Ruth 1:14 - Zokam International Version

¹⁴ Hih bang a cih ciangin amaute a kap leuleu uh hi. Tua ciangin Orpah in a teknu a mangpha khakna-in nam a, Ruth in a teknu a pom hi.

LAISIENGTHOU CL Bible (BSI)

¹⁴ Tuachi’n, aw ngaitah suo in akap kiata uhi; tuachi’n Orpah in api atawpa, hinanleh Ruth in pen api atu chinten hi.

Zo Bible

¹⁴ Tua ciengin awgingin a kikaa kia uhi. Orpah in a innpinu namin mangpha pai a, hinanle Ruth in a innpinu a bel lenlon hi.

Ruth 1:14 ပူးပေါင်းရင်းမြစ်များ

Piancilna 31:28

Ka tute hong namsak loin, ka tanute mangpha nangawn nong khaksak kei hi. Na haitat mahmah hi.

Piancilna 31:55

A zingciang zingtungin Laban in a tute le a tanute nama, thupha a pia hi. Tua ciangin nusia-in innah ciah hi.

2 Samuel 19:39

Tua ciangin mite khempeuh Jordan gal kah uh a, tua khit ciangin kumpipa a galkah pan hi. Kumpipa in Barzillai namin ama thupha pia a, Barzillai a inn ah a ciah hi.

1 Kumpite 19:20

Tua ciangin Elisha in a bawngtalte nusia-in Elijah a nungdelh hi. Amah in, "Ka nu le ka pa mangpha khakin hong namsak phot in, tua khit ciangin nang kong zui ding hi," a ci hi. Elijah in, "Pai kik in, nang bang hong cih ka hi hiam?" ci-in a dawng hi.

Paunakte 17:17

Lawm khat in hong it tawntung a, sanggam pen haksat huna dinga suak ahi hi.

Paunakte 18:24

Kithuahpih tampi a neite kisia thei a, ahi hangin sanggam sangin a kicianzaw lawm a om hi.

Isaiah 14:1

TOPA in Jacob khuatuah dinga, Israel khatvei teeltuam lai-in amau neihsa gamah a tengsak kik ding hi. Pemtate in amaute pawl ding uh a, Jacob innkuan tawh kigawm ding uh hi.

Zechariah 8:23

Thahatpen TOPA thugen hih ahi hi: "Tua ni ciangin kam khempeuh le minamte khempeuh sung pan mi sawm in Jew khat a puanmongteep panin lenkipin, ‘Nang tawh tonkhawm ni, bang hang hiam cih leh nang tawh Pasian omkhawm hi, a kicih ka za uh hi,’ ci ding uh hi," a ci hi.

Matthew 10:37

"Kei sangin a nu a pa a itzawte peuhmah kei adingin a cin kei hi. Kei sangin a tanu, a tapate a itzawte peuhmah kei adingin a cin kei hi.

Matthew 16:24

Tua ciangin Jesu in a nungzuite kiangah, "Mi khatpeuh in ka nung hong zuih ding leh amah le amah kinialin, ama singlamteh kisuanin hong zuih pelmawh kul hi.

Matthew 19:22

Khangnopa in hih thu a zak ciangin hau mahmah ahi manin lungsi dedu-in a paikhia hi.

Nasepte 17:34

Mi tawmkhat in Paul nung zuisuak uh a, a um uh hi. Amaute lakah Areopagus a pawl mi Dionysius le Damaris kici numei khat le adang tampi zong ahi uh hi.

Thupiakkikna 10:20

TOPA note Pasian kihta unla a na sem un. Amah kiplet unla ama minin kiciam un.

Thupiakkikna 4:4

ahi hangin TOPA note Pasian a lenkip khempeuh tuni dong na nungta uh hi.

2 Timothy 4:10

Ahang in, Demas in hih leitung a it manin kei hong taisan a, Thessalonica ah a pai hi. Galatia ah Crescens pai zo a, Dalmatia ah Titus a pai hi.

Hebrews 10:39

Eite i hileh nungtolh-a kisiate laka i hi kei a, ahi hangin uma kihonkhiate i hizaw hi.

Ruth 1:13

amau khankhit dong ngak zo ding na hi uh hiam? Amau ngakin pasal nei loin om zo ding na hi uh hiam? Hi thei peuhmah kei ka tanute aw, bang hang hiam cih leh TOPA khut kei langah pang hi lo maw!" a ci hi.

Ruth 1:15

Naomi in, "En dih in, na mopihnu a mipihte le a pasiante kiangah ciah kik hi lo hiam. Amah tawh ciah hoh in," a ci hi.

Ruth 1:7

Amaute tenna mun nusia-in a mote gel tawh Judah gam zuatna lampi zui-in a dingkhia uh hi.

Ruth 2:11

Boaz in, "Na pasal sih nungsang na teknu adingin na nasepna teng - na nu na pa le na pianna gam na nusiat a, na theih ngei loh mite tawh tengkhawm dinga nong paina hong kigenkhin zo hi.