Nehemiah 2:20 - Zokam International Version

²⁰ Amaute ka dawnna-in, "Vantung Pasian in kote hong zosak ding hi. Ama nasem kote in a cian kik ka kipan ding uh hi; no na hi uh leh Jerusalem ah tanh na nei kei uh a, gam thukhun lampan ahi-a, tangthu lampan ahi zongin thuneihna na nei kei uh hi," ka ci hi.

LAISIENGTHOU CL Bible (BSI)

²⁰ Tuachi’n Ken amauh ka dawnga, “Van Pasian in koute ahing lawching sah ding hi, tuaziehin ama suoh koute, ka kipanta ding ua, ka lam ding uhi, hinanleh noute’n Jerusalem ah tanvou ahiei, thuneina ahiei, nou a na chi thei ding u’zong na nei sih uhi,” ka chi hi.

Zo Bible

²⁰ Tua ciengin keima in amate kungah, “Lawcinna ei guon ding pen vantung Pasien ahi a, tuale ko ama’ nasemte in nasep ka kipan ta ding uhi; hinanle note in Jerusalem ah tanh ahi a, nget ding ahi a, tangthu lam panin ahi zongin nga ding hamphatna bangma na nei sih uhi,” ci-in ka dawngkia hi.

Nehemiah 2:20 ပူးပေါင်းရင်းမြစ်များ

2 Khangthute 26:5

Ama tungah Pasian kihtak d ding lam a lakpa Zechariah nuntak sung teng Pasian a zong hi. TOPA a zon laiteng Pasian in a lawhcingsak hi.

Ezra 4:3

Ahi hangin Zerubbabel, Jeshua le adang Israel innkuan lutangte khempeuh in, "Kote Pasian biakinnpi lamna ah nong kihel kei ding uh hi. Tua ah Persia kumpipa Cyrus hong thupiak bangin TOPA Israel-te Pasian ading ko guakin ka lam ding uh hi," ci-in a dawng uh hi.

Nehemiah 1:4

Hihte ka zak ciangin tusukin ka kap hi. Ni bangzah hiam khat vantung Pasian mai-ah an tangin thu ka ngen hi.

Nehemiah 2:4

Kumpipa in, "Na deih bang ahi hiam?" hong ci hi. Tua ciangin vantung Pasian kiangah thu ka ngen a,

Esther 4:11

"Kumpipa nasemte khempeuh le kumpi-gam sunga mite kuama sap lohin kumpi huang sungah a va pai leh: kumpipa in upadi khat nei a, tua banga a va paite thah ding ahi hi. A tangkai diaka kumpipa in a kham ciangkhut ama lamah a na khak leh amah a kithat kei ding hi, cih thu a theihsa uh ahi hi. Ahi hangin kei hong kisap loh ni sawmthum pha ta hi," a ci hi.

Phatna-late 102:17

Amah in a hawmsuakte thungetna dawng dinga; amaute thumna a simmawh kei ding hi.

Phatna-late 122:6

Jerusalem lungmuan nadingin thu ngen unla: "Nang hong itte galmuang uh hen.

Phatna-late 20:5

Na gualzawh ciangin lung nuamin ka kiko ding uh a, kote Pasian minin ka dialkhaite uh ka laamto ding uh hi. TOPA in na nget khempeuh hong pia ta hen.

Phatna-late 35:27

Kei diktanna ah nuam a sate nuamin kipakin awng uh hen, amaute in a tawntungin, "A nasempa hoihna ah nuam a sa TOPA kitawisang hen," ci uh hen.

Phatna-late 51:18

Nangma hoihsakzia-in Zion daupaisak inla; Jerusalem kulhte lam in.

Paikhiatna 28:29

"Mun Siangtho ah Aaron a lut peuhpeuh ciangin TOPA mai-ah phawkdenna ahi, thukhensatna awmtuam tunga Israel’ tapate’ minte a lungtang tungsan takah a pua ding hi.

Thuhilhna 7:18

A khat lencipin a khat pen zong khah tuan loh ding hoih hi. Pasian a kihta peuhmah in a uanglua khempeuh pel uh hi. a

Isaiah 56:5

amaute tungah ka biakinnpi sung le a kawmte tungah tanute le tapate sanga a hoihzaw phawkdenna le minte ka pia ding hi. Amaute tungah a mang nawn lo ding a kip tawntung min ka pia ding hi.

Siampi Laibu 2:2

Aaron tapa siampite kiangah tawi ding hi. Siampipa in annel le sathau gim namtui khempeuh tawh khut dim khat pham khawm dinga, TOPA a lungkimsak mei-a meihal biakna khat phawkna-in biakna-tau tungah a hal ding hi.

Siampi Laibu 24:7

Tua anlumte tanga ding ding le TOPA tungah mei-a hal biakna ahi dingin a gualte tungah phawkna dingin gimnamtui citak koih in.

Zechariah 6:14

Kumpi lukhu pen Heldai, j Tobijah, Jedaiah le Zephaniah tapa Hen k phawkna-in TOPA biakinnpi sungah kipia ding hi.

Misimna 10:10

Na lungnop hun uh - no adinga kisehsa pawite le Kha Thak pawi hunte - meihal biakna, kilawmtakna biakna a hun ciangin zong pengkulte na mut ding uh a, tuate no adingin Pasian mai-ah phawkna khat ahi ding hi. Keimah TOPA note Pasian ka hi hi," a ci hi.

Nasepte 10:31

‘Cornelius aw, Pasian in na thungetna za zo a, mizawngte na piakte ciamteh zo hi.

Nasepte 10:4

Cornelius lau-in amah en gega a, "Topa aw, bang ahi hiam?" ci-in a dong hi. Tua vansawltak in, "Na thungetnate le mizawngte na citpiaknate Pasian mai-ah a kiphawk den biakna dingin hong tungto zo hi.

Nasepte 8:21

Pasian mai-ah na lungtang maan lo ahi manin hih nasepna sungah tanh ahi a, panna ahi zongin na nei kei hi.