Paunakte 3:7 - Zokam International Version

⁷ Nang kimuhna ah pil kisa kei in; TOPA kihta inla, gitlohna peel in.

LAISIENGTHOU CL Bible (BSI)

⁷ Nangma theina toh kipilsah sinlen, Mangpa giing inlen, gilou taisan in.

Zo Bible

⁷ Nangma’ kimuna-ah a pilin kingaisuntawm sin; Pasien zatahin gitlona panin kihemkhie in.

Paunakte 3:7 ပူးပေါင်းရင်းမြစ်များ

2 Samuel 12:20

Tua ciangin David leitual panin a thoto hi. A kisil khit ciangin sathaute kizut-a a puan khekin TOPA inn sungah pai-in a bia hi. Tua ciangin ama innah pai-a, an ngenin amaute in pia uh a, a ne hi.

Nehemiah 5:15

Ahi hangin gam uk masate - kei hun ma-ate in - mite tungah vangikpi suan uh a, amaute tung panin an le lenggahzu banah ngun shekel a sawmli a la uh hi. Amaute huhpate nangawn zong mite tungah a kiliansak uh hi. Ahi hangin Pasian adingin a siangtho zah val tua bangin ka sem kei hi.

Job 1:1

Uz gamah Job min nei mi khat a teng hi. Hih mipa thutangin a pau baang kei hi; amah in Pasian kihta a gamtat hoih lo a pel hi.

Job 28:28

Tuateh mihing kiangah, ‘Topa kihtakna - tua in pilna hi a, gitlohna pelhna in theihtelna hi,’ ci hi," a ci hi.

Paikhiatna 20:20

Moses in mipite kiangah, "Lau kei un. Note in Pasian na kihtakna uh tawh mawhna bawlna pan na kikep nadingun Pasian in note hong zia-et ahi hi," a ci hi.

Paunakte 14:16

Mipil in TOPA kihta-in gitlohna peel a, mihai in ahileh ngaihsun khol loin amtat hi.

Paunakte 14:27

TOPA kihtakna in nuntakna tuikhuk hi-a, sihna thangte panin mi khat kipelhsak hi.

Paunakte 16:6

Itna le muanhuaina tawnin mawhna maisiang a, TOPA kihtakna tawnin mihing in gitlohna a peel hi.

Paunakte 23:4

Hauh nop manin patliangin na sem kei in; pilvangin kithadopzaw in.

Paunakte 26:12

Amah pil a kisa mi na mu hiam? amah sangin mihai adingin lametna om zaw hi.

Paunakte 26:5

Mihai ama haina bangin dawng lecin ama’ mit ah pil kisa kha ding hi.

Paunakte 28:11

Mihaupa ama mitin pil kisa thei dinga, ahi zongin thu theikak mizawngpa in amah a teltheih ding hi.

Paunakte 28:26

Amah le amah kimuangte mihai hi a, pilna tawh kalsuan mi ahileh kisuaktasak ding hi.

Paunakte 8:13

TOPA kihtakna in gitlohna muhdahna hi-a: kei in kisaktheihna, ki-uatsakna, gitloh-gamtatna le kampau-kawi ka mudah hi.

Thuhilhna 12:13

Tu-in a vekin i za khin hi; hitakah thukhupna a om hi: Pasian kihta inla a thupiakte zui in, ahang in mihing masuanpi in hih ahi hi.

Isaiah 5:21

Amau mita pil a kisate le amau muhna-a tei a kisate tungah gimna tung ta hen.

Rome-te 11:25

Sanggamte aw, note na kimisak loh nadingun; a lut ding zah a lut kim khit mateng Israel-te khenkhat lungkhauh tadih ding uh hi, cih thuthuk na theih loh ding uh ka deih kei hi.

Rome-te 12:16

Note khat le khat na kithuhual un. Kisathei kei unla, dinmun niamte f tawh na kikhawl khawm nuam un. Na kimisak kei un.