Paunakte 24:7 - Zokam International Version

⁷ Mihai adingin pilna sang lua a; kongpi-a kikhopna ah gen ding a nei kei hi.

LAISIENGTHOU CL Bible (BSI)

⁷ Mi mo adingin pilna asang senga, kulkotpi a kikhopna ah thu gen in akam kaah sih hi.

Zo Bible

⁷ Mimawte adingin pilna pen sang luo hi; amate in tunkot-ah kam a keh sih uhi.

Paunakte 24:7 ပူးပေါင်းရင်းမြစ်များ

Paunakte 14:6

Mi simmawhte in pilna a zon hangin bangmah mu lo a, thu saikak-theite in theihna mu ziau hi.

Phatna-late 10:5

A hihnate daupai den a; amah kihisak mahmah in, na thukhamte amah tawh kigamla a, a galte khempeuh a ngiik hi.

1 Corinth-te 2:14

Tua Kha a nei lo mite adingin Pasian Kha pana hong pai nate haina suak ahi manin a sang kei uh hi. Ahang in, khalam tawh kikhentel thei bek ahi manin amah in tuate a theitel thei kei hi.

Amos 5:15

Gitlohna mudah un, thu hoih it un; thukhen zum ah amaanin thu khen un. Tua hileh TOPA Thahatpen Pasian in a baanglai Joseph hong lainat kha thei ding hi.

Amos 5:12

Ahang in, na langpanna zah uh le na mawhnate uh a liatna ka thei hi. A thumaante nengniamin, golhsum na la uh a, thukhen zumte ah mizawngte thu amaanin na khensak kei uh hi.

Amos 5:10

Note in thukhen zuma thumaan gen siamte na mudah uh a, thumaan gente na hua uh hi.

Isaiah 29:21

mi mawhna zonga kammal khat tawh zum sunga mi thangsiahte le mawhpengte thutangna zuau teci panna tawh a lakkhiatsakte khempeuh kisusia mang ding hi.

Paunakte 22:22

Zawng tah ci-in mizawngte zawhthawhbawl kei inla, thukhen zum ah a tasamte nopneh kei in.

Paunakte 17:24

Thu-theikak mi in pilna enkawm gige a, mihaite mit ahileh leimong dongin vak kawikawi hi.

Paunakte 15:24

Mipilte adingin nuntakna lampi paito a, hankhuk c manawha paisuk nading panin a kem hi.

Job 31:21

zumah thuzawh khin cih thei kawmin pa nei lote langkhatah ka khut ka lap leh,

Job 5:4

Ama tate lungmuanhuai na pan kigamla a, a hu om loin zum ah a kineng cip hi.

Phatna-late 127:5

A thaltang bawm tuate tawh a kidim mipa thupha ngah ahi hi. A galte uh tawh kongpi ah a kido uh ciangin kimaizumsak lo ding hi.

Paunakte 17:7

Mihai in kisaktheihna kamte b a zat ding kilawm lo hi - gam-uk khat in zuau a gen ding kilawm kei zaw ngel ve!

Paunakte 17:16

Mihai in pilna ngah ding a lunggulh loh nungsang ama khuta sum om bang phatuam ahi hiam?

Isaiah 32:6

Bang hang hiam cih leh mihaite hai pau uh a, gitloh ding bek a ngaihsun uh hi. A pasian-milohna na bek sem a TOPA tawh kisaite ahi lo lamin a thehzak hi; a gilkialte a hawmpi-in nusia a, a dangtakte tui dawn ding a pia nuam kei hi.

Paunakte 28:5

Mi tatsiate in thutang theitel lo uh a, TOPA a zongte in ahileh a cingin theitel sinsen uh hi.

Paunakte 31:23

Khuapi kongpi a gamsung upate lakah a pasal a tut ciangin kizahtak hi.