Rome-te 7:4 - Zokam International Version

⁴ Tua ahi ciangin sanggamte aw, misi pana tho kik midang khat tawh ki-awh a, Pasian ah gah na gah theih nadingun Christ pumpi tungtawnin note in zong thukham na sihsan uh hi.

LAISIENGTHOU CL Bible (BSI)

⁴ Tuaziehin sanggamte aw, Pasian lam a ga inei theina dingun, mi dang khat mishi lah a kipata kaithaw a umpa na kitenpi theina ding un, Khrist tahsa ziehin noute zong dan lamah ashi na hing hita uhi.

Zo Bible

⁴ Tua ma bangin ka lawmte aw, Pasien ading ga na ga thei nading ule midang kici misite lah pana kithosah pa-a’ na hi thei nadingun, Khris pumpi ziehin thukham lamah a si na hi ta uhi.

Rome-te 7:4 ပူးပေါင်းရင်းမြစ်များ

Isaiah 54:5

Ahang in, nang hong Bawlpa na pasal hi a - ama min Thahatpen TOPA ahi hi - Israel-te Siangtho Pa nang hong Tanpa hi a; amah leitung khempeuh’ Pasian kici hi.

Isaiah 62:5

Tangvalno khat in nungakno khat a tenpih bangin, na tapate a in nang hong tenpih ding uh a, zineipa a mo tungah a kipah bangin nang tungah na Pasian a kipak ding hi.

Matthew 26:26

Amaute in an a nek laitakun, Jesu in anlum la a, lungdam koin balkhama, a nungzuite pia-in, "Hih ka pumpi ahi hi, la unla ne un," a ci hi.

Mark 4:20

A dangte lei hoihna-a tu khaici tawh kibang uh hi; thu ngai-in sang uh a, a kivawh zah sawmthum, sawmguk tham lo za khat nangawn a gahkhia uh hi," a ci hi.

John 15:8

Note in gah tampi na gah uh a, ka nungzuite na hina uh na lahna uh, ka Pa minthanna ahi hi.

John 3:29

Mo pen zineipa aa ahi hi. Zineipa lawmpa in zineipa kithuahpihin ngak-a, zineipa aw a ngai hi; zineipa aw a zak ciangin lungnopna tawh a kidim hi. Tua lung nopna kei aa hi-a tu-in kicing ta hi.

John 6:51

Keimah in vantung pana hong pai a nungta anlum ka hi hi. Mi khat in hih anlum a nek leh a nungta tawntung ding hi.Hih anlum in leitung buppi nuntak nadinga ka piak ding ka sa ahi hi," a ci hi.

Rome-te 6:11

Tua mah bangin note, mawhna sihsan khinin kingaihsun unla, Pasian ah Jesu sunga a nungta in na kingaihsun un.

Rome-te 6:14

Ahang in, note thukham nuai-a om hi loin hehpihna nuai-a om na hi manun mawhna in note hong uk teitei lo ding hi.

Rome-te 6:2

Mawh denden peuhmah lo e! Mawhna i sihsan zo hi; tua mawhna sungah bangci nuntak thei lai ding i hi hiam?

Rome-te 6:22

Ahi hangin tu-in mawhna panin note hong khahkhia a, Pasian lamah sila suak khin zo na hi manun na at uh phattuamna in sianthona ah hong tuna, tua in nuntak tawntungna hong tun hi.

Rome-te 7:3

Tua ahi ciangin a pasal a nuntak lai-in midang khat a tenpih leh amah angkawmnu a suak hi. Ahi hangin a pasal a sih leh tua thukham panin amah a kikhahkhia hi-a, midang khat a tenpih zongin amah angkawmnu a suak kei hi.

Rome-te 7:6

Ahi hangin tu-in ahileh hun khat lai-a eite hong hencip pen i sihsan zo-a a kigelhsa ngeina-bucinga nuntakna lui sung hi lo Kha a nuntakna thak sungah na i sep theih nadingin tua thukham panin eite hong kikhahkhia zo hi.

Rome-te 8:2

Bang hang hiam cih leh Christ Jesu tungtawnin nuntakna Kha thukham in mawhna le sihna thukham panin kei hong suaktasak zo hi.

1 Corinth-te 10:16

Eite in lungdam i koh tua lungdamkohna hai in, Christ sisan a i kihelna hi lo ahi hiam? Eite in i balkhap anlum zong Christ pumpi-a i kihelna mah hi lo ahi hiam?

2 Corinth-te 11:2

Keimah in Pasian aamna-in note kong aam hi. Pasal khat tua Christ tungah note nungak bit banga piak dingin kong kamciam zo hi.

Galatia-te 3:13

Eite tang dingin Christ hamsia hong suakin thukham hamsiatna panin hong tan zo hi. Ahang in, "Sing tunga kikhai peuhpeuh hamsiat ahi hi," j ci-in kigelh hi.

Galatia-te 5:18

Ahi hangin Kha in nang hong pi leh thukham nuai-ah na om kei hi.

Ephesa-te 2:15

amah in ama ci-le-sa ah tua thukham le thukham’ thupiakte le ngeinate a beisak hi. Mi nihte panin mi thak khat a mahmah sunga piansak ding a ngimna hi-a, tua hangin kilemna bawlin

Philippi-te 1:11

Pasian minthan nading le a kiphat nadingin Jesu Christ tungtawna hong pai thumaan gah tawh na dim nading uh ahi hi.

Philippi-te 4:17

Letsong ka zonna hi loin, note hamphat nading ka deihna hizaw hi.

Colosse-te 1:10

Hih banga ka thunget uh Topa adingin note a mannei-in nungta a, lam khempeuh ah amah lungkimsakin, na hoih khempeuh ah gah na gah ding uh , Pasian theihna lamah na khan nading uh,

Colosse-te 1:22

Ahi hangin tu-in kawkbaanna om loin mawhsakna panin suakta a, ama muhna ah a siangtho-a hong piak theih nadingin Christ in note ama pumpi-a sihna tawh hong kilemkiksak zo hi.

Colosse-te 1:6

Tua lungdamna-thu za-in Pasian hehpihna thutak khempeuh ah na theihtel ni-ua kipan note lakah a gah mah bangin, leitung mun khempeuh ah hih lungdamna thu in gah gahin a khang semsem hi.

Colosse-te 2:14

eite langa pang eite hong do, a kigelhsa ngeina-bucing le a zuih ding ngeinate phiat-a, singlamteh ah kilhin a lakhiamang hi.

Colosse-te 2:20

Note in hih leitunga ngeina bulpite Christ tawh na sihsan nungsangun, bang hangin hih leitung aa ahi lai banga, hih ngeinate:

Hebrews 10:10

Tua thuseh hangin khatvei-a manden dingin Jesu Christ pumpi-a biakpiakna tungtawnin eite hong kisiangthosak zo hi.

1 Peter 2:24

Mawhnate i sihsan theih nading le thumaanna i nuntakpih theih nadingin ama pumpi mahmah in i mawhnate sing tungah pua zo hi. Ama liammate hangin note hong kidamsak zo hi.

Kilaakna 19:7

Eite nuamin, lungdamin, ama min thangsak ni! Ahang in, Tuuno mopi hun tung zo a, a lawmnu kigingsa-in om zo hi.

Kilaakna 21:9

A nunung gimna sagihte tawh ki dim kuangkum sagihte a tawi vansawltak sagihte lakah khat ka kiangah hong pai-a, "Hong pai in, Tuuno zi ahi, mo, kong lak ding hi," hong ci hi.