Thuhilhna 5:18 - Zokam International Version

¹⁸ Tua ciangin mi khat in sunni nuai-ah Pasian piak tomkha a nuntak hun sungin gimpipi-a a sepsate ne-in dawnin kham a ngah ding ama adingin hoih hi, ci-in ka ngaihsun hi - ahang in, ama lawhtak hih ahi hi.

LAISIENGTHOU CL Bible (BSI)

¹⁸ En in, ka sil mu khat tami ahi: Pasian in mihinga dinga damsung ni tomnou apieh sunga aneh a, adawn a, ni nuoi a asepgimna a, alungkim leh ama a dingin ahoi ahi. Aziehpen tuami ama tanvou ahi.

Zo Bible

¹⁸ A hoi ding ka mu thu khat tami ahi hi: Pasien in leitungah bakhat hinkhuo ei pieh sungin mi khat in a sep gimna thaman ne-in dawnin guolnopna a sui ding pen a kilawm ahi hi; azieh pen tam khu eite’ tanh ahi hi.

Thuhilhna 5:18 ပူးပေါင်းရင်းမြစ်များ

Thuhilhna 2:24

Mi khatin, ne-in dawnin na a sepna ah a lungkimna zah val a hoihzaw bangmah a sem thei kei hi. Hih zong Pasian khutsuak hi, cih ka mu hi;

Thuhilhna 3:22

Tua ahi ciangin mi khat in ama nasep nuam a sak ding sanga hoih zaw bangmah ka mu kei hi; bang hang hiam cih leh tua in ama tanh ahi hi. Ahang in, ama nungah bang piang ding cih a en dingin amah kua in theisak thei ding ahi hiam?

1 Timothy 6:17

Tu huna hih leitung sumhaute kiang ah, a ki-uatsak loh nading uh le a kician lo hauhna muang lo a, eite i lungnop nadingin na khempeuh kicingtaka hong piapa Pasian, a muan zawk nadingun thu pia in.

Thuhilhna 9:7

Pasian na nasepna hong angvanna ahi manin: pai in lungkimtakin na an ne inla lung nuamtakin na zu dawn in.

Thuhilhna 8:15

Tua hi-a mihing adingin sunni nuai-ah ne-in dawna gualnuama om kana hoihzaw om lo ahi manin gualnopna ka phat hi. Tua ciangin Pasian in sunni nuai-a a dam hun dinga a piak sung teng a nasepna ah amah in nuam a sa ding hi.

Thuhilhna 2:10

Ka mit iplah khempeuh panin ka kidaam kei hi; ka lungsim nopsakna ka nial kei hi. Ka nasep khempeuh ah nuam ka sa a, hih in ka gimna khempeuh hanga ka pahtakman ahi hi.

Thuhilhna 11:9

Khangmoipa aw, na moi lai-in lungnuam inla, na khangno hun sungin na lungsim nopsak bangin om in. Na lungsim hong pina le na mita na muh bang zui in; ahi hangin Pasian in na khempeuh ah thu hong khen ding ahilam thei in.

Jeremiah 52:34

Jehoiachin a sih ni mateng a nuntak hun sung tawntung Babylon kumpipa in nisimin a kisapna bangbang pia den hi.

1 Corinth-te 16:16

Sanggamte aw, hih bang mite le amau naseppihte khempeuh le tua lai-a nasem mite tungah na kiniamkhiat ding uh kong thum hi.

Thupiakkikna 12:7

TOPA note Pasian in note thupha hong piakhin ahi manin no khut tunga piang peuhmah TOPA note Pasian omna mun tua lai-ah na innkuanun na ne ding uh a, nuam na sa ding uh hi.

Thupiakkikna 12:18

Tua sangsikin TOPA note Pasian in a teel nading mun, TOPA note Pasian mai-ah - note, na tanute na tapate, na nasemnute na nasempate le no khua sunga Levi-te tawh ne-in - no khuta piang na peuhmah TOPA note Pasian mai-ah nuam na sa ding uh hi.

Thupiakkikna 26:11

Tuateh TOPA note Pasian in nang le na innkuanpihte hong piaksa na hoih khempeuh, Levi-te le no laka om pemtate tawh nuam na sa khawm ding uh hi.

Phatna-late 42:8

TOPA in sunin a itna hong lak a, zanin ka nuntakna Pasian tungah ka thunget ahi ama la-in hong ompih hi.

Thuhilhna 2:3

Zu-a gualnopna le haina kawicip kawmin - ka lungsim pilna tawh a makaih dingin kei mahmah ka hanciam hi. Van kikhupsin nuai-ah mihingte tomvei a nuntak sungin bang sem leh manpha ding hiam, cih ka thei nuam hi.

Thuhilhna 6:2

Pasian in mi khat a lungsima a deih teng a kim nadingin hauhna neihsa lamsa le minphatna pia-a ahi hangin Pasian in amah nopsasak loin ama tangin midang khat in nopsak lawh hi. Hih in a mawknapi hi-a a dahhuai gitlohna ahi hi.