Thuhilhna 2:10 - Zokam International Version

¹⁰ Ka mit iplah khempeuh panin ka kidaam kei hi; ka lungsim nopsakna ka nial kei hi. Ka nasep khempeuh ah nuam ka sa a, hih in ka gimna khempeuh hanga ka pahtakman ahi hi.

LAISIENGTHOU CL Bible (BSI)

¹⁰ Ka mitin alunggul pouma neila ka nei sih a, nopsahna pouma akipat ka lungtang ka tutang sih a, ka sepgimna zousie ah ka lungtang akipah ziehin, tami ka sepgimna kipahman ahi.

Zo Bible

¹⁰ Ka mit’ lunggul popo panin ka kikoicing sih hi; nopsahna lam panin ka lungsim ka kemcing sih hi, azieh pen ka nasepna zosie-ah ka lung nuom a, tuale tam khu ka nasep gimna zosie zieha ka nga ka thaman ahi hi.

Thuhilhna 2:10 ပူးပေါင်းရင်းမြစ်များ

Piancilna 3:6

Numei in tua singgah a muh ciangin nek dingin limci sa-a, a mit la keei a, pilna zong ngah nuam ahi manin tawmkhat la-in a ne hi. Amah tawh a omkhawm a pasal zong tawmkhat pia-a, a pasal in a ne hi.

Piancilna 6:2

Pasian’ tapate in mihingte tanute melhoihsa in, amaute a deih peuhpeuh uh telin tenpih uh hi.

Job 31:1

"Lunggulh luatna tawh nungakno khat en lo dingin ka mit tawh thukhun ka bawl hi.

Phatna-late 119:37

Man neilo nate panin ka mitte heikhia inla; na thu a bangin ka nuntakna hawi in.

Phatna-late 128:2

Na gimna’ gah na ne dinga, thuphate le daupaina nang aa hi ding hi.

Paunakte 23:5

Muvanlai bangin hauhna a kha po-in vanlam ah lengkhia ding ahi manin, a bei pah theih hauhna mitsuan kei in.

Thuhilhna 11:9

Khangmoipa aw, na moi lai-in lungnuam inla, na khangno hun sungin na lungsim nopsak bangin om in. Na lungsim hong pina le na mita na muh bang zui in; ahi hangin Pasian in na khempeuh ah thu hong khen ding ahilam thei in.

Thuhilhna 2:1

Ka lungsim sungah, "Hong pai dih in a hoih na muh khiat nadingin nopsakna tawh nang kong zia-et ding hi," ci-in ka ngaihsun hi. Ahi hangin tua zong a mawknapi mah ahi hi.

Thuhilhna 2:22

Mihing in haksapi in sunni nuai-ah thatang sanin na a sep man bang ngah ahi hiam?

Thuhilhna 2:24

Mi khatin, ne-in dawnin na a sepna ah a lungkimna zah val a hoihzaw bangmah a sem thei kei hi. Hih zong Pasian khutsuak hi, cih ka mu hi;

Thuhilhna 3:22

Tua ahi ciangin mi khat in ama nasep nuam a sak ding sanga hoih zaw bangmah ka mu kei hi; bang hang hiam cih leh tua in ama tanh ahi hi. Ahang in, ama nungah bang piang ding cih a en dingin amah kua in theisak thei ding ahi hiam?

Thuhilhna 5:10

Sum iplah peuhmah in sum a deihzah nei ngei lo a; hauhna iplah peuhmah a ngahzah tawh a lungkim ngei kei hi. Hih zong a mawknapi ahi hi.

Thuhilhna 5:17

A nuntak hun sung lawhsamin, lunggimin hehsa-in khuamial lakah an a ne hi.

Thuhilhna 5:18

Tua ciangin mi khat in sunni nuai-ah Pasian piak tomkha a nuntak hun sungin gimpipi-a a sepsate ne-in dawnin kham a ngah ding ama adingin hoih hi, ci-in ka ngaihsun hi - ahang in, ama lawhtak hih ahi hi.

Thuhilhna 6:2

Pasian in mi khat a lungsima a deih teng a kim nadingin hauhna neihsa lamsa le minphatna pia-a ahi hangin Pasian in amah nopsasak loin ama tangin midang khat in nopsak lawh hi. Hih in a mawknapi hi-a a dahhuai gitlohna ahi hi.

Thuhilhna 6:9

Ankam limna zon kawikawi sangin mita muhna hoihzaw hi. Hih zong a mawknapi hi a, huih nungdelh mah hi lel hi.

Thuhilhna 8:15

Tua hi-a mihing adingin sunni nuai-ah ne-in dawna gualnuama om kana hoihzaw om lo ahi manin gualnopna ka phat hi. Tua ciangin Pasian in sunni nuai-a a dam hun dinga a piak sung teng a nasepna ah amah in nuam a sa ding hi.

Thuhilhna 9:6

Amaute itna, amaute muhdahna le amaute hazatna beimang khin ahi nungsang; sunni nuai-a a piang peuhmah bangmah a tangkha nawn kei ding uh hi.

Thuhilhna 9:9

Pasian hong piaksa sunni nuai-a a mawknapi na nuntak hun sung - a mawknapi na hun khempeuh, na it na zi tawh a nuam theithei in zang in. Hih in na nuntak sunga na lawhtak hi-a, sunni nuai-ah gimpi-a na thalawhsa ahi hi.

1 John 2:16

Ahang in, leitunga om na khempeuh: mawhdim mi lunggulh-luatnate, mittang etlahnate, neihsa le sepsa kisialhpihnate, Pa tung pana hong pai hi loin leitung pan ahi hi.

Thukhente 14:2

A ciah ciangin a nu le a pa kiangah, "Timnah ah Philistia numei khat ka mu hi; ka zi dingin hong laksak un," a ci hi.