Nehemiah 9:29 - Zokam International Version

²⁹ "Na thukham lama a kihei nadingun na vauhilh hangin kiphasak lua uh a, na thupiak a mang kei uh hi. Mi khat in a zuih leh a nungtasak thei na ngeinakipte tungah a mawh uh hi. Phengphi in nang hong nungngatsan uh a, ngawngkhauhin na thu a ngai kei uh hi.

LAISIENGTHOU CL Bible (BSI)

²⁹ Na dan lam a amauh na puilut kia theina dingin adihlouna uh na theisah hi. Hinapiin kisathei tahin agamta ua, na thupiehte azui sih ua, hinanleh na vaihawmnate kalin akhiel ua, tuate mi’n azui leh, hing ding ahi bou hi. Tualeh aliengkou uh asawisah ua, angawng uh avaipuoh ua, aza nuom sih uhi.

Zo Bible

²⁹ Tuale na thukham lamah amate ang kinuale thei nadingun thu na hil hi. Hinanle kiphasah tahin amate a gamta vua, na thupiehnate mang loin a zui mi khat a nungtasah thei ahi nangma’ ngaina kipte tungah a khiel zawsop uhi. Amate lungkhauhin a liengko a lehei vua, a ngawng uh vaipuohin thu a mang sih uhi.

Nehemiah 9:29 ပူးပေါင်းရင်းမြစ်များ

2 Kumpite 17:13

TOPA in ama kamsangte le thumute khempeuh tungtawnin Israel le Judah vauhilh a: "Na gitlohnate panun kikhel un. Na pate un aman dingin ka piak thukham khempeuh tawh kituakin a man ding uh le ka nasem kamsangte tungtawnin no tungah kong theihsak ka thupiakte le ka thukipte zui un," a ci hi.

2 Kumpite 17:14

Ahi hangin amaute in thu ngai lo uh a, TOPA amaute Pasian a muang lo a pate uh bangin ngawng khauh uh hi.

2 Khangthute 24:19

TOPA in ama kiang a tun kik dingin in kamsangte sawlin amaute langah teci a pan uh hangin a ngai nuam kei uh hi.

2 Khangthute 33:10

TOPA in Manasseh le a mite hopih napi amaute in a thudon kei uh hi.

2 Khangthute 36:15

TOPA a pate uh Pasian in ama mite le a tenna mun tungah hehpihna nei ahi manin a kamtaite tungtawnin amaute tungah thu a khak kikkik hi.

Nehemiah 13:15

Tua hun laite in Judah gam ah, Sabbath ni-in lenggah cilna ah lenggah a cil, lenggahzu, lenggah, theigah le van nam khempeuh laate suana van nawn mi ka mu hi. Amaute in Sabbath ni-in hihte khempeuh Jerusalem ah a puak uh hi. Tua ahi ciangin tua ni-a an a zuak uh ka vauhilh hi.

Nehemiah 9:10

Egypt-te in amaute a bawlsiat zia uh ciantakin thei na hi manin Pharaoh tung, a uliante le a gam mite khempeuh tungah a piandang le a lamdang limte na bawl hi. Tuni donga om lai min khat nang le nang na phuah hi.

Nehemiah 9:16

"Ahi hangin ka pute uh kiphasak lua-in genhak uh a, na thupiakte a mang kei uh hi.

Nehemiah 9:26

"Ahi hangin amaute thumang loin nang hong lehdo uh a; na thukham a nungngatsan uh hi. Amaute nang lama a kihei nadingun a zol, na kamsangte that uh a; a lauhuai mindaisakna a bawl uh hi.

Nehemiah 9:30

Kum tampi tak amaute na thuak keiikai hi. Kamsangte tungtawnin na Kha-in na vauhilh hi. Amaute in thusim lo teitei uh a, tua ciangin amau gamveng mite khutah na pia hi.

Paikhiatna 10:3

Tua ciangin Pharaoh kiangah Moses le Aaron pai uh a ama kiangah, "Hih in TOPA Hebrew-te’ Pasian, gen ahi hi: ‘Ka mai-ah kiniamkhiat ding bangtan vei nial lai ding na hi hiam? Kei hong bia dingin ka mite paisak in.

