Paunakte 1:5 - Zokam International Version

⁵ mipilte in ngai-in a theihna uh behlap henla, a ciimte in mapi-in nei uh hen -

LAISIENGTHOU CL Bible (BSI)

⁵ Mipilten zong tam thu azah ua, atheina uh akibelap na ding leh theisiemna nei mi in, thuhilna piltah anei theina ding ahi.

Zo Bible

⁵ mipilte in zong tami thu za-in a theina uh belap hinlen, thu ngaisut siemna a nga thei nading,

Paunakte 1:5 ပူးပေါင်းရင်းမြစ်များ

2 Khangthute 25:16

Amah a paupau laitakin kumpipa in, "Kumpipa thudot khatin nang hong kikoih khin ahi hiam? Khawl in! Bang hangin hong kisattuk ding hiam?" a ci hi. Tua ciangin kamsangpa khawl a, ahi hangin, "Na hici gamtatna hang le kong genpih na ngaih lohna hangin Pasian in nang siatsak dingin a khensat lam ka thei hi," a ci hi.

Job 34:10

"Tua ahi ciangin no a theitel mite aw na ngai dih un, Pasian le gitlohna kigamla henla, Thahatpenpa le khialhna kigamla ta hen.

Job 34:16

"Theihtel theihna na neih leh hih thu za inla; ka gen bang hiam ngai in.

Job 34:2

"No mipilte aw, ka thugen ngai un; no theihna neite aw, na ngai dih un.

Job 34:34

"Thu theitel mite, ka thugen a za mipilte in kei kiangah,

Paunakte 12:1

Sektatna a it peuhmah theihna it hi a, puahphatna mudahte mihai ahi hi.

Paunakte 14:6

Mi simmawhte in pilna a zon hangin bangmah mu lo a, thu saikak-theite in theihna mu ziau hi.

Paunakte 18:15

Thu theikak mi lungsim in theihna ngah a; mipilte bil in theihna a zongkhia hi.

Paunakte 19:25

Mi simmawh khat sat le cin, mimawlte in kidop siamna sin ding uh a, thu thei mi khat taihilh le cin, theihna ngah ding hi.

Paunakte 21:11

Misimmawh khat dan a kituahsak ciangin, mimawlte in pillawh uh a; mipil khat lam a kilah ciangin theihna a ngah hi.

Paunakte 8:33

Kong lamlahna ngai inla pil in; thusim lo kei in.

Paunakte 9:8

Mi simmawh khat tai kei in, hong mudah ding hi; mipil khat tai lecin hong it ding hi.

Paunakte 9:9

Mipil khat lamlak lecin pil semsem dinga; thumaan mi khat hilh lecin a theihna behlap ding hi.

Thuhilhna 9:11

Sunni nuai-ah adang pawlkhat ka mu lai hi: Tai kidemna ah a manlangte in zo kim lo a, a thahatte in gal zo kim loin tua mah bangin a pilte in an kham kim lo uh a, a teite hau kim loin lai siamte a ki-angvan kim kei hi; ahi hangin, amaute khempeuh tungah ahunlem hunin a tung kim hi.

1 Corinth-te 10:15

Thu ngaihsun thei mite kianga thugen ka hi hi. Ka thugente nomau mahmah adingin na khentel un.

Thupiakkikna 4:6

Hih in minamte tungah pilna le theihtelna hong lak dinga, hih thukip a za khempeuh in, "Hih minam liante a pil le a theitel mi taktak ahi hi," hong cih nadingun limtakin zui un.