Zechariah 1:3 - Zokam International Version

³ Tua ahi ciangin mite tungah gen in: Thahatpen TOPA gen hih ahi hi: ‘Kei lamah hong kihei un, Thahatpen TOPA in cikhia a, ‘tua teh no lamah kong kihei ding hi,’ Thahatpen TOPA in ci hi.

LAISIENGTHOU CL Bible (BSI)

³ Tuaziehin nang akung uah, galkapte Mangpa’n tambangin agen hi, va chiin, galkapte Mangpa’n Kei kungah hing kinuale un, Kei zong nou kung ah ka hing kinua le ding hi, galkapte Mangpa’n achi hi.

Zo Bible

³ Tua ahi ziehin amate kungah tam bangin gen in, Vanglien Topa in ci hi: Vanglien Topa in a genna-ah, keima kungah hing kilekia un, tua hile kei zong na kung vuah kang kilekia ding hi, Vanglien Topa in ci hi.

Zechariah 1:3 ပူးပေါင်းရင်းမြစ်များ

2 Khangthute 15:2

Amah Asa tawh kimu dingin paikhia a, "Asa le Judah le Benjamin-te khempeuh aw, ka thugen na ngai un. TOPA tawh na om khawm uh ciangin amah in note hong ompih hi. Amah na zon uh leh note in na mu ding uh hi, ahi hangin amah na taihsat uh leh amah in hong taisan ding hi.

2 Khangthute 15:4

Ahi hangin amaute a lungdon uh ciangin TOPA Israel Pasian lam nga in amah zong uh a, amaute in mu uh hi.

Nehemiah 9:28

"Ahi hangin a tawl uh a dam ciangin nang muhna ah a hoih lo a sem kik zel uh hi. Tua ciangin a galte uh khut sungah amaute na pia-a a galte un amaute a uk hi. Nang tungah hong kiko leuleu uh ciangin van panin na za-a na khuatuahna-in amaute tam veipi na hukhia hi.

Job 22:23

A Thahatpa lamah na kihei kik leh na ngeina hong bangsak ding hi. Na puanbuk pan gamlapi ah gitlohna na paihmang a,

Isaiah 31:6

Nakpi taka a lehdo Israel mite aw, ama kiangah kileh kik un.

Isaiah 44:22

Keimah in thupalsatnate meii bangin ka phiatmang khin a, na mawhnate zingsang meiilum bangin ka thengsak zo hi. Nang kong tankhia khin hi, hong ciah ta in," a ci hi.

Jeremiah 12:15

Ahi hangin ka bawhkhiat khit ciangin amaute khuatuah kikin ama gam a luahna munuah ka puak kik ciat ding hi.

Jeremiah 25:5

Amaute in,"Note na gitlohna uh le na gamtatsiatna panun na kikhel ciat uh leh TOPA in note le na pate uh tungah na ten tawntung nadingun hong piaksa gamah na teng thei ding uh hi.

Jeremiah 3:1

"Mi khat in a zi ma-in tuanu in zong amah nusia henla pasal dang khat tawh kiteng leh amah tuanu kiangah kileh kik ding ahi hiam? Tua gam teng a ninsak suak khin hi lo ahi hiam? Ahi hangin nang, lawmpa dang tampi tawh a kiteng khin numei paktat na bang hi - hong kileh kik peuhmah ding na hi hiam? TOPA in cikhia hi.

Jeremiah 3:22

"A muantak lo mite hong kihei kik un; na nungtolhna uh kong damsak ding hi," a ci hi. "Nang TOPA kote Pasian na hi manin nang kong zuan na ding uh hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Jeremiah 4:1

"Israel aw, nong kileh kik leh, kei kiangah hong kileh in," TOPA in cikhia hi. "Ka muhna panin a kihhuai na milimte uh hemmang-in gammang nawn lo-a,

Ezekiel 18:19

"Tua hi napi, ‘Bang hangin a pa mawhna a tapa in thuak kha lo ding hiam?’ ci-in nong dong uh hi. A tapa in thumaan thutang semin ka thukipte khempeuh limtakin a zuih nungsang, a nungta taktak ding hi.

Ezekiel 18:31

Na gamtatnasa khempeuh panun kikhel unla, lungsim thak le kha thak nei un. Israel innkuante aw, bang hang si ding na hi uh hiam?

Ezekiel 18:32

Bang hang hiam cih leh mi khatpeuh sihna ah ka lungdam kei hi. Kisikin nungta un! Thupipen TOPA in cikhia hi.

Ezekiel 33:11

Amaute tungah, "Thupipen TOPA in, ‘Ka nuntakna ka lo hi, migilo khat sihna ah ka lungdam kei a ahi hangin kikhela a nuntak ding ka deihzaw hi. Kihei in! Na gamtatna hoih lote lehngatsan in! Israel innkuan aw, bang hangin si zenzen ding na hi hiam?’ ci hi.

Hosea 14:1

Israel aw, TOPA na Pasian lamah kihei in. Nang mawhnate in na pukna ahi hi.

Hosea 14:4

"Amaute tungah heh nawn lo ka hi manin amaute lampialna ka damsak dinga, man ngen loin ka it ding hi.

Hosea 6:1

"Hong pai un, TOPA lamah kileh ni. Amah in eite hong balnen hangin eite hong damsak ding hi; eite hong liamsak khit hangin i liammate hong tunsak ding hi.

Joel 2:12

Tu nangawnin TOPA in, ‘Lungsimtakpi-in kisik unla, an tangin kap unla thumin kei hong zuan kik un,’ cikhia hi.

Malachi 3:7

Na pute uh hun lai-a kipan ka thukipte panin na pial uh a, na zui kei uh hi. Hong kihei un, kei zong no lamah kong kihei ding hi," Thahatpen TOPA in ci hi. "Ahi hangin note in, ‘Bang hong kici hei ding ka hi uh hiam?’ na ci uh hi.