Rome-te 2:2 - Zokam International Version

² Tua banga hihte tunga Pasian thukhenna in thutak pansan hi, cih i thei ciat hi.

LAISIENGTHOU CL Bible (BSI)

² Hinanleh tambang bawl mite tungah Pasian thukhenna khu thutah dungzui in atung hi chi ithei uhi.

Zo Bible

² Note in, “Tua banga a gamta mite tungah Pasien’ thukhenna pen thuman thutah tawh kituoh ahi hi, ci i thei uhi,” na ci uhi.

Rome-te 2:2 ပူးပေါင်းရင်းမြစ်များ

Piancilna 18:25

A thumaante migilote tawh that khawma, a thumaante le migilote, a kibanga thuaksak ding nang adingin kilawm peuhmah ding ahi hiam? Kilawm peuhmah kei in teh! Leitung khempeuh Thukhenpa g in a maan in khen lo ding ahi hiam?" ci hi.

Job 34:23

Pasian in mihingte a sittel beh lai ding kisam lo a, thu kikhen dingin a mai-ah pai ding kisam lo hi.

Phatna-late 145:17

Ama lampi khempeuh ah TOPA thumaan a, a bawlsate khempeuh a it hi.

Phatna-late 9:4

Ahang in, ka thuneihna le ka thu na lenkip a; na kumpi tokhom ah tu-in thumaanin thu na khen hi.

Phatna-late 96:13

TOPA hong pai-a, leitung thukhen dingin hong pai ahi manin amaute in a mai-ah la a sa ding uh hi. Amah in thumaanin leitung buppi thu khen dinga, thutakin mite thu a khen ding hi.

Phatna-late 98:9

Leitung thukhen dingin TOPA hong pai ahi manin ama mai-ah amaute in la sa uh hen. Amah in leitung buppi thumaanin thu khen dinga, guptuam paihtuam nei loin mite thu a khen ding hi.

Isaiah 45:19

Keimah in khuamialna mun khatpeuh panin a simthamin thu ka gen kei a; Jacob suante tungah, ‘A mawkna-in kei hong zong un,’ ka ci kei hi. keimah TOPA in thutak ka gen hi; thumaan bek ka genkhia hi.

Isaiah 45:21

Bang piang ding hiam genkhia-in thu sung un - amaute kikumkhawmsak un. hih thu sawt pekin kua in genkhol a, hun beisa lai-in kua in genkhia ahi hiam? a genkhia keimah TOPA hi lo ka hi hiam? Keimah Pasian longal a thumaan Pasian le Honpa dang kuamah a om kei hi; kuamah om lo hi, keimah ka hi hi.

Jeremiah 12:1

TOPA aw, nang tungah thu kong tut ciangin na thumaan tawntung hi. Tua hita leh na thutang thu kong kikuppih nuam lai hi: Bang hangin migilote daupai uh ahi hiam? Bang hangin upna nei lo khempeuh nuamtakin om uh ahi hiam?

Ezekiel 18:25

"Tua hi napi, ‘Topa hihzia thutang lo hi,’ na ci uh hi. Israel innkuante aw, za un: Ka hihzia thutang lo ahi hiam?

Ezekiel 18:29

Tua hi napi Israel innkuante in, ‘Topa hihzia a thutang kei hi,’ ci uh hi. Israel innkuante aw, ka hihzia thutang lo ahi hiam? A thutang lo no hihzia hizaw lo ahi hiam?

Daniel 4:37

Tu-in keimah Nebuchadnezzar in vana kumpipa phat in, tawisangin ka minthangsak hi, bang hang hiam cih leh na khempeuh thumaanin sema, ama lampi khempeuh thutang ahi hi. Tua hi-a a kisatheite a niamkhiat thei hi.

Zephaniah 3:5

Tuanu sungah TOPA thumaan a, khialhna a bawl kei hi. Zingsang khat khit zingsang khat a thutangna zekkhia a, nisimin a zekkhia lo ngei kei hi. Tua hi napi thumaan lote in zumna mel a thei kei uh hi.

Nasepte 17:31

Ahang in, amah in a sehkholhsa mipa zangin thumaan tawh leitung mi khempeuh thu a khen ni ding sehkhol khin zo hi. Hih thu amaanna mi khempeuh tungah a lahna-in, amah misi pan a thokiksak hi," a ci hi.

Rome-te 2:1

Tua ahi ciangin midangte tunga na thukhenna mun mah ah nangmah a kimawhpaih na hih manin midang khatpeuh tunga thukhen nang in paulap ding na nei kei hi. Bang hang hiam cih leh nang a thukhenpa mah in tuate mah na hih hi.

Rome-te 2:3

Tua ahi ciangin mihing lel ahi nang in amaute tungah thu khen napi amau hihte mah na hih ciangin Pasian thukhenna pan a suakta dingin na kingaisun hiam?

Rome-te 2:5

Ahi hangin na lungkhauhna le na kisik theihlohna lungtang hangin Pasian thukhenna maan a kilaak hun ahi Pasian’ thangpaihna ni adingin nang le nang tungah thangpaihna a khol na hi hi.

Rome-te 9:14

Tua ahileh bang gen ding i hi hiam? Pasian a thutang lo ahi hiam? Hi peuhmah lo hi!

Kilaakna 16:5

Tua ciangin tuite a uk vansawltak in: "Nang, tu laitaka om, a om densa, a Siangtho Pa aw, hih banga thu khen na hi manin na thukhennate ah na thutang hi;

Kilaakna 19:2

ahang in, a thukhenna thumaanin thutang hi. Amah in angkawmna tawh leitung a siasak numei kizuaknu, mawhpaih zo hi. Ama nasemte sisan phu tuanu tungah la zo hi," ci-in a kiko hi.