Philemon 1:17 - Zokam International Version

¹⁷ Tua ahi ciangin kei, na naseppih a nong sim leh kei nong muak ding bangin amah na muak in.

LAISIENGTHOU CL Bible (BSI)

¹⁷ Tuaziehin Kei na lawmhoi khat a na hing sim leh, keima bangin na pom in.

Zo Bible

¹⁷ Tuaci’n na naseppi banga nei ngaisut leh, kei nei san bangin ama zong na sangkia in.

Philemon 1:17 ပူးပေါင်းရင်းမြစ်များ

Matthew 10:40

"No hong sangte, kei hong sang hi-a, kei hong sangte, kei hong sawlpa a sang ahi hi.

Matthew 18:5

Tua ciangin keima min hangin hih bang naupangno khat a sangte peuhmah, kei hong sang ahi hi.

Matthew 25:40

"Kumpipa in, ‘Thutak kong gen-inah, hih ka sanggamte a neupen khat adinga na bawlte khempeuh uh kei adinga hong bawl na hi uh hi,’ ci-in dawng ding hi.

Nasepte 16:15

Amah le a innkuanpihte a kibaptise khit uh ciangin a inn ah kote hong sam hi. Amah in, "Kei, Topa a um khat hi, ci-a nong sim uh leh hong pai-in ka inn ah hong taam un," a ci hi. Tua ci-in kote hong zol zo ta hi.

2 Corinth-te 8:23

Titus ahileh note laka ka naseppih le ka kikoppih hi-a, ka sang gam dangte uh ahileh pawlpi palaite le Christ pahtawina ahi uh hi.

Ephesa-te 3:6

Hih thuthuk i cih in, lungdamna-thu tungtawnin Gentile-te in Israel-te tawh luah khawmin, pumpi khat ah pumpi nate suakkhawm uh a, Christ Jesu sunga kamciam a tangkhawm a suahna uh ahi hi.

Philippi-te 1:7

Ka lungsunga note kong neih nungsangin hih bang zia a lungsim a kong neih ding a man ahi hi; kolbulhin ka om a, lungdamna-thu hu-in ka kipsak zongin note khempeuh in Pasian hehpihna kei tawh na tangkhawm uh hi.

1 Timothy 6:2

Thu um mi pu-a, a neite in zong, amaute sanggamta ahi uh zongin zahtak lo tuan kei hen. Tua sangsikin, amaute nasepna hanga hamphatna a ngahte in, thu-umte le amau a itte ahi manin a na uh a hoihzaw a, a sepsak ding uh hizaw hi. Hihte na hilh ding le amaute tunga na kut ding ahi hi.

Philemon 1:10

kol ka bulh laitaka ka tapa hong suak Onesimus a ading kong ngen hi.

Philemon 1:12

Kei pumpi zahin ngaihsunin amah nang kiangah kong sawl kik hi.

Philemon 1:18

Amah in nang tungah khialhna khatpeuh a neiha, bat khatpeuh a neih leh kei tungah hong siik in.

Hebrews 3:1

Tua ahi manin vantung-lam sapna a ngah a siangtho sanggamte aw, eite in i pulak tua sawltakpi le tulpi Jesu tungah na ngaihsutnate uh kipsak un.

Hebrews 3:14

Eite in a masa-a i neih kimuanna, a tawp dongin kiptaka i letkip leh Christ sungah tanh a nei i hi hi.

James 2:5

Kong it ka sanggamte aw, ngai un: Pasian in upna ah ahau ding le amah a itte a kamciam, ama gam a luah dingin leitung mite muhna-a a zawngte teel hi lo ahi hiam?

1 Peter 5:1

No laka upate tungah, na upatpih uh Christ thuakna a theihpih khat le hong kilang ding minthanna zong a tang ding pa khat bangin kong thum nopinah:

1 John 1:3

Note zong kote tawh na kipawl theih nadingun, ka muhsa uh le ka zaksate uh no tungah kong tangko uh hi. Kote kipawlna ahileh Pa le ama Tapa Jesu Christ tawh kipawlna ahi hi.