Nehemiah 9:16 - Zokam International Version

¹⁶ "Ahi hangin ka pute uh kiphasak lua-in genhak uh a, na thupiakte a mang kei uh hi.

LAISIENGTHOU CL Bible (BSI)

¹⁶ “Hinanleh ama u’leh ka pu leh pate un, kisatheitah leh ngawng vaipuohin agamta ua, na thupiehte azui sih uhi.

Zo Bible

¹⁶ “Ahi vangin amate le ka pu ka pate kihisahin a ngawngkhauh vua, na thupiehnate a mang sih uhi;

Nehemiah 9:16 ပူးပေါင်းရင်းမြစ်များ

Nehemiah 9:29

"Na thukham lama a kihei nadingun na vauhilh hangin kiphasak lua uh a, na thupiak a mang kei uh hi. Mi khat in a zuih leh a nungtasak thei na ngeinakipte tungah a mawh uh hi. Phengphi in nang hong nungngatsan uh a, ngawngkhauhin na thu a ngai kei uh hi.

Hebrews 3:15

Amah in, "Tu ni-in ama aw na zak uh leh, na lehdo lai bangun na lungsim uh khauhsak kei un," a na ci khin phet hi.

Rome-te 2:5

Ahi hangin na lungkhauhna le na kisik theihlohna lungtang hangin Pasian thukhenna maan a kilaak hun ahi Pasian’ thangpaihna ni adingin nang le nang tungah thangpaihna a khol na hi hi.

Nehemiah 9:10

Egypt-te in amaute a bawlsiat zia uh ciantakin thei na hi manin Pharaoh tung, a uliante le a gam mite khempeuh tungah a piandang le a lamdang limte na bawl hi. Tuni donga om lai min khat nang le nang na phuah hi.

Thupiakkikna 31:27

Note na ngawng khauh lam uh le na lehdo theih lam uh kong thei hi. Ka nuntak lai no tawh ka om khawm lai nangawnin TOPA langah lehdo na hi uh leh ka sih khit ciangin na lehdo zawsan ding uh hi!

Hebrews 3:13

Ahi hangin tuni a kici sungin mawhna’ khemhatna hangin kuamah in a lungsim a khauhsak loh nadingin nisimin khat le khat na kihan thawn un.

Nasepte 7:51

"No a genhak mite, lungtang le bil vun-at lohte! Na pate uh tawh na kibang tektek uh hi. Note in Khasiangtho na nang ngitnget uh hi!

Jeremiah 19:15

‘Hih in Israel Pasian Thahatpen TOPA gen ahi hi: ‘Ngai un! Amaute ngawng khauh uh a, ka thugente ngai lo uh ahi manin hih khuapi le a kima om khuaneute tungah amau tungah tunsak dinga ka gensa gimna ka tungsak ta ding hi,’ ci hi," a ci hi.

Jeremiah 2:31

"Tu khanghun a note aw, TOPA thu ngaihsun dih un: "Israel tungah sehnel-gam suak ngei a, khuamial mahmah gam suak ngei ka hi hiam? Bang hangin ka mite in, ‘Ka ututun ka vak thei uh hi. Nang kiangah hong pai nawn kei nung,’ ci uh ahi hiam?

Isaiah 63:10

Tua hi napi amaute in lehdo uh a, ama Khasiangtho a dahsak uh hi. Tua ciangin amah kihei-in amaute gal suak a, amah mah in amaute a do hi.

Isaiah 48:18

Ka thupiakte na thusim nak leh na lungmuanna gunpi bang dinga na thumaanna tuipihual a bang ding hi.

Isaiah 48:4

Ahang in, note na lungkhauh lam uh, na ngawng thagui uh sik ahilam, na taltang uh sumngo ahilam ka thei hi.

Paunakte 29:1

Tamveipi taihilh khita lungkhauh teiteite thakhatin kisia ding uh a - a kibawl thei nawn kei ding uh hi.

Phatna-late 106:6

Ka pate uh mawhnate nangawnin ka mawh uh a; kote khialin ka gitloh gamtat khin uh hi.

Phatna-late 81:8

"Ka mite aw, za un, kong vauhilh ding hi - Israel aw, ka thu hong ngai hoh lecin!

2 Khangthute 36:13

Amah Pasian mina a kiciamsak Nebuchadnezzar zong a lehdo hi. Amah ngawngkhauh a lungtang khauhsakin TOPA, Israel Pasian lamah a kihei nuam kei hi.

2 Khangthute 30:8

Na pate uh bangin ngawngkhauh kei un; TOPA tungah kipumpiak un. Amah in a tawntung adingin a apsa munsiangtho hong zuan un. Note panin a hehluatna a kiheimang theih nadingin TOPA note Pasian na sem un.

2 Kumpite 17:14

Ahi hangin amaute in thu ngai lo uh a, TOPA amaute Pasian a muang lo a pate uh bangin ngawng khauh uh hi.

Thupiakkikna 32:15

Jeshurun d hong thau ta in hong lehpeek ta a, an hau in, gik lihliahin a mam pingpeng hi. Amah a bawlpa Pasian nusia-in, ama Honpa Suangpi a nial hi.

Thupiakkikna 9:27

Nangma nasem Abraham, Isaac le Jacob-te phawk in. Hih mite lungsim khauhna, a gitlohna uh le a mawhna uh awlmawh kei in.

Thupiakkikna 9:13

Tuateh TOPA in kei kiangah, "Hih mite a ngawngkhauh mi ahi takpi lam ka mu khin hi!

Thupiakkikna 9:6

Tua ahi ciangin theitel un, note thumaanna hangin TOPA note Pasian in na neih dingun hih gam hoih hong pia hi lo hi ahang in, note ngawngkhauh mite na hi uh hi.

Thupiakkikna 5:29

Amaute le a tate uh adingin a hoih den theih nadingin hong kihta dingin a lungsim uh kei tungah hong kinga uh henla ka thupiakte zui den le uh ka deih hi.

Paikhiatna 32:9

"TOPA in Moses tungah, "Hih mipite ka mu zo hi; amaute ngawng khauh mite ahi uh hi.

Paikhiatna 15:26

Amah in, "Note in na Pasian uh TOPA aw limtakin ngai a, ama muhna ah thumaanin na na sep uh leh, a thupiakte thupi sima, a thukipte khempeuh na zuih uh leh keimah in note hong damsak TOPA ka hi manin Egypt-te tunga ka tunsak cinatnate no tungah kong tungsak kei ding hi," a ci hi.

Jeremiah 7:26

Ahi hangin amaute in ka thu ngai lo uh a, zong hong thusim kei uh hi. Amaute a ngawng uh khauh a, a pute uh sangin a siazaw-in gamta uh hi,’ ci hi.

Ezekiel 5:6

Tua hi napi a kima mi namdangte le gamdangte sangin gilo zaw uh a ka thukhamte le ka thukipte a lehdo zaw uh hi.

2 Khangthute 29:6

I pate a muanhuai kei uh hi; amaute in TOPA eite Pasian muhna ah a sia-in gamta uh a, amah a nusia uh hi. Amaute in TOPA tenna mun lehngatsan uh a, amah a nungngat uh hi.