Nehemiah 9:6 - Zokam International Version

⁶ Nang bek TOPA na hi hi. Nang in vante, a sangpen vante nangawn le aksi honpite, leitung le a tunga om khempeuh, tuipi le a sunga om khempeuh, na bawl hi. Na khempeuh na nungtasak a, vanmi honpite in nang hong bia uh hi.

LAISIENGTHOU CL Bible (BSI)

⁶ Tualeh Ezra in, “Nangma bou Mangpa na hia, nangman vante van leh asunga um zousiete, lei leh leitunga um zousiete, tualeh tuipi leh asunga um zousiete na siem a, amaute zousie kungah hinna na pie a, van a um zousieten nangma ahing bie uhi.

Zo Bible

⁶ Tuale Ezra in,“Nang beh Topa na hi hi; nang in a sang pen vantung le vantungte-a om zosie, leitung le a tunga a om zosie, tuipi le a sunga a om zosie na siem hi. Nang in tua teng zosie tungah hinna na pie a, van mihonpite in nang ang bie uhi.

Nehemiah 9:6 ပူးပေါင်းရင်းမြစ်များ

Piancilna 1:1

A kipatcilin Pasian in van le lei piangsak hi.

Piancilna 1:9

Tua khit ciangin Pasian in, "Van nuai-a tuite mun khatah kikhawmin leikeu kidawk hen," ci hi. A cih bangin ompah hi.

Piancilna 2:1

Tua bangin vante le leitung - na khempeuh a vekpi-in kimansiang dimdem hi.

Piancilna 32:2

Jacob in amaute a muh ciangin, "Hih Pasian’ giahphual ahi hi!" a ci hi. Tua ahi ciangin tua mun Mahanaim d min phuak hi.

1 Kumpite 22:19

Micaiah in, "Tua ahi ciangin TOPA thugen za un: TOPA a kumpi tokhom tungah tu a, ama mihonpite khempeuh a taklam le a veilam a kimkotah a ding ka mu hi.

1 Kumpite 8:27

Ahi hangin leitungah Pasian teng takpi ding ahi hiam? Vante, a sangpen van nangawn ah nang na ta zo kei hi. Hih ka lamsa biakinnpi neuzaw lua mahmah hi lo hiam!

2 Kumpite 19:15

Tua ciangin Hezekiah in TOPA tungah thu ngen a: "Israel Pasian, cherub-te gel kikal a tokhom tunga tu TOPA aw, leitunga kumpi gam khempeuh tungah nang bek Pasian na hi hi. Leitung le vantung na bawlsa ahi hi.

2 Kumpite 19:19

Tu-in TOPA kote Pasian aw, leitunga kumpigam khempeuh in nang bek Pasian na hilam a theih nadingun TOPA aw ama khut panin kote hong hukhia in," a ci hi.

Nehemiah 9:5

Tuateh Levi-te - Jeshua, Kadmiel, Bani, Hashabneiah, Sherebiah, Hodiah, Shebaniah le Pethahiah - hihte in, "Ding unla tawntung pana tawntungpa bTOPA note Pasian phat un: "A minthang nangma min thupha kipia henla thupha khempeuh le phatna khempeuh tungah kitawisang ta hen.

Phatna-late 102:25

A tungin leitung bulpi na phut a vante na khuta na bawlsa ahi hi.

Phatna-late 103:21

No ama vantung mihonpite, ama deih bang a sem nasemte khempeuh aw, TOPA phat un.

Phatna-late 115:15

Leitung le vantung a Bawlpa, TOPA in note thupha hong pia hen.

Phatna-late 124:8

Eite huhna ahileh lei le van Bawlpa, TOPA min ah a om hi.

Phatna-late 146:6

Amah leitung le vantung, tuipi le a sunga om peuhmah a Bawlpa - tua TOPA a tawntungin muanhuai den hi.

Phatna-late 24:10

Hih minthang Kumpipa amah kua ahi hiam? A Thahatpen TOPA - amah minthang Kumpipa ahi hi.

Phatna-late 33:6

TOPA thu-in vante kibawl-a - amau aksi honpite ama huusan tawh kibawl ahi hi.

Phatna-late 36:6

Nangma thumaanna, a kho muallianpite tawh kibang a, na thutangna tui thukpi tawh kibang hi. TOPA aw, nang in mihing le ganhing na kem tuak hi.

