Zechariah 1:2 - Zokam International Version

² "Na pu na pate uh tungah TOPA heh mahmah hi.

LAISIENGTHOU CL Bible (BSI)

² “Napu napate uh tungah Mangpa ana lungthah mama hi.

Zo Bible

² Na pu na pate uh tungah Topa a lungthah mama hi.

Zechariah 1:2 ပူးပေါင်းရင်းမြစ်များ

Jeremiah 44:6

Tua ahi ciangin ka hehluatna ka sungkhia a; tua in Judah khuapite le Jerusalem kongzingte kangin kisia-a tuni-in kuamah teng loin kilawi hi.

Ezekiel 22:31

Tua ciangin amaute tungah ka thangpaihna ka bua a, ka hehluatna in amaute kangtumin amau gamtat-nasa khempeuh amau lutungah ka tusak hi, Thupipen TOPA in cikhia hi," hong ci hi.

Tamlawhna 5:7

Ka pate un mawhna bawlin amaute lah om nawn lo uh a, amaute thuak ding dan kote in ka thuak uh hi.

Nasepte 7:52

Na pate un a bawlsiat loh kamsang om ngei ahi hiam? Amaute in Thumaan Pa hong pai ding thu a genkholte nangawn a that uh hi.

Phatna-late 60:1

Pasian aw, kote hong nialin nong sukham khin a; na heh khin hi - tu in kote ka ngei uh hong bangsak kik in!

Ezra 9:13

Ko tunga hong tungsa gitlohna le khialhna lianpite ka bawl thaman uh hi a, tua hi napi kote Pasian in ka mawhna uh tawh a kituak zah sanga tawmzaw in dan nong tuaksak a, hih bangin a baanglai-in nong omsak hi.

2 Kumpite 23:26

Tua hi napi Manasseh in amah phina a hehsakna khempeuh hangin Judah tungah TOPA lungsona dai nai lo-a, a lungsim a hei tuan nai kei hi.

2 Kumpite 22:19

Hih mun le a mite hamsiatin gamval ka suahsak nading thu na zak ciangin na lungsimin hong dawnga a, TOPA mai-ah kiniamkhiatin ka muhna ah na puan balkekin na kahna hangin nang thu ka za khin hi, TOPA in cikhia hi.

Ezekiel 8:18

Tua ahi manin amaute ka hehna ka thuaksak ding hi; Hehpihna tawh en loin ka zah tuan kei ding hi. Ka bil ah hong kiko uh hangin a gen uh ka ngai kei ding hi," hong ci hi.

Zechariah 1:15

ahi hangin a lungmuang minamte tungah ka heh mahmah hi. Ki-iip lai ka hi manin amaute in siatna a behlap uh hi,’ ci hi.

Jeremiah 32:23

Amaute hong pai-in tangpah uh a, ahi hangin na thu hong mang loin na thukham zui lo uh a; amau hih dinga na thupiakte a sem kei uh hi. Tua ahi ciangin nang in hih gimnate amau tungah na tungsak hi.

Zechariah 7:12

Amaute lungsim thausuang bangin saka thukham ahikeh Thahatpen TOPA in kamsang masate tungtawna ama Kha tawh a gen thute a ngai nuam kei uh hi. Tua ahi ciangin Thahatpen TOPA a heh mahmah hi.

Zechariah 8:14

Thahatpen TOPA gen hih ahi hi: "Na pate un kei hong hehsak ciangin ka hehpih loh bangin note tungah siatna tunsak ding ka khentat hi," Thahatpen TOPA in ci hi,