Rome-te 8:2 - Zokam International Version

² Bang hang hiam cih leh Christ Jesu tungtawnin nuntakna Kha thukham in mawhna le sihna thukham panin kei hong suaktasak zo hi.

LAISIENGTHOU CL Bible (BSI)

² Aziehpen Khrist Jesu a um, hinna Hagau danin khelna leh shina dan akipat ahing zalensahta hi.

Zo Bible

² Azieh pen Jesu Khris sunga om hinna Hlagau’ thukham in mawna le sina thukham panin note ang suohtasah zo ta hi.

Rome-te 8:2 ပူးပေါင်းရင်းမြစ်များ

Rome-te 6:14

Ahang in, note thukham nuai-a om hi loin hehpihna nuai-a om na hi manun mawhna in note hong uk teitei lo ding hi.

2 Corinth-te 3:17

Tua Topa pen tua Kha hi-a, Topa Kha a omna ah suahtakna a om hi.

Rome-te 6:18

Mawhna panin note hong kisuaktasak khin zo a, thumaanna sila na suak khin ta uh hi.

2 Corinth-te 3:6

Amah in kote lai-a gelh hi loin Kha in thukhun thak nasemte bangin hong kicingsak zo hi. Ahang in, lai gelh in that a, ahi hangin Kha in nuntakna a pia hi.

1 Corinth-te 15:45

Tua ahi ciangin "Mi masa Adam, a nungta mi suak hi." c ci-in kigelh hi. A nunung Adam, nuntakna a pia kha ahi hi.

John 8:36

Tua ahi ciangin Tapa in note hong suaktasak leh na suakta taktak ding uh hi.

John 8:32

Tua ciangin thutak na thei ding uh a, tua thutak in note hong suaktasak ding hi," a ci hi.

Rome-te 7:4

Tua ahi ciangin sanggamte aw, misi pana tho kik midang khat tawh ki-awh a, Pasian ah gah na gah theih nadingun Christ pumpi tungtawnin note in zong thukham na sihsan uh hi.

Rome-te 6:22

Ahi hangin tu-in mawhna panin note hong khahkhia a, Pasian lamah sila suak khin zo na hi manun na at uh phattuamna in sianthona ah hong tuna, tua in nuntak tawntungna hong tun hi.

John 6:63

Kha in nuntakna a pia hi, ci-le-sa bangmahin kimang lo hi. Note tunga kong gen thute kha c hi-a amaute nuntakna ahi hi.

John 4:14

ahi hangin kei piak tui a dawn mi peuhmah a dangtak ngei nawn kei ding hi. Ken ka piak tui, ama sungah tuinak suakin nuntak tawntungna dongin a phulto taktak ding hi," ci-in a dawng hi.

John 4:10

Jesu in, "Pasian letsong thei-in, na kianga tui hong ngenpa thei hi lecin, ama kiangah na ngen zaw ding a, amah in a nungta tui hong pia khin zo ding hi," ci-in a dawng hi.

Galatia-te 5:1

Christ in a suakta dingin eite hong khahkhia hi. Tua ahi ciangin kiptakin ding unla, sila hakkol tawh no le no vangik kisuan kik nawn kei un.

Galatia-te 2:19

Ahang in, Pasian adinga ka nuntak theih nadingin thukham tungtawnin thukham ka sihsan hi.

Rome-te 5:21

Tua pen, sihna sungah mawhna in a uk bang tektek in i Topa Jesu Christ tungtawnin nuntak tawntungna a tun dingin hehpihna in thumaanna tungtawna a uk theih nading ahi hi.

Rome-te 7:21

Tua ahi ciangin hih thukham in na sem ahilam ka phawkkhia hi: A hoih ka hih nop laitakin kei tawh a omkhawm den a gilo a om na hi mawk hi.

Phatna-late 51:12

Na hotkhiatna lungnopna hong pia kik inla a thumang nuam lungsim hong guanin hong dingkipsak in.

Kilaakna 22:1

Tua ciangin vansawltak in nuntakna guntui hong laka, crystal bangin cim sitset a, Pasian le Tuuno tokhom pan luangkhia-in,

Rome-te 3:27

Tua ahileh kisialhna koi-ah a om hiam? A kipuaseh zo hi. Bang thu siksan in? Thukham zuihna hang maw? Hi lo hi. Upna hang ahi hi.

Kilaakna 11:11

Ahi hangin ni thum le ni lang sungin amaute sungah Pasian tung pana nuntakna huu lutin, a khe un ding ding uh a, amaute lau mahmah ding uh hi.

Rome-te 7:23

Ahi hangin ka pumpi nate sungah thukham dang khat nasem ka mu hi. Tua thukham in ka lungsim thukham do a, kei pumpi nate sunga mawhnate sungah hong koltangsak hi.

Rome-te 8:1

Tua ahi manin Christ Jesu sunga omte adingin b tu-in mawhpaihna a om kei hi.

Rome-te 16:3

Christ Jesu sunga ka naseppihte Priscilla g le Aquila, na hohpihsak un.

Galatia-te 6:2

Khat le khat na vangik uh kidawn tek un. Hih bangin gamta le uh cin Christ thukham na tangtun ding uh hi.

James 1:25

Ahi hangin suahtakna a pia thei a hoihkim thukham limtakin en-a, thu bangin gamta-a a zaksate mangngilh loin a sempah mi, ama sepna ah thupha kipia ding hi.

Ezekiel 1:21

Tua ganhingte a tat ciangin amaute zong tang uh a, tua ganhingte a khawl ciangin tuate zong khawl uh hi; ganhingte lei panin kikhangto leh amaute tawh a pei zong a kikhangto hi; bang hang hiam cih leh a nungta ganhingte’ kha a pei sungah om hi.