngei kei ding uh hi,’ hong ci kamsangte thugen ngai kei un, amaute zuau kamsang ahi uh hi.