Rome-te 3:4 - Zokam International Version

⁴ Mi khempeuh zuau gen hi henla, Pasian a thutak hi ta hen. "Na thukhenna-a na zawhna le na kammal-a na thumaanna a kilat theih nading ahi hi," a ci-a kigelhsa bang ahi hi.

LAISIENGTHOU CL Bible (BSI)

⁴ Suohsah lou e, Pasian khu midihtat hi henlen, michin zuou thei hizaw heh, “Na thugen a siemtanga na um theina dingin, thukhenpieh a na um chieng a zong, na zaw theina dingin,” chi a gel bangin.

Zo Bible

⁴ Maimangsah vawt lo ding hi! “Na thukhenna-a na zawna ding le ka kammal ah dihna na tan nading ahi hi, ci-in a kigiel bangin, mi zosie in zuouthu gen nan ule, Pasien’ thumanna kilang taheh.

Rome-te 3:4 ပူးပေါင်းရင်းမြစ်များ

Phatna-late 51:4

Thu na gen ciangin a thumaan na hilam a kitheih nading, thu na khen cianga dik hong tangsak dingin; nang tung, nang tektek tungah ka mawh a, na muhna ah siatna ka hih khin hi.

Phatna-late 116:11

Ka cihmawh manin, "Mi khempeuh zuauphuak hi," ka ci hi.

Galatia-te 2:17

"Eite in Christ sungah dik kitansak ding i zon laitakin eite mahmah mawh neite i hina hong kilang ahi ciangin Christ in mawhna khangsak cihna ahi hiam? Hi peuhmah lo hi:

Hebrews 6:18

Eite in hong kipia lametna len-a i delh laitakin nakpi-a i kihanthawn theih nadingin Pasian zuautheihlohna thu nih tawh Pasian in a hih zo hi.

Titus 1:2

tua upna le theihna pen zuau a gen lo Pasian in hun kipat ma-a a ciamsa, nuntak tawntung nading lametna tungah kinga a,

Thupiakkikna 32:4

Amah Suangpi hi a, a nasepte kicingin a lampi khempeuh thutang ahi hi. A muanhuai, a khial lo Pasian, thudikin thutang hi.

Job 36:3

Ka theihtelna gamlapi pan ka ngah hi; Kei hong Bawlpa a thutang ahina kong tellah ding hi.

John 3:33

Ama teci panna a sang mi in Pasian thutak ahi hi, cih a thukimpih ahi hi.

Phatna-late 119:160

Na kammal khempeuh thumaan hi-a; amaan na thukhamte khempeuh a kimang den ding ahi hi.

Kilaakna 3:7

"Philadelphia a pawlpi vansawltak tungah gelh in: Hihte, a siangtho le a thumaan-pa, David tawhtang tawipa kammalte ahi hi. Ama honsa kuamah in khak thei lo a, ama khaksa kuamah in a hong thei kei hi.

1 John 5:20

Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.

Rome-te 9:14

Tua ahileh bang gen ding i hi hiam? Pasian a thutang lo ahi hiam? Hi peuhmah lo hi!

Phatna-late 138:2

Nate khempeuh tungah na min le na thu tawisang khin na hi manin, nangma itna le na muanhuaina hangin na biakiin siangtho lam nga-in kunin na min ka phat ding hi.

Micah 7:20

Tanglai pekpeka ka pate uh tunga na kiciamsa bangin Jacob tungah thumaanin Abraham tungah na lainatna na lak ding hi.

Phatna-late 100:5

A hang in, TOPA hoih a, ama itna kip tawntung hi; ama muanhuaina khang tawntungin kizom den hi.

1 John 5:10

Pasian Tapa a um mi peuhmah in a lungtang sungah hih teci panna a nei hi. Pasian a um lo mi peuhmah in Pasian in a Tapa thu teci a panna um lo ahi manin amah zuauphuak a suaksak hi.

Galatia-te 2:21

Thukham tungtawnin thumaanna kingah thei hileh Christ a mawkna-a si hi ding ahi manin, Pasian hehpihna ka pampaih kei hi!" d ka ci hi.

