Nasepte 8:21 - Zokam International Version

²¹ Pasian mai-ah na lungtang maan lo ahi manin hih nasepna sungah tanh ahi a, panna ahi zongin na nei kei hi.

LAISIENGTHOU CL Bible (BSI)

²¹ Pasian mitmu a na lungtang adihlou ziehin, tam thu ah panna na nei sih a, tan zong na nei sih hi.

Zo Bible

²¹ Pasien mai-ah na lungtang dih lo ahi ziehin tami thu-ah na kihal thei sih a, tanh zong na nei sih hi.

Nasepte 8:21 ပူးပေါင်းရင်းမြစ်များ

2 Khangthute 25:2

Amah in TOPA muhna-ah na sem napi a lungsim neihzah in a sem kei hi.

Nehemiah 2:20

Amaute ka dawnna-in, "Vantung Pasian in kote hong zosak ding hi. Ama nasem kote in a cian kik ka kipan ding uh hi; no na hi uh leh Jerusalem ah tanh na nei kei uh a, gam thukhun lampan ahi-a, tangthu lampan ahi zongin thuneihna na nei kei uh hi," ka ci hi.

Phatna-late 36:1

Gilopa mawh nei hihna b tawh kisai ka lungsim ah thu khat suak a: Pasian kihtakna ama mit ah a om kei hi.

Ezekiel 14:3

"Mihing tapa aw, hih mite in a lungsimun milim bia uh a, amaute maitangah kimuktuk nading gitlohna a koih uh hi. Amaute thu kidongsak peuhmah ding ka hi hiam?

Siampi Laibu 13:8

Siampipa in amah vel dinga a dulh in a vun tungah ma a sem leh amah siang lo hi, ci-in pulak ding hi; tua in a kilawh thei natna khat ahi hi.

Habakkuk 2:4

"En in, amah kisathei hi; amah in thutang lo a deih hi - ahi hangin thumaan mi ama upna hangin a nungta ding hi. d

Luke 1:6

Amau nupa Pasian muhna-ah mi thutang hi uh a, Topa thupiakte le zuih ding ngeinate khempeuh kawkbaanna om loin a zui uh hi.

John 21:17

Ama kiangah, "John Tapa Simon aw, kei nong it hiam?" ci-in a thumveina a dong hi. Jesu in, "Kei nong it hiam?" ci-a a thumveina a dot manin Peter lungsim a nasak hi. Amah in "Topa aw, na khempeuh na thei hi; nang kong it na thei hi," a ci hi. Jesu in, "Ka tuute na vak in.

Nasepte 8:37

Philip in, "Na lungsim khempeuh tawh na up leh na kibaptise thei hi," a ci hi. Cilgehpa in, "Jesu Christ, Pasian Tapa hi, cih ka um hi," b ci-in a dawng hi.

Ephesa-te 5:5

Ahang in, a thangtat, a siangtho lo ahikeh a huaiham, tua banga hihte milim bia hi-a, Christ le Pasian gam d ah luah ding bangmah a nei kei hi, cih na theitel uh hi.

Thupiakkikna 10:9

Tua hangin Levi-te in amau sanggamte lakah tanh ahi-a luah ahi zongin nei lo uh a; TOPA note Pasian hong gensa bangin amaute’ luah in TOPA ahi hi.)

Thupiakkikna 12:12

Tuateh nang le na tanute na tapate un, na nasemnute na nasempate le amau adingin tanh le luah a nei lo note khua sunga Levi-te tawh TOPA note Pasian mai tua lai munah nuam na sa khawm ding uh hi.

Hebrews 4:13

A kipiangsak khempeuh Pasian muhna pan a kisel bangmah a om kei hi. I thu i tut nading mitmuhin a kisin bangmah om loin kitel sinsen in a om hi.

Joshua 22:25

TOPA in no le ko kikal, no - Reuben-te le Gad-te le ko kikalah gamgi dingin Jordan a bawl khin hi! Note in TOPA ah tanh na nei kei uh hi,’ ci thei ding uh hi. Tua bangin no suante in ko aate’ TOPA a kihtakna uh beisak thei ding uh hi.

Kilaakna 2:23

A tate ka satlum ding hi. Tua ciangin pawlpi khempeuh in lungtang le lungsim zong a pheklekpa ka hilam hong thei ding uh a, note khempeuh na gamtatna bangun kong thuk ding hi.

Kilaakna 20:6

A masa thawhkikna sunga kihelte a siangtho le thupha ngahte ahi uh hi. Amaute tungah sihna nihna in vangliatna a nei nawn kei hi. Ahi hangin amaute, Pasian le Christ siampite hi ding uh a, kum tulkhat sung amah tawh a uk khawm ding uh hi.

Kilaakna 22:19

Mi khatpeuh in hih genkholhna laibu sung pana thute a paihkhiat leh Pasian in ama tung panin hih laibu sunga kigentel nuntakna singkung pan le khuapi siangtho pana a tanh ding a lakkhiatsak ding hi.