Rome-te 2:3 - Zokam International Version

³ Tua ahi ciangin mihing lel ahi nang in amaute tungah thu khen napi amau hihte mah na hih ciangin Pasian thukhenna pan a suakta dingin na kingaisun hiam?

LAISIENGTHOU CL Bible (BSI)

³ Aw nang mihing tambang bawl mite mawsah napia tuabang silte na bawl zel leh, Pasian thukhenna pel thei dingin na kingaisut amah?

Zo Bible

³ Koikoi hi nan locin tua banga gamtate tungah thu khen napi, no zong tua bang ma-a na gamtat veve uh ciengin Pasien’ thukhenna panin a suohta dingin na kingaisun uh amah?

Rome-te 2:3 ပူးပေါင်းရင်းမြစ်များ

2 Samuel 10:3

Ammon’ uliante in a topa uh Hanun kiangah, "David in na pa a zahtakna-in na kiangah dahpihna lak dingin mite hong paisakin um na hi hiam? David in khuapi sung encianin thu kansima a lumlet dingin a sawl hi lo ahi hiam?" a ci uh hi.

Job 35:2

"Hih thu thutang hi, ci-in na ngaihsun hiam? ‘Pasian sangin ka diktat zaw hi a na ci hi.’

Phatna-late 50:21

Na sepsa hihte hi napi in ka dai dide hi; nang tawh a kibang a ding nong sa hi. Ahi hangin nang hong taihilhin na maitang mahmah ah kong mawhsak ding hi.

Phatna-late 56:7

A thu om loin suaktasak kei in; Pasian aw, na heh sungin minamte niamkhiat in.

Paunakte 11:21

Hih thu telcian in: Migilote in dan tuak loin a om kei ding hi; a thumaan mite ahileh a suakta ding uh hi.

Paunakte 16:5

Lungsim kiphasak khempeuh TOPA in kih hi. Hih thu tel in: Dan tuak loin a om kei ding hi.

Ezekiel 17:15

Ahi hangin kumpipa in amah lehdo a, Egypt ah palai sawlin sakol le galkap tampi a ngensak hi. A lawhcing na diam? Tua banga nasempa a suakta zo ding hiam? A thuciam palsat napi suakta veve ding ahi hiam?

Ezekiel 17:18

Amah ciampelin thukhun palsat ahi hi. Thuciamna bawl khin napi hihte khempeuh sem ahi manin a suakta peuhmah kei ding hi.

Daniel 10:19

"A kithupi sim mahmah mipa aw, lau kei in, lungnuam in! Kihatsak in; tu-in kihatsak in," hong ci hi. Amah in kei hong hopih ciangin ka tha hat a, "Nong hatsak khin hi topa aw, thu hong gen ta in," ka ci hi.

Matthew 23:33

"No gulte! No gul gilo mualtan suante! Note meili sung tun nading mawhpaihna pan bangci suahtak thei ding na hi uh hiam?

Matthew 26:53

Ka Pa ko thei lo dingin hong ngaihsun na hi uh hiam? Ko leng ka deih banga ka zat theih ding van sawltak legion sawm le nih sanga tamzawte thakhatin hong puakpah ding hi.

Luke 12:14

Jesu in, "Mihingpa, nogel kikal-a thukhen ding ahikeh lemgen dingin kua in kei za hong pia hiam?" ci-in a dawng hi.

Luke 22:58

Tawmvei khit ciangin midang khat in amah mu-a, "Nang zong amaute lakah khat na hi hi," a ci hi. Peter in, "Mipa aw, ka hi peuhmah kei hi!" ci-in a dawng hi.

Luke 22:60

Peter in, "Mipa aw, na thu gen ka thei peuhmah kei hi!" ci-in a dawng kik hi. Tua banga a pau laitakin ak a khuang hi.

Rome-te 1:32

Tua bang a hihte sih ding kilawm hi cih thukip Pasian thukhenna maan amaute in thei napi, hih nate tektek mah hih zom tham loin tua banga gamtate a thukimpih zawsop uh hi.

Rome-te 2:1

Tua ahi ciangin midangte tunga na thukhenna mun mah ah nangmah a kimawhpaih na hih manin midang khatpeuh tunga thukhen nang in paulap ding na nei kei hi. Bang hang hiam cih leh nang a thukhenpa mah in tuate mah na hih hi.

Rome-te 2:2

Tua banga hihte tunga Pasian thukhenna in thutak pansan hi, cih i thei ciat hi.

Rome-te 9:20

Ahi hangin mihing aw, Pasian a sel kik dingin nang kua na hi hiam? A kibawl na in a bawlpa kiangah, ‘Bang hangin kei hih bangin hong bawl na hi hiam?’ ci thei ding hiam" l

1 THESSALONIKA 5:3

Mite in, "Lemna le muanna" a cih laitakun, naupaii numei, nausuahnat in a tut bangin amau tungah thakhatin siatna tung dinga, amaute a suakta kei ding uh hi.

Hebrews 12:25

Tua thu a genpa na nial loh nading un kikem un. Leitung ah amaute a vauhilhpa a nial uh ciangin suakta lo uh ahileh vantung pana eite hong vauhilhpa nungngatsan lehang i suahtak nading baih lo semsem ding hi lo ahi hiam?

Hebrews 2:3

tua zahtaka thupi hotkhiatna thudon kei lehang bang i ci suahtak zawh ding hiam? Hih hotkhiatna a masa penin Topa in a genkhiat, ama gen a zate in ei tunga a kipsak ahi hi.