Nasepte 7:42 - Zokam International Version

⁴² Ahi hangin Pasian in lehngatsana vantung nate biakna adingin amaute a ngawh piak hi. Hih kamsangte laibu sunga kigelhsa thu: "O Israel innkuante aw, gamlak ah kum sawmli sung, biakpiakna le biaknate kei nong puak uh hiam?

LAISIENGTHOU CL Bible (BSI)

⁴² Tuachi’n Pasian in amaute akiheisan a van a aasite be dingin aleengatsanta hi. Guolneite laibu ah tambangin akigiel hi. Aw Israel innkuonte, gamdai ah kum sawmli sungin, gantate that in kithoinate leh sillatte, na hing lan ngai uh amah?

Zo Bible

⁴² Ahi vangin Pasien in amate elngat a, a kamsangte laibu sungah a kigiel ma bangin vantung nate a bie dingin amate a pie ta hi: ‘Israel innkuonte aw, gamlahah kum sawmli sung, gante go-in na biehpiehnate uh kei tunga nei pieh uh ahi ngel ei mah?

Nasepte 7:42 ပူးပေါင်းရင်းမြစ်များ

Ezekiel 20:39

"‘Israel innkuante aw, hih in note adingin TOPA thugen ahi hi: Note a kuamapeuh in na milimte uh na sem un! Ahi hangin mailam hunah pel loin ka thu nong ngai ding uh a, na letsongte uh le na milimte uh tawh ka min siangtho na daisak nawn kei ding uh hi.

Jeremiah 19:13

Jerusalem a innte le Judah-te kumpite, amau innkhum tungah vana aksi honte khempeuh tunga gimnamtui a hal innte le pasian dangte tungah dawntheih-a biakna a sungsate khempeuh hih Topheth mun tawh a kibangin a nin ahi hi, ci in,’ hong ci hi," a ci hi.

Thupiakkikna 4:19

Tuateh vanlam entoin - vantunga na khempeuh - ni, kha, aksite na muh uh ciangin vankikhupsin nuai-a minamte khempeuh tungah TOPA note Pasian in a piak nate lamah kihei-in bia-in kun kha kei un.

Isaiah 63:10

Tua hi napi amaute in lehdo uh a, ama Khasiangtho a dahsak uh hi. Tua ciangin amah kihei-in amaute gal suak a, amah mah in amaute a do hi.

Nasepte 7:36

Amah in amaute Egypt panin pai khiatpih a, Egypt gam, San Tuipi e le sehnel-gam ah kum sawmli sung a lamdangte le lim lamdangte a bawl hi.

Hosea 4:17

Ephraim pen milimte tawh kipaikan hi; ama omin omsak lel in!

Ezekiel 8:16

Tua ciangin amah in TOPA inntual sungnungah hong puak a, tua lai-ah biakinnpi lutna mun innlim le biakna-tau kikal ah pasal sawmnih le nga ding khawng a na om hi. Tua biakinnpi nungngatin nisuahna-lam nga uh a, nisuahna lama ni bia-in a kun uh hi.

Isaiah 66:4

tua ahi ciangin amaute ka bawlsiat nadingin haksatna ka teel dinga amaute kihtak pen amau tungah ka tungsak ding hi. Ahang in, ka sap ciangin kuamah in hong dawng lo uh a, ka gen ciangin kuamah in a ngai kei uh hi. Amaute in kei muhin gitlohna sem uh a, kei hong lungkimsak lo nate a teel uh hi," a ci hi.

Joshua 24:20

TOPA taisanin gamdang pasiante’ na na sep uh leh note tungah hong migit khit ciangin hong lehngatsanin siatna hong tungsak dinga hong beisak ding hi," a ci hi.

Ezekiel 20:25

Kei zong a hoih lo ngeina le a nuntakpih loh ding uh thukhamte ah ka ngawhngatsan hi.

Phatna-late 95:10

Tua khangte tungah kum sawmli sung ka heh a, "Amaute lungsim lampialsate hi uh a, ka lampi a thei kei uh hi," ka ci hi.

2 Kumpite 21:3

A pa Hezekiah in a suksiatsa munsangte lam kik hi; Israel kumpipa Ahab hihsa bangin Baal biak nading taute dawha, Asherah khuam zong a phut hi. Amah aksi honpite lamah kunin tuate a bia hi.

2 Kumpite 17:16

Amaute in TOPA amaute Pasian thupiakte khempeuh taisan khin uh a, amau mahmah in bawngno lim kisung milim nih le Asherah khuam a bawl uh hi. Aksi honpite khempeuh lamah kunin Baal a bia uh hi.

Thupiakkikna 17:3

ka thupiak tawh kilehbulhin pasian dangte, vana ni, kha, aksite ahi zongin bia-in a kuna,

Isaiah 43:23

Meihal biakna dingin tuu nong puak kei uh a, na kithoihnate uh tawh nong pahtawi kei uh hi. An-a biakna-in vangik kong suan kei a, gimnamtui hong ngenin kong kicimtaksak kei hi.

Hebrews 3:9

Tua lai-ah na pate un kei hong zia-et in hong sin uh a kum sawmli sung ka hihte a mu uh hi.

Jeremiah 8:2

Amaute in itin a na a sep uh, a nung zui-in thu dongin a biak uh - nipi, khapi le vante a aksite khempeuh tungah a kiphokhia ding hi. Amaute kikhawm lo kiphum lo dinga leilakah a ki-eknusiat lel ding hi.

John 6:45

Kamsangte laibu sungah, ‘Pasian in amaute khempeuh a hilh ding hi,’ b ci-in kigelh hi. Ka Pa thu ngai-a ama kianga a sin khempeuh ka kiangah hong pai hi.

Nasepte 13:40

Kamsangte gensa no tunga a tun loh nadingin na kikem un; tua in: