Nehemiah 8:1 - Zokam International Version

¹ Tui Kongpi mai-a tual-awng ah mi khat bangin mi khempeuh a kikhawm uh hi. Amaute in Israel-te adingin TOPA thupiaksa omna Moses Thukham Laibu a lakkhiat nadingin Ezra tungah a gen uh hi.

LAISIENGTHOU CL Bible (BSI)

¹ Mipi zousie mi khat bang mai a kithutuohin Tui kotpi mai a mun awng ah akikhawm ua, laigielpa Ezra kungah, Mangpa’n Israelte kungah athupieh Mosi dan laibu hing tawi dingin ahil uhi.

Zo Bible

¹ mi zosie Tui Tunkot mai tuolpi-ah a kisutuo uhi. Topa in Israel tunga a pieh Moses thukham laibu ang tawi nadingin amate in laithei pa Ezra kungah a gen uhi.

Nehemiah 8:1 ပူးပေါင်းရင်းမြစ်များ

Ezra 7:6

hih Ezra pen Babylon pana paito ahi hi. Amah, TOPA Israel Pasian in a piaksa Moses Thukham a thei mahmah sia khat ahi hi. TOPA ama Pasian khut in amah ompih ahi manin a nget khempeuh kumpipa in a pia hi.

Nehemiah 3:26

le Ophel mualneu tunga teng biakinnpi-a nasemte in nisuahna lam manawhin Tui Kongpi gal santak dong le tausang dawk a puahpha uh hi.

2 Khangthute 34:15

Hilkiah in thuvanpipa Shaphan tungah, "TOPA biakinnpi sungah Thukham Laibu ka mu hi," a ci hi. Amah in Shaphan a pia hi.

Ezra 7:11

Israel-te adingin TOPA thupiakte le thukipte tawh kisai a, laisiampa siampi Ezra - siapa tungah Kumpi Artaxerxes in a laikhak hih ahi hi:

Matthew 23:34

Tua ahi ciangin note kiangah kamsangte, mipilte le siate kong sawl hi. Amaute pawlkhat thatin, pawlkhatte na kilhcip ding uh hi. Adangte synagogue-te sungah na sat ding uh a, khuapi khat pan khuapi khatah na delh kawi kawi ding uh hi.

Matthew 23:13

"No kineihsiam thukham siate le Pharisee-te, gimna nak thuak na nu cia! Note in mite mai ah vantung gam kongkhak na khak uh hi. No lah lut loin a lut nuamte lah na lutsak kei uh hi. b

Matthew 23:2

"Moses tutphahah thukham siate le Pharisee-te a tu uh hi.

Matthew 13:52

Amah in amaute kiangah, "Tua ahi ciangin vantung gam thu tawh kisai-a lam a kilaksa thukham siate khempeuh, ama sumkholna pana a gou a lui le a thak a pusuahkhia inn neipa tawh kibang hi," a ci hi.

Malachi 4:4

"Ka nasempa Moses thukham, Israel-te khempeuh adinga Horeb a amah ka piak ka thukipte le ka thukhamte phawk un.

Isaiah 8:20

Thukham le tecipannate bek ngai un. Amaute in hih kammalte tawh kizui-in a pau kei uh leh amau adingin phalvak khuavak a nei lo suak uh hi.

Nehemiah 12:37

Tuikhuk Kongpi panin kulh-a kahtohna David khuapi kahlei zui to uh a, David inn khengin nisuahna lama Tui Kongpi lam manawhin a pai uh hi.

Nehemiah 8:16

Tua ciangin mite kuankhia uh a, singhiangte pua-in amau innkhum tung, amau inntual tung, Tui Kongpi tual-awng tung le Ephraim Kongpi gei-ah sawlbuk a lam ciat uh hi.

Thukhente 20:8

Mi khempeuh khekhatkhai bangin ding zuah uh a, "Kuamah inn ah i ciah kik kei ding hi. Khat beek inn ah a ciah i om peuhmah kei ding hi.

Thukhente 20:1

Tua ciangin Dan pan Beersheba dong le Gilead gam panin Israel-te kuankhia uh a, khekhatkhai bangin Mizpah a TOPA mai-ah a kikhawm uh hi.

2 Khangthute 34:30

TOPA biakinnpi ah amah tawh Judah mite, Jerusalem a mite, siampite le Levi-te - aneupen pan alianpen dong mi khempeuh a paikhawm uh hi. Amah in TOPA biakinnpi sunga kimu Thukhun Laibu sunga thute khempeuh amaute zakin a sim hi.

Ezra 7:10

Ahang in, TOPA Thukham sin ding, tang ding, ama thukipte le thukhamte Israel-te laka hilh dingin amah a kipia khin zo hi.

Nehemiah 8:3

Tui Kongpi mai tual-awnga om numei pasal le adang a thei dingte omna maingatin khuavak tunga kipan sun dong nakpipi in a sim hi. Mite khempeuh in Thukham Laibu-a thu limtakin a ngai uh hi.

Siampi Laibu 9:5

Amaute in Kikhopna Puanbuk mai-ah Moses thupiak tua nate la uh a, a kiangah mipi buppi pai-in TOPA mai-ah a ding uh hi.

Thupiakkikna 31:11

ama teel nading mun TOPA note Pasian mai-ah Israel khempeuh a kilah hun ciangin amaute mai-ah amaute zakin hih thukham na sim ding uh hi.

2 Kumpite 23:2

Amah Judah mite tawh, Jerusalem mite tawh, siampite le kamsangte - aneu pen pan alian pen dong tawh TOPA biakinnpi ah a paito khawm hi. Amah in TOPA biakinnpi sunga kimu Thukhun Laibu sunga thute khempeuh amaute zakin a sim hi.

Ezra 7:1

Hih teng khit ciang Persia kumpipa Artaxerxes in a uk laitakin Seraiah tapa Ezra, Azariah tapa Seraiah, Hilkiah tapa Azariah,

Nehemiah 12:26

Amaute in Jozadak’ tapa, Jeshua tapa, Joiakim hun sung le ukpipa Nehemiah le laithei siampi Ezra hun sungin na a sem uh hi.