Phatna-late 86:10

Ahang in nang lianin a piandang nate na bawl a; nang bek Pasian na hi hi.

Isaiah 37:16

"Thahatpen Cherub-te kikala tu TOPA Israel Pasian aw, leitung kumpi gam khempeuh tungah nang bek Pasian na hi hi. Leitung le vantung na bawl khin hi.

Isaiah 37:20

TOPA kote Pasian aw, tu-in leitunga kumpi-gam khempeuh in TOPA aw, nang bek Pasian b na hilam a theih nadingun ama khut panin hong hukhia in," a ci hi.

Isaiah 43:10

"Note ka teci na hi uh hi," TOPA in cikhia a, "kei in amah ka hilam thei-in um a nong theihtel nadingun kong teelsa ka nasempa na hi hi. Kei om ma-in Pasian kibawl lo a, kei om khitin zong khat beek a om tuan kei hi.

Isaiah 44:6

TOPA cih hih ahi hi - Israel-te Kumpipa le Tanpa, Thahatpen TOPA in: Keimah a masapen le keimah a nunungpen ka hi hi; Keimah longal Pasian dang a om kei hi.

Isaiah 44:8

Ling kei un, kihta kei un. Hih thu sawtpi-in genkhol khin hi lo ka hi hiam? Note ka teci na hi uh hi. Kei lo Pasian dang om ahi hiam? Om lo hi, Suangpi dang a om kei hi; khat beek ka thei kei hi,"

Isaiah 45:12

Leitung a piangsakpa keimah ka hi a, a tunga mihing a piangsakpa keimah ka hi hi. Keima khutin vantungte ka zalkhia a, amau aksi honpite ka gual hi.

Jeremiah 32:17

"O, Thupipen TOPA, na khut zanin na vanglianpi tawh leitung le vantung na bawl khin hi. Nang adingin bangmah a haksa lua kei hi.

Ezekiel 20:11

Keimah in ka thukipte amaute ka pia a, ka thukhamte ka theisak hi; ahang in, tuate a zuite in nuntakpih ding uh hi.

Jonah 1:9

Amah in, "Kei Hebrew mi ka hi a, tuipi le leitung a bawlpa vana Pasian TOPA ka bia hi," ci-in dawng hi.

John 10:30

Kei le ka pa, khat ka hi uh hi," ci-in a dawng hi.

Nasepte 4:24

Amaute in hih thu a zak uh ciangin a aw uh sangsakin Pasian kiangah thu a ngen khawm uh hi. Amaute in, "Thuneipipen Topa aw, vantung, leitung, tuipite le a sunga omte khempeuh na bawlsa ahi hi.

Thupiakkikna 10:14

Vante le a sang pen vante nangawn, leitung le a sunga omte khempeuh TOPA note Pasian aa ahi hi.

Thupiakkikna 32:39

"Tu-in en un, keimah in Amah ka hi hi! kei longal Pasian dang a om kei hi. Ka that-a, ka nungtasak hi, ka liamsaka, ka damsak ding hi; ka khut panin kuamah in a hukhia thei kei hi.

Thupiakkikna 6:4

Israel aw za in: TOPA eite Pasian, TOPA in khat b ahi hi.

Hebrews 1:3

Tua Tapa in Pasian ahina taktak a kilatkhiatna le a minthanna tankhiatna hi-a, ama kammal vangliatna tawh na khempeuh a lenkip hi. Mawhnate siansak nading a bawl khit ciangin vantung Thupina taklam ah a tu hi.

Hebrews 1:6

Tua banah, Pasian in a ta masa pen leitungah hong paisak ciangin amah in, "Pasian vansawltakte khempeuh in amah bia uh hen," d ci hi.

Kilaakna 14:7

Amah in, "Ama thukhen ding hun hong tung zo ahi manin Pasian kihta unla, amah minthanna pia ta un. Vantungte, leitung, tuipi le tuinakte a bawlpa amah bia un," ci-in aw ngaihtakin a gen hi.

Kilaakna 4:11

"Kote Topa le Pasian aw, nangin na khempeuh na piangsak-a nangma deih bangin amaute kipiangsakin nungta uh ahi manin, minthanna, pahtawina le vangliatnate a ngah dingin na kilawm hi," a ci uh hi.