Nehemiah 9:1 - Zokam International Version

¹ Tua kha mah a ni sawmnih le lina ni-in Israel-te khempeuh kikhawm uh a, an tangin, ippi puan silhin a lutunguah leivui a kibuak uh hi.

LAISIENGTHOU CL Bible (BSI)

¹ Tami ha, ni sawmni leh ni li niin, Israel mipite ann ngawl leh sai ip puon silin leh alu tung ua leivui kibuoh khum in ahing kikhawm uhi.

Zo Bible

¹ Tua hla ni sawmni le ni li ni-in Israel mite in antangin la-ip puon silin a kikhawm vua, a lu tung vuah leivui a kibuoh uhi.

Nehemiah 9:1 ပူးပေါင်းရင်းမြစ်များ

2 Samuel 1:2

A ni thum ni-in Saul giahphual panin mi khat tunga a puan kikekin a lutungah leivui a baang hi. David kiang a tun ciangin a zahtakna-in lei-ah a puksuk hi.

2 Khangthute 20:3

Jehoshaphat patau a TOPA dot ding khensatin Judah khempeuh antan ding a tangko hi.

2 Khangthute 7:10

A kha sagihna a ni sawmnih le thumna ni-in TOPA in David le Solomon le ama mi Israel tungah a hoih a bawlnate hangin lungnuamtak le kipaksa in amaute inn ah a ciahsak hi.

Ezra 8:21

Tua mun Ahava Hawkguam gei-ah kote Pasian mai-ah ko le ko ka kiniamkhiat theih nading uh le kote le ka tate uh ka neihsa khempeuh uh tawh bittaka khual ka zin theih nading uh nget nadingin antan ding ka tangko hi.

Ezra 8:23

Tua ciangin an tangin kote Pasian tungah hih thu ka ngen uh a, amah in kote thungetna hong dawng hi.

Nehemiah 8:2

Tua ciangin a kha sagihna a ni masa pen ni-a kipan numei pasal, a thei dinga kilawm khempeuh theih dinga kibawl Thukham, siampi Ezra in mipite mai-ah a paipih hi.

Esther 4:16

"Pai inla, Susa sunga om Jew-te khempeuh kaikhawmin kei adingin an na tang un. Sun taleh zan taleh ni thum sung an ne tui dawn na om kei un. No mah bangin kei le ka nasem numeite in zong ka na tang ding uh hi. Hih banga i hih khit ciangin upadi tawh a kituak kei kha zongin ka sih le ka sih kumpipa kiangah ka va pai ding hi," ci-in a thuk kikna Mordecai a khak hi.

Esther 4:3

Kumpipa thupiakna lai a tunna gam peuhpeuh ah Jew-te lakah nakpi-a thumna le an tanga kahna le tauna a om hi. Mi tampi in puanhampi silhin vut a khu uh hi.

Job 2:12

Amah a galmuh uh ciangin a thei lai mialmial uh hi; amaute kapkhia pah lualua uh a, a puantual uh balkekin a lutunguah leivui a kitheh uh hi.

Isaiah 22:12

Tua ni ciangin Topa, Thahatpen TOPA in ippi puan silhin sam botkhia-a a kap dingin hong sam ding hi.

Joel 2:12

Tu nangawnin TOPA in, ‘Lungsimtakpi-in kisik unla, an tangin kap unla thumin kei hong zuan kik un,’ cikhia hi.

Siampi Laibu 23:34

"Israel-te tungah: ‘A kha sagihna a ni sawm le ngana ni-in TOPA Biakbuk Pawi kipan-a, ni sagih sung ahi hi.

Siampi Laibu 23:39

"‘Tua ahi ciangin a kha sagihna, a ni sawm le ngana ni-in kipan unla gam sunga ante na khop khit uh ciangin ni sagih sung TOPA tungah tua pawi bawl un; a ni masa ni khawl ni khat hi-a, a ni giat ni zong khawl ni khat mah ahi hi.

Joshua 7:6

Tua ciangin Joshua in a puansilh balkek a, TOPA’ singkuangpi mai lei lakah khupbawhin nitak dong a om hi. Israel upate zong tuaci om uh a, a lutung uah leivui a theh uh hi.

Kilaakna 11:3

Ka teci nihte vangliatna ka pia dinga, amaute in ippi puan silhin, ni 1,260 sung gen kholhna a gen ding uh hi," ci-in hong kigen hi.

Thukhente 20:26

Tua ciangin Israel-te a vekpi un Bethel ah paito uh a, TOPA mai-ah tu-in a kap uh hi. Amaute in tua ni nitak dong an tang uh a, TOPA tungah haltum-a biaknate le kilawmtakna biaknate b a pia uh hi.

1 Samuel 4:12

Tua ni mah in Benjamin-te khat gal mai pan tai-in Shiloh ah pai-a a puansilhte kekgawp-in a lutungah leivui a baang hi.

1 Samuel 7:6

Mizpah ah amaute a kikhop khit uh ciangin tui tawi uh a TOPA mai-ah a sung uh hi. Tua ni-in amaute in an tang uh a, kipulaakin, "TOPA tungah ka mawh zo uh hi," a ci uh hi. Tuateh Mizpah ah Israel makai-in a Samuel a om hi.