Paunakte 22:7 - Zokam International Version

⁷ A haupa in a zawngpa uk a, a leitawipa in a leitawinapa nasem a suak hi.

LAISIENGTHOU CL Bible (BSI)

⁷ Mihauten mi zawngte tungah vai ahawm ua, tualeh mi sum leitawite asum leitawinapa suoh in apang hi.

Zo Bible

⁷ Mihaute in mizawngte uh a, sum leitawi pa pen leitawi a pie pa’ sila a suoh hi.

Paunakte 22:7 ပူးပေါင်းရင်းမြစ်များ

2 Kumpite 4:1

Kamsang honte lakah mi khat zi Elisha tungah kiko a, "Na nasempa ka pasal si hi. Amah in TOPA a zahtak lam na thei hi. Ahi hangin tu-in a leibatnate in ka tapa nihte a sila dingun a la dingin hong kuan ding uh hi," a ci hi.

Paunakte 22:16

Hauh beh nadingin mizawngte a nengniamte le mihaute letsong piate - a nih in a zawng ding hi.

Paunakte 18:23

Mizawngte in lainat nadingin thum uh a, mihaupa in kamkhauhin a dawng hi.

James 2:6

Ahi hangin note in a zawngte na zahlaksak uh hi. Note hong netum mihaute hi lo uh ahi hiam? Thukhenna mun hong tun amaute hi lo uh ahi hiam?

Matthew 18:25

A sum bat pia zo lo ahi manin a leiba loh nadingin a zi a tate le a neihsa khempeuh zuak dingin a pu in thu a pia hi.

Paunakte 22:22

Zawng tah ci-in mizawngte zawhthawhbawl kei inla, thukhen zum ah a tasamte nopneh kei in.

Paunakte 14:31

Mizawngte a nengcipte, amaute a Bawlpa simmawh hi-a, a tasamte tungah migi peuhmah Pasian pahtawi ahi hi.

James 5:1

No a hau mite aw, tu-in ngai un, no tungah gentheihna hong tung ding ahi manin kap unla kapkap un.

Amos 8:6

mizawngte ngun tawh lei-in, a cimawhte khedap kaih bu khatin lei-a, mangbuh le mangbuh sii zuakkhawm nuam si hang," a cite aw, za un.

Amos 8:4

A cimawhte tuancil a, gam sunga mizawngte sumang a,

Amos 4:1

No Samaria Vum a Bashan bawngpite, mizawngte a nengniam no numeite, a cimawhte a sugawpgawpte aw, hih thu za unla na pasalte uh tungah, "Ka dawn ding khat hong pia un," ci-in gen un.

Isaiah 24:2

mi mawkmawkte le siampite, nasempa le a pu, naucingnu le a pi, a leipa le a zuakpa, a kawmpa le a kawmnapa, a leitawipa le a leitawinapa, a kibang ding hi.

James 5:4

En sin! A thaman na piak loh, na lo uh hong khawhsakte no langah kiko uh hi. An late kikona, a Thahatpen Topa bilah a tung zo hi.

Amos 2:6

Hih in TOPA gen ahi hi: "Israel-te mawhna thumte thamlo lite hangin ka thangpaihna ka dok kik kei ding hi. Amaute in thumaan mite ngun-in zuak uh a, a tasamte khedapkaih bu khatin a zuak uh hi.