Nasepte 5:31 - Zokam International Version

³¹ Amah in Israel-te tungah kisikna leh mawhmaisakna a piak theih nadingin Pasian in amah tawisanga ama taklamah koih in, Ukpa le Honpa in a tusak hi.

LAISIENGTHOU CL Bible (BSI)

³¹ Ama khu Pasian in leengtapa leh hundampa hi dingin azietlam ah apahtawita a, Israelte kunga kisia a lungheina leh khel ngaidamna pe dingin.

Zo Bible

³¹ Pasien in Israel-te tungah kisiana le mawmaina a pieh nadingin a zietlamah Lamkai pa ding le Hundam pa dingin ama a tawisang zo hi.

Nasepte 5:31 ပူးပေါင်းရင်းမြစ်များ

Phatna-late 89:19

Khatvei na mi muanhuaite mangmuhna-in na hopih a: "Galhangpa tungah thahatna ka pia a; mite lak pan tangval khat ka tawisang hi.

Phatna-late 89:24

Keima itna muanhuai tawh ka ompih dinga, keima min hangin a ki e a kitawisang ding hi.

Isaiah 43:11

Kei, keimah TOPA longal honpa dang a om kei hi.

Isaiah 43:3

Ahang in, keimah in TOPA note Pasian Israel Siangtho Pa note Honpa ka hi hi; nangmah tatna-in Egypt ka pia a, nang tangin Cush a le Seba ka pia hi.

Isaiah 45:21

Bang piang ding hiam genkhia-in thu sung un - amaute kikumkhawmsak un. hih thu sawt pekin kua in genkhol a, hun beisa lai-in kua in genkhia ahi hiam? a genkhia keimah TOPA hi lo ka hi hiam? Keimah Pasian longal a thumaan Pasian le Honpa dang kuamah a om kei hi; kuamah om lo hi, keimah ka hi hi.

Isaiah 49:26

Nang hong nengniamte amaute sa amau mah ka nesak dinga, amau sisan zukham bangin ka khamsak ding hi. Tua ciangin mihing peuhmah in keimah, TOPA, note Honpa, note Tanpa, Jacob Thahat Pa ka hilam hong thei ding uh hi," a ci hi.

Isaiah 9:6

Ahang in, eite tungah naungek khat hong suaka, tapa khat hong kipia hi; a liangko tungah ukna a tuang ding hi. Tua hi-a, amah Lamdang Thulakpa, b Thahat Pasian, Tawntung Pa, Lemna Kumpi, kici ding hi.

Ezekiel 17:24

Gam sunga sing khempeuh in, keimah TOPA in sing sangte niamsakin, sing niamte ka sansak lam, singhingte keusakin singkeute ka hinsak lam a thei ding uh hi. "‘Keimah TOPA in ka gensa hi-a ka gen bangin ka sem ding hi, ci hi,’ ci-in gen in," hong ci hi.

Ezekiel 34:24

Keimah TOPA a Pasian uh ka hi dinga, amaute lakah ka nasempa David a ukpa uh hi ding hi. Keimah TOPA in ka gensa ahi hi.

Ezekiel 37:25

Ka nasempa Jacob ka piaksa na pate uh tenna gamah amaute a teng ding uh hi. Amaute le a tate uh le a tute uh tua lai-ah teng tawntung ding uh a, ka nasempa David a ukpa uh hi tawntung ding hi.

Daniel 10:21

ahi hangin a masapenin thumaan Laibu sunga kigelh thu kong gen ding hi.

Daniel 9:25

Hih thu thei inla telcian in: Thukip d a kipiaka kipan Jerusalem a ngei bangin a kilam kik dong sagih ‘sagihte’ hi dinga, Jerusalem kilam kika kipan Sathau-kinilh Pa e, ukpa hong pai dong, sawmguk lenih ‘sagihte’ hi ding hi. Kongzing lampite le guampi nei-in kilam kik dinga, ahi hangin lungkham hun sung hi ding hi.

Zechariah 12:10

Tua ciangin David innkuante le Jerusalem a tengte tungah hehpihna le ngetnopna kha a ka sungkhia ding hi. Amaute in a sutletpa uh kei hong en b in a tapa neihsun kah bangin kap ding uh a, a tapa masapen hanga a dah mahmah bangin ama adingin dah ding uh hi.

Matthew 1:21

Tapa khat a nei ding hi; tua tapa in ama mite a mawhna uh panin honkhia ding ahi manin a min Jesu b na phuak in," a ci hi.

Matthew 28:18

Tua ciangin amaute kiangah Jesu pai a, "Vantung le leitungah thuneihna khempeuh kei hong kipia khin hi.

Mark 2:10

Ahi hangin Mihing Tapa in hih leitungah mawh maisak theih nading thu nei hi, cih na theih nadingun...," a cih khit ciangin pumzawpa kiangah,

Mark 4:12

"‘Amaute in mu ngitnget napi, mutel ngei lo ding uh a, za ngitnget napi, a theitel ngei kei ding uh hi; tua hi kei leh amaute lunghei in, kimaisak kha ding hi!’" a a ci hi.

Luke 2:11

Tuni-in David khuapi ah note ading Honpa khat suak khin zo hi; amah Christ b Topa ahi hi.

Luke 24:47

Jerusalem pan kipankhia in, ama minin minamte khempeuh tungah kisikna le mawh maisakna thu a kihilh ding hi.

