Thuhilhna 7:2 - Zokam International Version

² Mi khempeuh tawpna, sihna hi a, a nungta laite in a lungsimah ciamteh ding ahi manin pawibawlte inn a hawh sangin a dahte inn a hawh hoihzaw hi.

LAISIENGTHOU CL Bible (BSI)

² Pawi bawlna inn a haw sangin, lu suunna inn a haw ahoizaw hi; Aziehpen shina pen mizousie tawpna ahi a, adam nalaiten alungtang uah akoi ding uhi.

Zo Bible

² Pawibawlna inn-a haw sangin dana inna haw hoizaw hi; azieh pen mi zosie dingin a tawpna hi a, tua khu a hing laite’ lungsimah teng den ding hi.

Thuhilhna 7:2 ပူးပေါင်းရင်းမြစ်များ

Phatna-late 90:12

Pilna lungsim ka neih theih nadingun ka nuntak sung nite uh simzia hong hilh in.

Thuhilhna 2:14

Mihaipa in khuamial sunga a pai laitakin mipilpa in a lutangah mit nei a, ahi hangin a nih un a kibanga a tuah ding uh ka thei hi.

Thuhilhna 2:16

Ahang in, mihaite mah bangin mipilte sawt a kiphawk tuan kei ding hi; mailam hunah a nihun kimangngilh ding hi. Mihaite mah bangin mipilte zong a si pelmawh ding uh hi.

Thuhilhna 3:19

Mihingte tuah le ganhingte tuah a kibang hi-in, a nih un a kibang tuah ding ngak uh a: Khat a sih bangin a khat zong a si hi. A vekpi in huu sang b ciat uh a; ganhing sangin mihing a tungnun zawkna a om kei hi. Na peuhmah a mawknapi ahi hi.

Thuhilhna 3:20

A vekpi-in a mun kibangah pai uh hi; a vekin leivui pan pianga, tuateh leivui mah ah ciah kik hi.

Thuhilhna 6:6

amah kum tul khat zahnih nungta ta leh ama daupaina nuam a sakpih kei hi.A vekun a paina mun uh kibang hi lo ahi hiam?

Thuhilhna 9:2

Mi khempeuh - a thumaante le migilote, a sia d le a pha, a nin le a siang, biakna a pia le a pia lote in a kibangin mong a nei ciat uh hi. Mi hoihpa tunga tung bangbang mawh neipa tungah tunga a kiciampa tunga tung bangbang a kiciam ngamlo pa tungah tung hi.

Thuhilhna 9:3

Sunni nuai-a a piang peuhmah gitlohna ahi hi: tuate khempeuh a mong uh kibang ciat hi. Tua tham loin mihing lungtang gitlohna vive hi a, a nuntak lai mah un a lungsim uh hai-a tua nung ciangin sihna lam zuan uh hi.

Thuhilhna 9:5

Ahang in, a nungta laite in a sih ding lam uh thei a, ahi hangin a site in bangmah thei lo hi; amaute in pahtakman nei nawn lo uh a, amaute kiciamtehna nangawn kimangngilh hi.

Isaiah 47:7

Nang in, ‘Tawntung kumpinu ka hi hi! - ka zom tawntung ding hi’na ci hi. Ahi hangin hih nate ngaihsun loin nang tunga hong tu kik ding zong na ngaihsun kei hi.

Jeremiah 16:8

"Tuateh pawi kibawlna inn ah ne-in dawnin a muitual dingin lut kei in.

Haggai 1:5

Tu-in Thahatpen TOPA in, "Na omzia uh lim ngaihsut dih un.

Malachi 2:2

Thu ngai loin ka min pahtawi ding na ngaihsut kei uh leh kong hamsiat dinga, na thuphate uh ka hamsiat ding hi," Thahatpen TOPA in ci hi. "Hihi, na lungsimun kei pahtawi ding ngaihsun lo na hi manun amaute ka hamsiat khin hi.

Misimna 23:10

Tua in Jacob leivui sim thei-in, Israel sehli suah sehkhat sim zo ding ahi hiam? A thumaan mi sih bangin kei hong sisak inla ka hun tawpna amaute aa bangsak in," a ci hi.

Matthew 5:4

A dahte thupha ngah ahi hi, ahang in, amaute a kihehnem ding hi.

Thupiakkikna 32:29

Amaute pil tapeuh in hih thu theitel uh henla, a tawpna ah bang suak ding cih thei le uh maw!

Thupiakkikna 32:46

amaute tungah, "Note in na tate uh tungah hih thukham kammalte khempeuh limtaka a man nading uh thu na piak theih nadingun tuni-a no tungah cihtakpi-a kong suutkhiat kammal khempeuh na lungsim uhah vom cinten un.

Philippi-te 3:19

Amaute tupna, siatna hi-a, a pasian uh amau gilpi hi-in, a minthanna uh amau maizumna ahi hi. Amaute in leitung nate bek a ngaihsun uh hi.

Hebrews 9:27

Mihing adingin khatvei sih ding laitansa hi-a, tua khit ciangin thukhenna a thuak ding hi.