Paunakte 17:10 - Zokam International Version

¹⁰ Mihai khat khauteepa za vei sat sangin thu theikak mi khat khatvei taihilh phatuamzaw hi.

LAISIENGTHOU CL Bible (BSI)

¹⁰ Mi mo zakhatvei sat sangin, mipil in khatvei phawhhilna athei siem zaw hi.

Zo Bible

¹⁰ Mimaw khat zavei i sat sangin thu khinkhai thei khat khatvei i phawsietna pen thuh bunzaw hi.

Paunakte 17:10 ပူးပေါင်းရင်းမြစ်များ

Phatna-late 141:5

Thumaan mi a in kei hong sat hen - tua in migitna ahi hi; ama’n kei hong tai hen - tua in ka lutungah sathau ahi hi. Ka lutang in tua nial lo ding hi. Tua hi napi, ka thungetna in siatna bawlte langpan gige hi;

Paunakte 13:1

Tapa pil in a pa lamlahna thusim a, mi simmawhte in ahileh taihilhna a ngai kei uh hi.

Paunakte 15:5

Mihai in a pa sekna nial-a, puahphatna a thusim mi ahileh pilvangna lak ahi hi.

Paunakte 17:11

Migilo in lehdo bek sawm a, hehpihna nei lo ulian khat ama langah kisawl ding hi.

Paunakte 17:9

Khialhna a maisakte itna a khangsak hi-a, khialhna a hih teiteite lawmta khenkhen ahi hi.

Paunakte 19:25

Mi simmawh khat sat le cin, mimawlte in kidop siamna sin ding uh a, thu thei mi khat taihilh le cin, theihna ngah ding hi.

Paunakte 27:22

An suk bangin mihai khat sum ah na suk hangin a haina na kolhsak kei ding hi.

Paunakte 29:19

Kama gen bekin nasem khat kibawlpha thei lo a; a theitel zongin zui tuan lo ding hi.

Kilaakna 3:19

Ka it mite tai-in ka sek hi. Tua ahi ciangin citak inla kisik in.