Jeremiah 17:23

Amaute in ahileh ngai loin thusim lo uh a, ngawngkhauhin ka thu ngai loin, zuih zong a sawm tuan kei uh hi.

Jeremiah 19:15

‘Hih in Israel Pasian Thahatpen TOPA gen ahi hi: ‘Ngai un! Amaute ngawng khauh uh a, ka thugente ngai lo uh ahi manin hih khuapi le a kima om khuaneute tungah amau tungah tunsak dinga ka gensa gimna ka tungsak ta ding hi,’ ci hi," a ci hi.

Jeremiah 42:19

"Judah mi a baanglaite aw, TOPA in, ‘Egypt ah pai kei un,’ hong ci zo hi. Note tuni-in kong vauhilh hi, Hih thu tel un:

Jeremiah 43:2

Hoshaiah tapa Azariah, Kareah tapa Johanan le a kiphasak mipi khempeuh in Jeremiah kiangah, "Zuau gen na hi hi! TOPA kote Pasian in nang, ‘Egypt ah pai-in na teng kei un, a ci dingin hong sawl lo hi.

Jeremiah 44:10

Tuni ciang dong amaute kiniam khiat nuam lo uh a, zong hong zahtak loin note le na pate uh mai-a ka koih ka thukham le ka thukipte a zui kei uh hi.

Jeremiah 7:26

Ahi hangin amaute in ka thu ngai lo uh a, zong hong thusim kei uh hi. Amaute a ngawng uh khauh a, a pute uh sangin a siazaw-in gamta uh hi,’ ci hi.

Ezekiel 20:11

Keimah in ka thukipte amaute ka pia a, ka thukhamte ka theisak hi; ahang in, tuate a zuite in nuntakpih ding uh hi.

Daniel 5:20

Ahi hangin ki-uangsakin, kiphasaka lungkhauh ahi manin a kumpi tokhom panin kikhinkhia a, a minthanna kihawkkhiatsak hi.

Hosea 6:5

Tua ahi ciangin kamsangte zangin kong atnen a, ka muk-a kammalte in kong that hi; ka thukhennate no tungah khuaphia bangin a phia hi.

Siampi Laibu 18:5

Ka thukipte le ka thukhamte zui un; ahang in, tuate a zui mi tuate bangin a nungta ding hi. Keimah TOPA ka hi hi.

Matthew 19:17

Jesu in, "A hoih thu bang hangin kei hong dong na hi hiam? Mi hoih Khat bek a om hi. Nuntakna na ngah nop leh thupiakte zui in," a ci hi.

Luke 10:28

Jesu in, "Mantakin nong dawng hi. Tua bangin zui lecin na nungta ding hi," a ci hi.

Rome-te 10:5

Moses in thukham hanga kingah thumaanna a genna ah: "Hih nate a sem mi in hihte hangin a nungta ding hi." f ci hi.

Galatia-te 3:12

Upna tungah thukham kibulphuh lo hi; tua tawh kilehbulh in, "Tuate a hih mi, tuate hang mahin a nungta ding hi." i

Thupiakkikna 31:21

Amaute tungah vangsiatnate le haksatnate tampi a tun ciangin amau suante in hih la mangngilh nai lo ding uh ahi manin amaute langkhatah teci hi ding hi. Keimah in amaute tungah kiciama ka piak nading gamah ka puak ma nangawnin a sep dingun a sawm kholhsa uh ka thei hi," a ci hi.

Thupiakkikna 31:27

Note na ngawng khauh lam uh le na lehdo theih lam uh kong thei hi. Ka nuntak lai no tawh ka om khawm lai nangawnin TOPA langah lehdo na hi uh leh ka sih khit ciangin na lehdo zawsan ding uh hi!

Thupiakkikna 4:26

Jordan kantan a na lak ding uh gamah na mangthang pah ding uh hi, cih note langah ka teci dingin van le lei tuni-in ka sam hi. Tua lai-ah sawtvei teng loin hong kisusia taktak ding uh hi.

Thukhente 6:10

Keimah in no tungah, ‘Keimah TOPA note Pasian, ka hi hi; amaute gama na tenna uh Amor-te pasiante bia kei un,’ kong ci hi. Ahi hangin ka thu na ngai kei uh hi," a ci hi.