John 4:42

Amaute in tua numei kiangah, "Nang hong genna hang bek-a um ka hi nawn kei uh a, ko mahmah in tu-in ka za uh a, hih mipa, leitung Honpa taktak hi, cih ka thei uh hi," a ci uh hi.

Nasepte 11:18

Amaute in hih thu a zak uh ciangin bangmah nialna nei nawn tuan loin, "Tua ahi mawk leh Pasian in, nuntakna ngah nadingin kisikna Gentile-te tungah phal tazen hi lo maw!" ci-in Pasian a phat uh hi.

Nasepte 13:23

"Pasian in hih mipa suan le khakte panin Israel-te kianga a ciamsa bangin Honpa Jesu a puak hi.

Nasepte 2:33

Amah Pasian taklam ah kitawisang a, Pa kiang pana kamciamsa Khasiangtho ngahin ama hong buakkhiat tu-a na muh na zakte uh ahi hi.

Nasepte 2:36

"Tua ahi manin Israel mi khempeuh in tel ta un: Na kilhluppa uh hih Jesu, Pasian in Topa le Christ suaksak zo hi," a ci hi.

Nasepte 2:38

Peter in, "Na mawhnate uh a kimai sak theih nadingin note, na vekpi un kisik unla Jesu Christ minin na kibaptise un. Tua ciangin Khasiangtho letsong na ngah ding uh hi.

Nasepte 3:15

Note in nuntakna a piapa na that uh a, ahi hangin Pasian in amah misi pan a thosak hi. Hih thuah kote teci ka hi uh hi.

Nasepte 3:19

Tua ahi ciangin kisikin Pasian lam nga kik un. Tua hileh na mawhnate uh kisiaksiangin Topa tung panin thathak ngahna hun hong tung thei dinga;

Nasepte 3:26

Pasian in a nasempa a khankhiatsak ciangin note, na tatsiatna panun na vekun kikhelin thupha hong piak theih nadingin note kiangah hong sawl masa hi," a ci hi.

Nasepte 4:11

Amah, "‘No innlamte nolh suang, inntungkhum c suang a suak ahi hi,’ d

2 Corinth-te 2:10

Note in mi khatpeuh na maisak uh leh kei zong amah ka maisak hi. A mawhna ka maisak khitin maisak ding dang a om lai leh note tangin Christ muhna ah

Ephesa-te 1:7

Pasian hehpihna kicing tawh kizui-in ama sisan hangin ama sungah tatkhiatna le mawh maisakna i ngah a,

Philippi-te 3:20

Ahi hangin eite gammi i hina vantung ahi hi. Eite in tua mun panin Honpa Khat - Topa Jesu Christ lawptakin i ngak hi.

Colosse-te 1:14

eite in ama sungah tatkhiatna e le mawhnate maisakna i ngah hi.

Titus 1:4

Eite in i upkhawm upna sunga ka tapa taktak Titus tungah: Pa Pasian le eite Honpa Christ Jesu pana hehpihna le lemna hong tung ta hen.

Titus 2:10

a na uh guksak loin a muanhuai zaw dingin hilh in. Tua hileh i Honpa Pasian tawh kisai hilhnate a deihhuai a suaksak ding uh hi.

Titus 2:13

a lian a minthang eite Pasian le Honpa Jesu Christ hong kilat nading-lametna thupha i ngak hi.

Hebrews 12:2

Ama mai-a kikoih lungnopna a ngah nadinga singlamteh ah simmawh bawlsiatnate a thuak keeikai khit ciangin Pasian taklamah a tu, i upna a piang sakpa le a hoihkimsakpa Jesu mitsuan gige ni.

Hebrews 2:10

Tapa tampi minthanna ngahsakna ah ama ading le ama tungtawna na khempeuh a omna pa Pasian in, amaute hotkhiatna a piangsak pa thuakna tungtawna, a bukimsak ding mah kilawm hi.

1 Peter 3:22

Amah vantungah kahto khina tu-in Pasian taklamah om-a, vansawltakte, thuneihna le vangliatnate ama khutnuai-ah a om hi.

2 Peter 1:1

Jesu Christ nasem le sawltakpi Simon Peter in, Eite Pasian le i Honpa Jesu Christ thumaanna tungtawnin kote aa banga a manpha upna a ngahte tungah:

2 Peter 1:11

eite Topa le Honpa Jesu Christ tawntung kumpi-gamah note thupitakin hong kimuak ding hi.

2 Peter 2:20

Eite Topa le Honpa Jesu Christ a theihna uh hangin leitung siatna pan suakta khin napi, tua lai mah ah awk kikin a pianzia nunung, a masa sangin a sia zawtham hi.

2 Peter 3:18

Ahi hangin i Topa le Honpa Jesu Christ hehpihna le theihna-ah na khangto un. Ama tungah tu le a tawntungin minthanna om ta hen! Amen.

1 John 4:14

Tua hi-a Pa in leitung Honpa dingin ama Tapa hong sawl zo hi, cih eite in i mu khin a, teci i pang hi.

Jude 1:25

eite Honpa Pasian khat bek tungah i Topa Jesu Christ tungtawnin minthanna, thupina, vangliatna le thuneihna, khang hun khempeuh ma, tu laitak le a tawntung in om ta hen! Amen.

Kilaakna 1:5

le a muanhuai teci pa, misi pana a suak masa pen, le leitung kumpite a ukpa, Jesu Christ tung panin hehpihna le lemna no tungah om ta hen. Eite hong it a, ama sisan hanga i mawhnate pan hong suaktasak,