Nasepte 7:32 - Zokam International Version

³² ‘Na pate uh Pasian, Abraham, Isaac le Jacob-te’ Pasian ka hi hi,’ c ci hi. Moses lau in linga, a en ngam kei hi.

LAISIENGTHOU CL Bible (BSI)

³² Kei na pu napate Pasian, Abraham Pasian, Isaak Pasian leh Jakob Pasian, ka hi, achi hi. Tuachi’n Mosi achitun a, a en ngamta sih hi.

Zo Bible

³² ‘Kei pen na pu na pate uh’ Pasien, Abraham, Isaac, le Jacob-te’ Pasien ka hi hi,’ a ci hi. Moses citun gawpin a en ngam sih hi.

Nasepte 7:32 ပူးပေါင်းရင်းမြစ်များ

Piancilna 26:24

Tua zanin ama kiangah TOPA kilanga, "Kei in na pa Abraham’ Pasian ka hi hi. Lau kei in nang tawh ka om khawm hi; ka nasempa Abraham hangin nang thupha kong pia dinga, na suan-le-khakte ka pungsak ding hi," ci hi.

Piancilna 50:24

Tua ciangin Joseph in a sanggamte kiangah, "Kei a si ding ka hi ta hi; ahi hangin note kiangah hong huh ding Pasian hong pai pelmawh dinga hih gam pan hong pikhia in Abraham, Isaac le Jacob tunga kiciama a khapsa gamah hong puak ding hi," ci hi.

1 Kumpite 19:13

Elijah in tua a zak ciangin a puantualpi in a mai khuh a paikhia-in suanghawm gongah a ding hi. Tua ciangin aw khat in, "Elijah aw, hih lai-ah bang hih na hi hiam?" a ci hi.

Job 4:14

launa le linna in kei hong mancip-a, ka guh khempeuh a lingsak hi.

Phatna-late 89:7

Misiangthote kikhopna ah Pasian kikihta mahmah a; ama kimkot a omte khempeuh sangin a lipkhaphuai zaw hi.

Paikhiatna 3:15

Pasian in Moses kiangah, "Israel-te tungah, ‘TOPA c na pate uh Pasian- Abraham’ Pasian, Isaac le Jacob’ Pasian in note kiangah kei hong sawl zo hi,’ ci in. Hih in khang khat pan khang khat dongin a kiphawk gige ka min ahi tawntung hi.

Paikhiatna 3:6

Tua ciangin amah in, "Keimah na pa’ Pasian, Abraham’ Pasian, Isaac’ Pasian le Jacob’ Pasian ka hi hi," a ci hi. Tua laitakin, Moses in Pasian en ngam lo ahi manin a maitang a sel hi.

Paikhiatna 33:20

Ahi hangin amah in, "Kei hong mute kuamah nungta lo ahi manin ka maitang na mu thei kei ding hi," a ci hi.

Paikhiatna 4:5

TOPA in, "Hih pen, amaute in TOPA, amau pate’ Pasian, Abraham’ Pasian, Isaac’ Pasian le Jacob’ Pasian - nang tunga hong kilak zo ahi lam a up nading uh ahi hi," a ci hi.

Matthew 17:6

Nungzuite in hih awging a zak uh ciangin lau uh a, lei ah a khupbawh uh hi.

Matthew 22:32

‘Keimah in Abraham’ Pasian, Issac’ Pasian le Jacob’ Pasian ka hi hi’ a cih thu sim ngei lo na hi uh hiam? Amah in a site Pasian hi lo, a hingte Pasian ahi hi," a ci hi.

Matthew 22:46

A dawng kik thei khat bek om lo uh a, tua ni-a kipan kuamah in bangmah a dong ngam nawn kei uh hi.

Luke 5:8

Simon Peter in hih a muh ciangin Jesu mai takah bokin, "Topa aw, kei kiang pan paikhia in; mawhdim mi ka hi hi!" a ci hi.

Nasepte 3:13

Abraham, Isaac le Jacob-te’ Pasian, i pate Pasian in ama nasem Jesu min thangsak zo hi. Note in amah thah dingin na piakhia uh a, Pilate in amah khah ding thukim napi ama mai-ah amah na nolh uh hi.

Nasepte 7:31

Amah in hih a muh ciangin a na muh lamdang a sa mahmah hi. A naizaw-a en dingin a pai leh amah in Topa aw za a:

Hebrews 11:16

Tua sangsikin, amaute in gam hoihzaw khat vantung gam a lunggulh uh hi. Pasian in amaute ading khuapi lian khat bawlkhol zo ahi manin, amau Pasian a kicih ding a maizum kei hi.

Kilaakna 1:17

Amah ka muh ciangin a khephung ah a si bangin ka puk hi. Tua ciangin aman a taklam khut ka tungah nga a: "Lau kei in, keimah, a Masa pen le a Nunung pen ka hi hi.