Nasepte 8:20 - Zokam International Version

²⁰ Peter in, "Na sum tawh mangthang khawmta in! Bang hang hiam cih leh Pasian letsong sum tawh lei theih dingin na ngaihsut hi.

LAISIENGTHOU CL Bible (BSI)

²⁰ Hinanleh Peter in akungah, “Pasian silpieh dangka sum a lei na tup zieh in, na sum nangma toh mangkhawm heh.

Zo Bible

²⁰ Ahi vangin Peter in ama kungah, “Sum tawh Pasien’ letsong nga sawm na hi ziehin na sum tawh mangthaiton in.

Nasepte 8:20 ပူးပေါင်းရင်းမြစ်များ

Matthew 10:8

Cinate damsak unla misite thosak un. Miphakte b siangsak unla, dawite hawlkhia un. Man nei lo-a na ngah bangun man nei loin na pia un.

Daniel 5:17

Tua ciangin Daniel in kumpipa kiangah, "Na letsongte nang kem inla, na pahtakmante midang khatpeuh pia in. Tua hi taleh kumpipa adingin lai kigelhte kong simsak dinga a khiatna zong kong gen ding hi.

Nasepte 2:38

Peter in, "Na mawhnate uh a kimai sak theih nadingin note, na vekpi un kisik unla Jesu Christ minin na kibaptise un. Tua ciangin Khasiangtho letsong na ngah ding uh hi.

Kilaakna 18:15

Tuanu tungah hih nate zuaka, a hauhna uh a ngah sumbawlte, ama thuaksiatna kihta in a gamla pekah a ding ding uh hi. Amaute thumin kap ding uh a:

James 5:3

Na ngun na khamte uh kekseu hi. Tuate kekseuna in note langah teci pang dinga, mei bangin na sa uh a ne ding hi. A beisa hun sung teng hauhna na khol zo ta uh hi.

Nasepte 8:22

Hih tatsiatna pan kisik inla, Topa tungah thu ngen in. Na lungsungah tua bang ngaihsutna na neih, amah in hong maisak kha thei ding hi.

1 Timothy 6:9

Ahau nuam mite ahileh khemna le thang, a haihuai le a nasak thei lunggulh-luatnate hangin siatna le manthanna sungah a puk uh hi.

Nasepte 11:17

Tua hi-a Topa Jesu a um, eite hong piak tawh a kibang letsong, Pasian in amaute pia ahileh Pasian a nial thei dinga kingaihsun kei kua ka hi hiam?" a ci hi.

Nasepte 10:45

Peter tawh a pai khawm vunatte lakah a um mite in, Gentile-te tung nangawna Khasiangtho a kisunkhiat ciangin lamdang a sa mahmah uh hi.

Matthew 15:19

Lungtang pana piangte: ngaihsut khel, tualthahna, angkawmna, numei le pasal paktatna, guktakna, zuau teci panna le gensiatna-te ahi hi.

Zechariah 5:4

Thahatpen TOPA in, ‘Tua ka sawlkhia dinga gutate inn sung le amaan lopi-a ka min tawh a kiciamte inn sungah a lut ding hi. Tua bang mite inn sungah om den dinga asing asuangin a susia khawm ding hi,’ ci hi," hong ci hi.

Isaiah 55:1

No a dangtakte khempeuh aw, hong pai un, tui hong zuan un; no sum nei lote aw, hong pai-in lei unla ne un! Hong pai unla sum pia lo man nei loin bawngnawi le lenggahzu lei un.

Thupiakkikna 15:9

Hih gitloh ngaihsutna ngaihsun in, "A kum sagihna leiba maisak ding kum nai ta," ci-in a tasam na sanggampa midang bawlin bangmah na piak loh khak ding kidawm un. Na tua cihleh TOPA tungah nang hong khia thei dinga mawhna bawl na suak ding hi.

Nasepte 1:18

(Judas in a gitlohna mana a ngah pahtakman tawh lo khat a lei hi. Tua munah bungbu kiatin a pumpi kitam a, a gilzangte buakhia hi.

Paunakte 15:26

TOPA in migilote ngaihsutna kih a, lungsim siangthote aa ahileh lungkimpih hi.

Thupiakkikna 7:26

A kihhuai na khatpeuh na inn uh tun kei un, na tut uh leh tuate tawh note suksiat dingin hong kituam koih ding hi. A kihhuai nate suksiat dingin kituam koih ahi manin mudahin kih cihtakin kih un.

Nasepte 8:19

"Ka khut ka ngaknate in Khasiangtho a ngah theih nadingin hih, hihtheihna kei zong hong pia un," a ci hi.