Nasepte 7:52 - Zokam International Version

⁵² Na pate un a bawlsiat loh kamsang om ngei ahi hiam? Amaute in Thumaan Pa hong pai ding thu a genkholte nangawn a that uh hi.

LAISIENGTHOU CL Bible (BSI)

⁵² Na pu napate un guolneite laha koi ahiei abawlgenthei uh? Mi dihtahpa hing pei ding thu genlawhte athat ua, tua mi dihtahpa mansahte leh thatte khu noute mama na hi uhi.

Zo Bible

⁵² Na pu na pate un a bawlsiet lo kamsang koi om ahei? Amate in Midih Pa pei nadinga thu magente a that vua, tu-in note pen tua pa a lehehte le a thatte na suoh ta uhi.

Nasepte 7:52 ပူးပေါင်းရင်းမြစ်များ

1 Kumpite 19:10

Amah in, "TOPA, Thahatpen Pasian adingin ka aam mahmah hi. Israel-te in thukhun nial uh a, na biakna-taute phelkhia mangin na kamsangte namsau-in a that uh hi. Kei kia bek a omlai sun ka hi-a, tu-in kei zong thah hong sawm uh hi," ci-in a dawng hi.

1 Kumpite 19:14

Amah in, "TOPA, Thahatpen Pasian adingin ka aam lua mahmah hi. Israel-te in na thukhunte nial uh a, na biakna-taute phelkhia mangin na kamsangte namsau in that uh a, tu-in kei zong thah hong sawm uh hi," ci-in a dawng hi.

2 Khangthute 36:15

TOPA a pate uh Pasian in ama mite le a tenna mun tungah hehpihna nei ahi manin a kamtaite tungtawnin amaute tungah thu a khak kikkik hi.

2 Khangthute 36:16

Ahi hangin TOPA thangpaihna mite tungah tungin a kidamsak zawh loh dong amaute in Pasian kamtaite zahko-in a kammalte simmawh uh a, ama kamsangte a zahpih uh hi.

Nehemiah 9:26

"Ahi hangin amaute thumang loin nang hong lehdo uh a; na thukham a nungngatsan uh hi. Amaute nang lama a kihei nadingun a zol, na kamsangte that uh a; a lauhuai mindaisakna a bawl uh hi.

Jeremiah 2:30

"Na mite a mawkna-a dan pia ka suak hi; amaute a kibawlpha nuam kei uh hi. Humpinelkai gilkial bangin na namsaute un na kamsangte uh a liakmang khin hi.

Jeremiah 20:2

kamsangpa Jeremiah satin kolbulh a, Benjamin Kongpi Saknung a TOPA biakinnpi ah a koih hi.

Jeremiah 26:15

Ahi zongin kei nong thah uh leh note le hih khuapi le a sunga om mite khempeuh mawhpeng sisan tunga khial na suah lam uh kitel un, ahang in, hih thu khempeuh note zaka gen dingin TOPA in kei hong sawl taktak ahi hi," a ci hi.

Jeremiah 26:23

Amaute in Egypt panin Uriah paikhiatpih uh a, Kumpipa Jehoiakim a puak uh hi; tuapa in namsau-in satlum a, ama luang mi mawkmawkte kivuina munah kipai hi.)

Zechariah 9:9

Zion Tanu aw, nuam mahmah in! Jerusalem Tanu aw, kiko in! En in, na kumpipa b na kiangah thumaanna le hotkhiatna kengin migi-in laa tungah, sin nai loh, laapi ta laano tungah hong tuang hi.

Matthew 5:12

Note ma-a kamsangte zong tua mah bangin bawlsia uh ahi manin lungdamin kipak un, bang hang hiam cih leh vantung ah no ading pahtakman a lian hi.

Luke 6:23

"Vantungah no ading pahtakman lian ahi manin, tua ni-in kipakin lungdamin diang un. Ahang in, tua mah bangin a pu a pa-te un kamsangte na bawl zo uh hi.

John 16:10

thumaanna thu ah, note in kei nong muh nawn loh nading uh mun Pa kiangah ka pai ding hang;

Nasepte 2:23

Pasian in a tupsa le a theihkholhsa bangin note khutah hong kipia hi. Tua ciangin note in mitatsiate f huhna tawh singlamteh tungah na kilhlum uh hi.

Nasepte 22:14

"Tua ciangin amah in: ‘I pate Pasian in, ama deihna thei ding Thumaan Pa mu ding le ama kam pan thute za dingin nang hong teel zo hi.

Nasepte 3:18

Ahi hangin Pasian in kamsangte khempeuh tungtawn a, ‘Christ c in thuak ding hi,’ ci-a a gen kholhsate a tangtunsakna hih bang ahi hi.

Nasepte 3:24

"Hi takpi hi, Samuel a kipan, kamsangte thugenkhol khempeuh in tu lai hunte na genkhol zo uh hi.

Nasepte 4:10

note le Israel gama midangte khempeuh in hih thu thei ta un. A dam siang sinsensa a note mai-a ding hih mipa pen, note in na kilhlup uh, ahi hanga Pasian in misi pana a thawhkiksak pa Nazareth mi Jesu Christ min hanga dam ahi hi.

1 THESSALONIKA 2:15

Tua Jew mite in Topa Jesu le kamsangte that uh a, kote zong hong hawlkhia uh hi. Amaute in Pasian lungkimsak lo uh a mite khempeuh langah pangin,

2 Timothy 3:4

a zuautatte, a gamhtatte, a kimisakte, Pasian it ding sanga nopsakna a itzawte,

1 Peter 1:11

amaute sunga a om Christ Kha in Christ thuaknate le tua nunga a zui ding minthannate tawh kisai a genkholh lai-in, a hun le a pianzia ding bangci banga gen hiam, cih muhkhiat ding a hanciam uh hi.

1 John 2:1

Kong it ka tate aw, na mawh loh nadingun hih thu kong gelh hi. Ahi hangin mi khatpeuh in mawhna a bawl khak leh eite hong guma Pa kiangah hong gensak ding mi khat - Thumaan Pa Jesu Christ i nei hi.

Kilaakna 19:10

Hih thu ah amah bia dingin a khe phungah ka bok hi. Ahi hangin amah in, "Hih kei in! Kei zong Jesu ading teci a pang, nang le na sanggamte tawh nasem khawm khat mah ka hi hi. Pasian bia in! Ahang in, Jesu teci panna in kamsanna kha ahi hi," hong ci hi.

Kilaakna 3:7

"Philadelphia a pawlpi vansawltak tungah gelh in: Hihte, a siangtho le a thumaan-pa, David tawhtang tawipa kammalte ahi hi. Ama honsa kuamah in khak thei lo a, ama khaksa kuamah in a hong thei kei hi.