Paunakte 12:5 - Zokam International Version

⁵ A thumaante’ ngimna thutang a, migilote ngaihsut piakna zuaupi ahi hi.

LAISIENGTHOU CL Bible (BSI)

⁵ Midihtat lunggel khu adih a, hinanleh migilou thuhilna pen solna ngen ahi hi.

Zo Bible

⁵ Midihte’ ngaisutna pen thutang ahi hi; migilote’ gelna pen mi solna vive ahi hi.

Paunakte 12:5 ပူးပေါင်းရင်းမြစ်များ

Phatna-late 119:15

Na thusehte ka lungngaingai-a, na lampite ka ngaihsunsun hi.

Phatna-late 139:23

Pasian aw, kei hong pheklek inla, ka lungsim thei in; hong zia-et inla ka lunghimawhnate thei in.

Paunakte 11:23

A thumaante lunggulhna a hoih bekbek suak a, migilote lametna ahileh thangpaihna bek ahi hi.

Paunakte 12:4

A nampi gamtat zi in a pasal’ kumpi lukhu hi-a, a daisak zi ahileh a pasal guhsung muat tawh kibang hi.

Paunakte 12:6

Migilote thugen sisan ngakin bok-a, a thutangte kampau in ahileh amaute hukhia hi.

Paunakte 14:8

A kidawm thei mi’ pilna, ngaihsunsun-a gamtatna hi-a, mihaite haina ahileh khemna ahi hi.

Paunakte 24:9

Hai phuangkhiatna mawhna hi-a mi simmawhpa mite in kih hi.

Isaiah 55:7

Tatsiapa a gamtat nusiasak unla, a gilopa a lungsim kheelsak un; TOPA lamah kiheisak le uh cin amah in lainat dinga, eite Pasian lamah na kiheisak uh leh amah in a mawhna maisak pha mahmah ding hi.

Jeremiah 4:14

Jerusalem aw, na lungsim a gitlohna sawp inla, suakta in. Na gitlohna lungsimte bang tanvei kemcip lai ding na hi hiam?

Jeremiah 9:3

"Amaute in a leii uh thalpeu bangin zuauthu lot nadingin zang uh a, gam sungah a gualzawh b nadingun thutak a zang kei uh hi. Amaute in mawhna khat khit khat bawl uh a, kei hong thei lo uh hi," TOPA in cikhia hi.

Jeremiah 9:5

Lawmpa in a lawmpa khem a, thutak gen khat beek a om kei hi. Amaute in a lei uh zuau gen nadingin sinsak uh a, mawhna bawlbawlin amau le amau kigimsak uh hi.

Matthew 2:16

Mipilte in amah a khem lam a theih ciangin Herod lungham a, Mipilte tung pana a theihsa hun tawh kituakin seh a, Bethlehem le akim apam khuate-a pasalno kum nih le a nuaisiah khempeuh thah dingin thu a pia hi.

Matthew 26:4

Tua ciangin amaute in Jesu mansim a thahlup ding a sawmsim uh hi.

1 Corinth-te 4:5

Tua ahi ciangin a kisehsa hun a tun matengin bangmah thu na khen kei un; Topa hong pai ding ngak un. Amah in khuamial sunga kiselsimte khuavak ah pusuahkhia dinga, mihing lungtang tupnate a pholakkhia ding hi. Tua hun ciangin mikim in Pasian tung pan phatna a ngah ciat ding uh hi.

2 Corinth-te 4:2

Tua sangin a simtham le a zumhuai-a gamtatnate ka tawpsan uh hi. Khem bawlnate zang loin Pasian thu zong ka lehkaih kei uh hi. Tua sangsikin tua thutak teltakin ka pholak uh a, Pasian mitmuh ah mi khempeuh lungsim tawh kituakin ka om zaw uh hi.