Rome-te 6:15

Tua ahileh bang? Eite thukham nuai-ah om hi loin hehpihna nuai-a om i hi manin mawhna i bawl ding hiam? A hi peuhmah kei hi!

Rome-te 3:31

Tua hileh hih upna tawh eite in thukham guaksuaksak i hi hiam? A hi peuhmah kei hi! Tua hi lo zaw in eite in thukham i kipsak hi.

Matthew 11:19

Mihing Tapa hong pai ciangin ne-in dawna, ‘An hai zu hai pa, siahdongte le "Mawhneite" lawmpa hi,’ a ci zel uh hi. Ahi hangin pilna ahileh a sepnate in amaan ahina a lak hi.

Job 40:8

"Ka thutan’na bangmah lo suaksak na hi hiam? Nang a thutang na kisuahsak nadingin kei hong mawhpaih na hi hiam?

Galatia-te 6:14

Kei adingin leitung kikilhcip a, kei zong leitung adingin hong kilhcipna ahi tua a Topa Jesu singlamteh longal ka kisialhpih kei ding hi.

Rome-te 11:1

Tua ahileh, Pasian in ama mite nolh ahi hiam, cih kong dong hi. A nolh peuhmah kei hi! Kei mahmah zong Abraham suan ahi Benjamin beh pana Israel mi khat mah ka hi hi.

Phatna-late 62:9

A dinmun niam mite husan khat bek hi a, dinmun sangte lah zuaupi hi lel hi; tehna-in kiteh leh amaute bangmah hi lo uh a; amaute husan khat bek hikhawm uh hi.

2 Corinth-te 1:18

Ahi hangin Pasian a muanhuai takpi bangin kote in note tunga kong thupuak uh, "Hihi," le "Hikei," a hikhawm kei hi.

Rome-te 11:11

Amaute a tho kik zo nawn lo dingin muktu uh ahi hiam, cih kong dong kik leuleu hi. Ahi peuhmah kei hi! Amaute tatkhialhna hangin Israel-te in Gentile-te a en nadingun hotkhiatna thu Gentile-te tungah tung zawsop hi.

Rome-te 7:7

Tua hileh bang i gen ding hiam? Thukham pen mawhna ahi hiam? Hi zenzen lo hi! Thukham tungtawn hi kei leh mawhna bang hiam, cih ka thei kei takpi ding hi. Ahang in, thukham in "Deihgawh kei in" d na ci lo hileh deihgawh kici bang cihna hiam, cih ka thei kei ding hi.

Rome-te 6:2

Mawh denden peuhmah lo e! Mawhna i sihsan zo hi; tua mawhna sungah bangci nuntak thei lai ding i hi hiam?

Luke 20:16

Amah pai-in lo-khawhlawhte that in ama lo midangte a pia ding hi," a ci hi. Mipite in hih thu a zak uh ciangin, "Hih bang piang ngei kei ta hen!" a ci uh hi.

Rome-te 7:13

Tua ahileh hoih a kici penin kei adingin sihna suak ahi hiam? Ahi peuhmah kei hi. Mawhna pen mawhna banga a kitheihtel theih nadingin a hoih tungtawnin keima sungah sihna a piangsak hi; tua in thupiak tungtawnin mawhna pen mawhna taktak a suah takpi nading ahi hi.

1 Corinth-te 6:15

Note pumpi Christ mahmah pumpi nate ahilam thei lo na hi uh hiam? Tua ahileh Christ pumpi nate la-in a kizuakte tawh gawmkhawm ding ka hi hiam? Ka gawmkhawm ngei peuhmah kei ding hi!

1 Timothy 3:16

A lian mahmah nial nading a om lo pasian-mina thuthuk ahi: Amah e pumpi-in f hong kilang a, Kha in dik tangsakin vantung mite in mu uh a, minamte lakah a thu kihilhin leitungah ki-um a, minthanna tawh kilato hi.