Paunakte 12:8 - Zokam International Version

⁸ Mi khat a pilna tawh kituakin kiphat a, mi lungsim kawite ahileh kineu-et hi.

LAISIENGTHOU CL Bible (BSI)

⁸ Mi apilna dungzuiin phat in a um dinga, hinanleh lungsim semi pen akimuda ding hi.

Zo Bible

⁸ Mi khat a ngaisut hoina hang tawh ama kigenpha a, lungsim letat mite kisimmaw hi.

Paunakte 12:8 ပူးပေါင်းရင်းမြစ်များ

2 Corinth-te 10:18

Ahang in, amah le amah a kiphatte kuamah in sang lo-a Topa in a phat mi kisang hi.

1 Corinth-te 4:5

Tua ahi ciangin a kisehsa hun a tun matengin bangmah thu na khen kei un; Topa hong pai ding ngak un. Amah in khuamial sunga kiselsimte khuavak ah pusuahkhia dinga, mihing lungtang tupnate a pholakkhia ding hi. Tua hun ciangin mikim in Pasian tung pan phatna a ngah ciat ding uh hi.

Nasepte 12:23

Herod in, Pasian phatna pia lo ahi manin Topa vansawltak khat in, amah sattukin than in ne-a a si hi.

Luke 16:8

"A pu in a simtat nasempa geelsiam mahmah ahi manin a phat hi. Ahang in, khuavak sunga om mite sangin hih leitung mite in amaute kibatpihte tawh kizop zia ah a geelsiam zaw uh hi.

Daniel 12:2

Leitang vui lakah a ihmu mi tampi khanglo ding uh a: pawlkhatte a tawntung nuntakna ah, adangte maizumna le a tawntung kisimmawhna thuakin a tho ding uh hi.

Paunakte 5:23

Amah in a kisek zawhlohnate sihlawh dinga, ama hailuatna in pimang ding hi.

Paunakte 3:35

Mipilte in pahtawina luah uh a, mihaite ahileh kimaizumsak hi.

Paunakte 1:26

kei zong na tuahsiatna uh kong nuihsan lel dinga; vangsiatna in note hong phak ciang -

Phatna-late 132:18

A galte maizumna ka silhsak dinga, ahi hangin ama lutunga lukhu a taang ding hi," ci khin hi.

Piancilna 41:39

Tua ciangin Pharaoh in Joseph kiangah, "Pasian in hihte khempeuh nang hong theihsak nungsang, nang zah a mipil a kician khat beek a om kei hi.

1 Samuel 25:17

Tu-in bang hihsak thei na hi hiam, ngaihsun pha in; bang hang hiam cih leh i pu le a innkuanpih tungah tuahsiatna a tung dinga omsa ahi hi. Amah lah a ngoltol kuama hopih theih loh ahi hi," ci-in a gen hi.

1 Samuel 18:30

Philistia galkap mangte galsim dingin a kuan ngei bangin kuankuan uh a, Saul uliante khempeuh sangin David gualzo e zaw ahi manin, a min kidawk mahmah hi.

1 Samuel 16:18

A nasemte khat in, "Ke’n Bethlehem a Jesse’ tapa harp tum thei khat ka mu hi. Amah ahang galdo siam khat ahi hi. Amah thugen siamin a mel hoih khat ahi hi. Tuateh TOPA in amah a ompih hi," ci-in a dawng hi.

1 Samuel 13:13

Samuel in, "Na haitat khin hi; TOPA na Pasian hong thupiak na zui kei hi; zui lecin Israel tungah na kumpi-gam a kip tawntung ding hi.

Thuhilhna 8:1

Mipilpa tawh kibang kua hiam? Nate ahi bang liana a thei kua ahi hiam? Pilna in mite maitaangsak a, a maipuakzia khengsak hi.

Paunakte 12:7

Migilote kilawnthalin om nawn lo uh a, a thumaante’ inn ahileh a kip bikbek hi.

Paunakte 12:9

Nek ding nei lopi mi lian banga om sangin, kuama phawk khak loh-a nasem neih hoihzaw hi.

Paunakte 29:27

Mi thumaante in zuauthu kih a, migilote in mi thutang kih hi.

Isaiah 19:14

TOPA in amaute tungah lung-apna kha buak a; zukhampa a luak lakah a hoi daidai bangin amaute in a sepnasa khempeuh ah Egypt a hoisak daidai uh hi.

1 Samuel 2:30

"Tua ahi ciangin TOPA, Israel Pasian, in; ‘Nang innkuanpihte le na pa innkuanpihte in ka mai-ah na na sem den ding uh hi,’ cikhia hi. Ahi hangin tu-in TOPA in, ‘Ahi peuhmah kei ding hi! Kei hong pahtawite ka pahtawi dinga, kei hong simmawhte ka neu-et ding hi.